本帖最後由 khmama 於 12-9-4 00:22 編輯
6) 文憑試最討厭既地方係要做slp, 家長最緊要上jupas個網, 睇清楚個時間表, 幾時要填o野, 幾時要upload個slp. 政府又唔統一slp個格式, 又唔提供網上輸入, 大家都一舊雲, 結果我好後期先知道學校比咗兩個file比阿女, 一個係課外活動, 一個係成績單, 我成日以為slp係課外活動, upload完以為搞完, 點知學校原來叫學生自己將兩個pdf夾埋先upload, 結果阿女個slp冇咗成績o個part. 好彩阿女之前有拔尖面試, 如果唔係o的大學靠slp去揀學生面試就真係死火.
7) 除咗海外升學, 家長可以申請中大/港大既運動員獎學金計劃, 只要係港隊/港青/香港紀錄保持者, 如果運動成績獲大學賞識, 可以有offer(唔肯定係咪unconditional). 不過都係放榜前一日先公佈. 如果小朋友係運動, 音樂, 領導才能或社會服務等有出色表現, 可以透過自薦計劃或校長推薦計劃報大學, 面試表現優異可以有機會獲conditional offer, 只要放榜達標即會被取錄. 如果表現普通, 可能都會有bonus point, 聯招時會有o的著數. 如果表現唔好就咩都冇.
8) 試前準備方面, 學生要選擇考試地區. 其實依家計水平參照, 去邊區考已經冇大分別. 考聆聽既收音機好早賣斷市, 最好早o的去買, 一般用o個隻sony. 派咗準考証當然要去搵試場. 如果小朋友有時間去搵當然最好. 可以的話盡量用公共交通工具, 的士唔係時時截到, 寧願預早去到試場等, 預留時間去下洗手間, 仲有提小朋友記得熄手機, 如果響會扣分. 唔好咁好奇走去影張試卷post上facebook. 聆聽要帶多個收音機以備不時之需, 可以問人借, 記得換新電. 計數機都係要帶多個, 要有合格標籤o個o的.
9) 考試唔係最尾o個日先讀既, 最緊要早瞓. 如果父母有時間, 不妨陪佢去試場, 一齊食下早餐傾下風花雪月, 等小朋友唔使太緊張. 亦可以接佢走一齊食lunch, 親子活動.
10) 選科其實要睇興趣同成績, 參考上年收生既statistics最實際. 早o的搜集資料, 訂定唔同既方案, 假設唔同既成績就採用唔同既方案. 今年有EAPP, 如果真係要報自資課程, 網上已經可以報, 放榜前已經有offer, 唔使放咗榜先去諗, 四圍撲咁辛苦.
11) 放榜就陪下小朋友, 其實我覺得冇問題, 開心唔開心都一齊分担. 最緊要事前check下聯招改choice既時間, 得24小時真係唔到你想太多, 要一早想定. 可以既話要appeal, 尤其是一o的較主觀比分既科目, 反正唔會降grade. 假如科目成功upgrade到, 就有多個機會爭取入較理想既科目. 選科時, 成績最好係o個科以往收生既中位數, 機會就較大. 留意每間大學計分方法同邊o的科目有高o的weighting, 真係要睇餸食飯. 個人覺得考好四科主科比考好選修科更重要, 因為佔大約七至八成既比重.
希望以上既心得幫到你. |