想女兒繼續蒙特梭利playgroup而唔返幼稚園 - 幼教雜談

himuimui

禁止訪問

醒目開學勳章


	4700

2^#

發表於 12-8-27 09:29 |只看該作者

提示: 作者被禁止或刪除內容自動屏蔽

sbux

大宅

Rank: 5 Rank: 5


	4200

3^#

發表於 12-8-27 10:24 |只看該作者

小兒在best+concept上堂,+覺得佢好適合,+好

原帖由 fatfatgarfield 於 12-08-26 發表
小兒在best concept上堂, 覺得佢好適合, 好想她繼續上大仔班, 而唔返幼稚園, 可行嗎?
其實心中有間理想小學 ...

點解唔以上下晝班解決？上晝放學十二點，食飯瞓一陣番三點三嗰班得唔得？大仔班最少番兩日，選一日星期六咁小朋友最多有一日週日辛苦D，我勸你唔好太早困死條路，始終小朋友仲細，你未知佢係咪可以完全行嗰套

Rank: 6 Rank: 6


	5702

4^#

發表於 12-8-27 11:03 |只看該作者

本帖最後由 elmostoney 於 12-8-27 11:07 編輯

可以, 因為我都係咁.  大女係菁一到四歲半, 之後真係驚涵接唔到 (唔係學術上, 係冇一間幼稚園, 小學唔收), 當時我比佢入國際學校幼稚園最後一年下學期, 之後keep住返三日到五歲2個月, 到佢係國際小一開學, 返全日先冇讀.

細仔係菁一三年, 冇返過正規學校, 我剛轉左佢去家姐間 is 讀小一, 所以再返唔到.  我真係極度唔捨得佢入正規學校, 佢係 bc 學嘅野, 勁過哂外面d學校,  再加上佢個人興趣, 發展得好好, 唯一係我個仔好怕羞, BC人太少, 群體發展就差DD, 所以我老公先堅持比佢入家姐學校.  當然中英文我就自己係屋企幫佢補, 英文唔係問題, 只要有決心做, 我正式教佢得個半年, 之前只係學左簡單phonics, 佢而家已可睇入門最簡單嘅  chapter books, 係佢唔睇, 因為佢仲係鍾意我讀.

如果你係入自然學校, 係菁一讀到咁上下入去都唔會係問題, 我有朋友嘅朋友 (我都見過, 但唔熟)都係自然讀, 我相信適應冇問題.  反而你要諗清楚你接唔接受到, 因為on paper 好似好好, 但係佢地都有好多學生係係其他學校受壓迫太勁而轉來 (都係高年班d插班生), 佢地要時間 "排毒", 行為上對其他學生, 特別係低年班新丁會有問題.

Rank: 6 Rank: 6


	5702

5^#

發表於 12-8-27 11:08 |只看該作者

菁一大仔班係2:30 ~ 5:30.

fatfatgarfield

洋房

Rank: 2


	49

6^#

發表於 12-8-27 21:51 |只看該作者

多謝大家的意見.
我反覆諗左呢個問題好耐, 究竟為左要人人都讀幼稚園,所以唔讀唔得, 定還是根據她的本性`而佢選擇一種最適合的教育, 而令佢得著最多呢?
我知道如果我放棄正統幼稚園呢條路, 會引來身邊好多人的意見, 但咁又係咪好重要呢?
我女兒在菁一已一年了, 佢的進步真係令我好驚呀, 我當然預測唔到佢三年後若留在菁一與在正統幼稚園的分別, 但呢一刻, 我覺得好適合佢.
我其實都有諗過上午返三日菁一, 下午繼續返幼稚園, 但一來佢會好累, 再者咁做, 係為左買多重保險? 咁同D家長要小朋友上午返一間本地學校而下午再返國際學校有咩分別?
elmostoney, 其實我一路都有留意你的留言, 覺得你好清楚自己對仔女的特質同香港不同學校的分別, 可否多分享一D菁一大仔班的學習情況, 讓我可作參考.
萬分感謝!

