本帖最後由 gorbb 於 13-5-24 18:14 編輯
回復 minirat 的帖子
Haha,真係巧遇知音.
「小時了了大未必佳」我十分認同. 身邊真係有唔少這種例子. 有的小學被阿媽迫讀書,少時名列前茅,但可惜失去學習興趣及不懂自我尋找讀書方法,會考時連升中六都沒有資格. 有的一向讀書不錯,入四大,可惜一生只活在父母的蔭下,畢業十多年冇份工做得長,連一份正式的長工都沒有.
與你一樣,我都覺得學術好重要 (等同品德),但冇必要幼稚園就開始谷學術.我亦從來唔會羨慕人地話有小朋友幾多歲識d咩,或擔心自己小朋友落後於人. 上天是公平的,就算是優資,於某一樣地方超前,總有另一樣野落後. 我有朋友好為兒子學術能力超前而自豪 (佢讀某名幼,佢話連老師都讚小朋友學術好),但在我來看,這小孩的同理心及情緒控制能力卻遠遠落後於同齡. 不過這可能是一般家長及學校不重視的. 而我自己則覺得均衡發展更為重要.
同埋,我都是從來唔介意小朋友同邊一類人做朋友,這亦是學習與人相處的一部分. 依家有多人話有大學畢業生不懂與人相處,正正是因為少時被父母拑制,只可以與父母心目中 "志同道同"的人做朋友. 到出來社會工作後,才驚覺原來世界有不同類型的人, 且天外有天, 人外有人.
有朋友的兒子讀名幼k1, 個個月輪流開生日party,你做公主我搵魔術師. 家長間的話題是比較學術成績及老師評語. 我絕對不希望我的小朋友在這種氛圍下成長. |