仔仔情況變嚴重---如何可以讓智能中心再幫仔仔做多次評估 - 特殊教育

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 特殊教育 › 仔仔情況變嚴重---如何可以讓智能中心再幫仔仔做多次評 ...

查看: 1336\|回覆: 7	go 仔仔情況變嚴重---如何可以讓智能中心再幫仔仔做多次評估 [複製鏈接]

catherine_ng

複式洋房

Rank: 3 Rank: 3


	325

1^#

發表於 12-11-12 01:31 |只看該作者 |倒序瀏覽 |打印

本帖最後由 catherine_ng 於 12-11-12 01:34 編輯

仔仔2.5歲幾評估為整體發展遲緩，直到依家就快5歲半，本應升K3，但由於發展遲佐一年左右，係學校的建議下，今年俾佢返多一年K2，但近排發覺仔仔情況好似嚴重佐，學校兼收位d老師想了解多d仔仔最近的發展情況係點樣，建議再去做多次評估，我有打去下葵涌智能評估中心，想申請再評估多次，果度回覆是本來係會安排出年1月幫仔仔評估多一次，有助於評估佢是否適合升主流小學，但現在由於仔仔留佐班，未到揀小學的時候，所以提供唔到做評估的服務我地，亦都會取消出年1月的評估，直至要到2014先會再俾到資源我地。

我想問遇到咁樣的情況，有無辦法可以再去申請多一次評估，例如學校出多次介紹信或者揾私人醫生或者社工是否可以幫到我地呢？

希望知情人士可以俾d意見我地，謝謝！

1 0 0 0

返回頂部

pocoyo123

大宅

Rank: 5 Rank: 5


	4461

2^#

發表於 12-11-12 12:52 |只看該作者

可以, 打去搵醫務社工, 同佢講小朋友情況變差, 要求心理學家到學校觀課, 如觀課後, 心理學家發現有問題, 會安排見醫生轉服務,但你小朋友已5歲半, 時間好小, 佢地拖下你, 一夠6歲就關人鬼事, 可以將個波交比教育局, 又你未上小學, 咁呢個真空期, 好大機會要自費去搵訓練,.

當年, 我亞仔都重讀K3, CAC一樣5歲同佢做小一入學前評估, 根本呢個評估有5歲以上已可以做, 做呢個評估只是CONFIRM小朋友的智能是否特殊, 如特殊就比定個結果家長去搵定學校, 如智能正常, 佢都會話比家長知小朋友和正常小朋友的差距有幾大, 而家長去衡量是否重讀幼稚園, 太遲評估, 家長不能為小朋友作出一個最好的打算.

政府服務現在人多排但位小, 家長應不停打去追問, 多同社工講出情況, 又可試打去醫院精神科, 試下可否幫到你

返回頂部

catherine_ng

複式洋房

Rank: 3 Rank: 3


	325

3^#

發表於 12-11-12 22:37 |只看該作者

pocoyo123 發表於 12-11-12 12:52
可以, 打去搵醫務社工, 同佢講小朋友情況變差, 要求心理學家到學校觀課, 如觀課後, 心理學家發現有問題, 會 ...

pocoyo,好多謝你俾到咁多意見我，我今日諗住試下去母嬰健康院重新預約一次，點知預約到，而且都好快，11月26叫啱好有位媽媽取消佐，咁就俾埋我地去見佐健康院d姑娘先，如果姑娘覺得有必要再見醫生，我諗應該同之前的程序一樣了，如果到時見完姑娘或醫生後唔幫我轉介去智能評估中心的話，我再諗辦法，或者到時自己要成日都上返去智能評估中心揾d姑娘幫手了。

我會再試下去平時睇開果個私家診所，問下醫生可否幫我出到介紹信，如果有呢封介紹信的話，可否直接憑介紹信上去智能中心排位（就算排到唔知會唔會又要等上半年—_—!!), 或者到時同佢地講我亞仔就快6歲了，是不是可以排快隊！

今日亦都有幫佢要協康申請佐排青蔥計劃，唔知幾時先排到，大約2個月左右，到時會有幼兒導師做評估，聽下佢地既意見先都好。

你亞仔依家返佐小學未呢？重讀一年之後跟到嗎？我都擔心佢就算入到主流小學都會跟唔到，記性、專注、理解、表達、各方面都差，真係好擔心！！！

返回頂部

pocoyo123

大宅

Rank: 5 Rank: 5


	4461

4^#

發表於 12-11-12 23:10 |只看該作者

不用客氣, 希望你小朋友有適當訓練, 早日進步.