Rank: 6 Rank: 6


	5702

7^#

發表於 12-8-28 10:49 |只看該作者

本帖最後由 elmostoney 於 12-8-28 11:27 編輯

其實我唔想個仔咁快入 IS 小一, 我想佢讀多一年菁一.  因為佢係年尾出世, 如果而家入IS, 做細仔一年生ok, 出年入就做大仔.

最大問題係, 佢份人比較怕羞, 係菁一因為群體細 (大仔班一直最多七個人, 而家攞左牌, 可以收到14人, 但係一開學, 好多人就會quit, 每年開學, 我經驗係, 學生係少左好多, 所以最後都係5 - 7人一班).

班上人少, 仲要係混齡, 再加上好少人返5日 (所以同學唔固定) 佢雖然得4歲半, 已係大仔, 個個都係三歲左右. 當然, 佢幫助細小朋友時會增強自信心, 但係就唔會有close friend. 因為我個仔都有d揀擇, 佢鍾意差唔多大嘅男仔.

我就係因為覺得montessori好合適佢嘅發展, 所以本來考左IMS, 但係IMS同菁一比, 可能學術會更強, 因為佢地會教中英文, 但係一班人太多, 其實學習上冇菁一跟得咁好, 亦都冇菁一咁有heart.  我想信如果菁一認真辦正規學校, 一班最少有十人, 所有人都返五日, 我會比我個仔讀多一年.

我個仔係菁一獲益良多, 完全唔係外邊d家長比好多課外活動, 係屋企好多功課個種死谷, 當然佢本身性格比較專注, 所以學物野都有著數.  中文係我自己係屋企教, 佢學左一年半, 而家認字數量大概有本地一年級 (理解能力當然唔可以同本地一年級比).  英文正式係今年年頭教佢, 佢可睇最簡單chapter books. 我鍾意菁一, 因為唔洗好似外邊d學校咁, 一早迫佢寫字!  我地同佢開始寫字都係今年六月嘅事, 亦都唔會好高壓, 迫佢學幾多, 又或要默書呢d. 我要佢寫字, 係因為佢返小一, 多少要寫d, 所以先prepare佢.  我個女係差唔多五歲, 我地自要求佢學寫字, 默書更係差唔多六歲先做! 我個仔係細仔, 所以冇法唔提早少少.

除左practical life之外, 佢近月係學校迷上地圖, 老師教佢用世界地圖拼圖框外樣, 著色, 再貼上七大洲名稱.  呢樣工作, 要做得好, 真係要個幾鐘,老師唔會叫停佢, 由佢做, 佢做左六七張 (當然係每日一張)! 又係學校攞國旗print out填色, 後來仲自己嘗試拼寫國家英文名, 想寫又唔識嘅中文字, 就問老師.  個日我見到佢係中國旗傍寫住"中國" 同 "hina" 真係我感動.  可能對外面讀幼稚園小朋友, 寫中國冇難度, 但係我個仔係唔多識寫字, 完全係出於要滿足自己所做嘅學習!  佢係屋企會攞我地有嘅地圖書睇, 個日我用白卡寫左一堆國家中英文名, 佢認真係到睇. 你諗下, 外邊d學校, 點會比你因應個人興趣來幫助小朋友發展?  從佢做呢d地圖/國旗相關工作中, 填色令佢學會耐性, 睇英文國家名學拼音, 中文學認字, 而且佢而家真係知道七十個國家位置, 亦認到四十支國旗.