小兒已經上左小一啦, 暫時都可以跟到, 多謝

如你預備2014上小一, 你應多為他打算, 老實說, 小學真是無乜支援, 而且, 功課,測試,考試,默書,評估, ,.....等等排山倒海而來, 到時, 照顧得一樣又無時間去追其他, 最好趁這段時間追貼些先上小學

返回頂部

catherine_ng

複式洋房

Rank: 3 Rank: 3


	325

5^#

發表於 12-11-13 09:39 |只看該作者

是的，我9月啱啱係圓玄學院完佐訓練，依家再諗住去出邊揾d訓練俾佢，希望可以進步多d

其實我地一直有送佢返教會兒童聚會，近呢幾個月果度老師都話佢多佐好多古怪行為，玩口水，大聲叫，大笑（唔知佢笑咩，又係停唔到落黎），但之前係學校無d咁既行為，我地就以為會唔會係教會的小朋友多，環境相比幼稚園就比較鬆散，果d小朋友又比較活躍，所以先有d失控行為，點知今日學校同我講琴日佢係午休時間大聲叫，叫極都唔停，學校如果再有咁既行為，就會叫心理醫生上學校觀課，好彩學校有服務俾到佢，我遲d會再同學校傾下，睇下可以點樣幫多d佢

真係很擔心，之前評估結果係發展遲緩，但依家己經有更多d古怪行為出來，好擔心會有自閉症，到時都唔知點算

返回頂部

apple~y

子爵府

Rank: 7 Rank: 7 Rank: 7


	10937

6^#

發表於 12-11-13 10:22 |只看該作者

回復 catherine_ng 的帖子

小朋友社交如何?

返回頂部

catherine_ng

複式洋房

Rank: 3 Rank: 3


	325

7^#

發表於 12-11-13 10:54 |只看該作者

社交都弱，之前係好唔主動同小朋友玩，但人地同佢玩又唔會抗拒，近大半年好佐好多，會主動同小朋友傾計，行埋去玩，不過就唔好攪到佢，如果攪到佢小小野，佢又會大發脾氣，同埋近呢幾個月好硬頸，明明知錯，但口都唔肯認錯，點都唔認！

返回頂部

catherine_ng

複式洋房

Rank: 3 Rank: 3


	325

8^#

發表於 12-11-13 11:01 |只看該作者

apple~y 發表於 12-11-13 10:22
回復 catherine_ng 的帖子

小朋友社交如何?

社交都弱，之前係唔會主動同小朋友玩，但人地同佢玩又唔會抗拒，近大半年好佐好多，會主動同小朋友傾計，行埋去玩，不過就唔好攪到佢，如果攪到佢小小野，佢又會大發脾氣，同埋近呢幾個月好硬頸，明明知錯，但口都唔肯認錯，點都唔認！

佢同好熟好熟既小朋友或者大人一齊就多野講，主動好多！
但唔係好熟既小朋友，就只係會一齊玩，講就比較少！
另外近排佢如果同人講緊野，但人地可能一時未聽到，未留意到，佢就好唔開心，發曬脾氣，一定要人地聽住佢講，而且要有回應，要答佢d問題。

有時佢響街問我d問題，太吵我聽唔太清楚，要求佢再講多一次，佢又係發脾氣，同埋不斷發曬脾氣問我
“係唔係呀，係唔係呀”，搞到後面我唯有求其俾個答案佢，係呀者唔係，如果我呢個時候又答錯佐，唔係佢心目中果個答案既話，佢又會發脾氣