數學就更係蒙氏強項.  咁細係冇workbook, 但係我個仔已學哂加減乘除概念.  因為佢而家要離開蒙氏, 我早個幾月前準備, 開始比佢係屋企做workbook, 加減數基本上唔洗點解釋佢都明, 遲d我先比乘除佢. 佢本身都鍾意數字, 所以佢幾鍾意數學, 試過請一星假冇返學, 當比佢放下暑假, 佢自己拿workbook出來做半個鐘!  琴日學校教1 ~ 100, 我個仔半年前已學會.  最重要係, 好多人只重視數 1 ~100, 但係好多小朋友根本唔識由中間數起, 又或倒轉數, 又或唔識同量配對 (口講30, 但唔知30係物), 但蒙氏小孩好早已學哂. 我個仔唔係特別叻, 佢係bc好多同學都係咁.

因為蒙氏係自由選工作, 有時我個仔係學校想睇書就睇書. 由於我教左佢好多字, 佢會自己讀出來.  係其他學校, 你可以想像, 物都要大家一齊做.

我地朝朝都有pack snack比佢帶返學校, 但係佢係菁一係投入到一個月最多會食一兩次!  早輪佢係屋企個一個星期, 係屋企幫工人抹碗碟, 用T字刨刨紅蘿蔔皮都好勝任.  佢而家著校服, 自己扣恤衫鈕都冇問題 (大家都知呢d鈕好細, 等於一般男人恤衫鈕大小.  我唔知香港小朋友一般幾多歲學會做, 我個仔仲有幾日4歲八個月), 大半年前, 佢會自己扣風褸個扣, 然後拉拉鍊, 全部都係菁一老師細心教佢.  佢而家返學, 基本上成套校服都係自己著, 冇洗我地幫, 係睡衣因為過頭 lup t 恤, 除衫時要幫少少.

唔知你個小朋友係九龍塘定tst返, 我知道tst九月起, 應該會加多個assistant, 佢本身英文好好, 剛讀完montessori返來做practicum, 到時兩個老師對十個八個學生, 我都好想阿仔讀呀! 不過入學option有時唔到我再拖.  再加上入大部份 IS, 我覺得佢做細仔絕對冇問題, 反而做大仔我驚佢會悶.  如果係入一般本地學校, 我會比佢做大仔, 一來學術上佢會更prepared, 二來入主流學校壓力大, 我都想佢心智成熟d, 會容易適應.

Rank: 6 Rank: 6


	5702

8^#

發表於 12-8-28 10:57 |只看該作者

本帖最後由 elmostoney 於 12-8-28 11:03 編輯

據我所知, 自然舊年有三個一年班新生, 有一個讀完第一年已轉校.

其實我同你諗法一樣, 選校唔係要依世人標準, 係睇小朋友情況. 我地呢間is係全新校, 都有risk, 但係我地相信對我家兩孩子都好. 我有意比阿仔今年入, 因為如果唔work out, 佢出年係英基有個位. 但係如果呢間ok, 當然唔會轉. 但我地呢昌學校新到未有中學, 雖然學校有意辦中學, 唔知開唔開得切.

之前我個女去左 interview某好難入is, 我同老公相量過, 本來可搭人事, 但係多人想入, 名氣大, 學術高, 可惜唔啱我個女, 所以我地最後冇揾人事, 唔想到時收左, 諗諗下都係唔入, 不過最後都冇收佢, 我地都冇後悔. 上星期victoria都打比我, 話有位比我個女, 我都冇要. 讀書都係講求家長理念同小朋友適應如何, 有d學校死谷, 家長都好受壓, 唔係個個家庭都受得.

朵朵

複式洋房

Rank: 3 Rank: 3


	121

9^#

發表於 12-8-28 20:08 |只看該作者

回覆：elmostoney 的帖子

請問呢間收費貴唔貴?

朵朵

複式洋房

Rank: 3 Rank: 3


	121

10^#

發表於 12-8-28 21:05 |只看該作者

回覆：想女兒繼續蒙特梭利playgroup而唔返幼稚園

呢間學費貴嗎?幾錢一堂?

fatfatgarfield

洋房

Rank: 2


	49

11^#

發表於 12-8-28 22:09 |只看該作者

elmostoney,好多謝你咁詳盡的資料.我同老公覺得阿女始終都可以現在幼稚園的模式, 但問題係,由於老師要兼顧的人太多, 慢慢阿女在學習方面的主動性就會降低, 而正如你所講, 菁一將會有多一位英文老師, 而且兩老師對十多個學生, 咁樣的師生比例, 去邊度搵呀.
我同你一樣, 都比較活在當下, 先解決呢幾年的教育問題, 再諗以後的事啦, 兩年後, 個世界都唔知變成點, 可能已經世界末日了, 講笑啫

再睇埋你以上的資料, 實在叫我更心郁郁, 我諗等菁一放完假, 再同Miss Amy, Miss Carrie 等詳談.
另外, 唔知你個仔及女在best concept 一段時間後, 在適應其他學校生活時, 有冇遇到什麼困難呢?
謝謝分享

Rank: 6 Rank: 6


	5702

12^#

發表於 12-8-28 23:17 |只看該作者

我兩個而家對新生活都冇適應問題, 主要係, 我個女係非常social, 但個性就唔太合montessori. 我個仔雖然怕羞, 所以唔會主動, 但係個心其實都係好鍾意同人玩, 我覺得除非小朋友有明顯social上問題, 否則由幼稚園去小學, 應該冇野, 如果讀完montessori 小學先去一般中學, 咁又唔同, 但最多咪係適應期長d.

大宅

Rank: 5 Rank: 5

醒目開學勳章


	1883

13^#

發表於 12-8-28 23:52 |只看該作者

Hi. 你好. 不如我又分享一下. 我小朋友是上兩天BC, 五天國際幼稚園.

我自己都好喜歡蒙特梭利教學法. 有想過給小朋友在 BC 讀到六歲再插班入 IS Year 2. 但因為現在入 IS 的競爭都幾大, 而去年 BC 又沒有英文老師, 所以只好為小朋友報讀國際幼稚園再考 IS Year 1.

我的小朋友尊注力麻麻, 易分心, 冇咩恆心, 但主動和肯嘗試新事物, 愛與人溝通... 其實我都不太 sure 蒙特梭利教學法是否適合她,是否幫到她的發展. 但有一樣可以肯定的是自理能力 (扣鈕, 除衫著衫) 和一些日常生活細節, 如用工具 (針線, 刀, hammer) 都有板有眼. 可能她在 BC 通常都選這些工作有關. 另外, 還有國語都學得幾好.

我的小朋友係細女. 如果她讀 IS 的話我都不會 defer 佢一年先讀 Year 1. 因為我覺得佢學習能力跟到. 但認字和執筆可能差點.

elmostoney, 我都有留意你在 IS 版的留言. 我都會替女兒報讀你小朋友讀的那間 IS. 其實我最想找一間老師係 love and caring 的小學. 小班的. 其他例如學校設施, 學術成績等我都沒太大要求. 只想她開心上學和學會基本的就好.

Rank: 6 Rank: 6


	5702

14^#

發表於 12-8-29 09:13 |只看該作者

本帖最後由 elmostoney 於 12-8-29 09:15 編輯

zj, 我個女情況同你個差不多, 所以我覺得學校最緊要對佢包容, 有愛心, 咁佢先會慢慢建立自信同動力. 至於我個細仔, 其實佢係BC或我地係屋企教佢, 如只講中英數, 唔講寫字 (佢都係細, 揸筆麻麻), 程度要超過而家呢間 IS 小一開學, 以我睇我個女舊年功課, 阿仔大概有下學期, 不過寫野唔得, 因為當時我個女已寫緊journal, 而且個別同學真係好勁, 大概係比我個女 advance兩年 (英文閱讀同寫文章). 所以我希望等小一settle左, (畢竟係新生), 老師會發現佢跟得上, 到時會派深d比佢做.