談又一村辦學理念 - 又一村學校

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 又一村學校 › 談又一村辦學理念

查看: 3455\|回覆: 4	go 談又一村辦學理念 [複製鏈接]

hcshiu

複式洋房

Rank: 3 Rank: 3


	287

1^#

發表於 09-9-16 10:54 |只看該作者 |倒序瀏覽 |打印

由我幫我個女報又一村學校，到而家我個女都高班，見到我個女既表現，見到老師對小朋友既照顧，同埋參加了多年校長苦口婆心既家長會，由始至終，我都感到又一村都係堅持佢地（又或校長同埋辦學團體）既辦學理念。

由我第一日按門鐘入校門，話想問多Ｄ關於學校既先去報名，跟著不久又番去同學校傾多次，總共兩次。我記得果時校務處對面無鋼琴，有位置比人傾下偈，兩次我地同校長，伍姑娘同埋宋老師傾，問有關學校既細節，佢地都好細心詳細同我地講，之後我自己又單獨番學校同校長談了次，校長都好有耐心同我傾選幼稚園既事。

那時，校長同我講左幾點，我到而家都好認同。

校長話要好似九龍塘名幼稚園教深野根本好容易，用些深書，教Ｄ深既英文字等等，家長自然會自己攪掂，問題係學生會學得好辛苦；學校既理念係幼兒班最重要健健康康，到高班就會深番黎適應小學，學校又係用主流幼稚園課本，所以銜接主流小學應沒有問題。

我那時太太想囡囡入九龍塘名校，但多是半日，而我則想囡囡讀全日，她可以在學校食午餐和午睡，自顧能力也好點，而我女是獨女，在學校會有多些時間有同學陪她，她可以學到點同別人相處；到最後，因我囡囡係細女，九龍塘名幼稚園唔收，咁我囡囡就順理成章入了又一村。在選幼稚園時，校長不斷同我講，讀那一間幼稚園都無所謂，最重要係一家融融洽洽，父母的關係好，孩子才可以好好的成長。

其實以又一村既校舍，轉做國際幼稚園其實很有說服力（相比九龍塘那些名幼稚園，課程係國際，但環境就可能連村校都不如，地小人多），換了一半老師為外國人，收國際幼稚園的價錢即可；但學校仍堅持以本地老師提供好的照顧（外國老師對孩子的照顧，應不及本地老師好，我在playgroup就見過外國人既媽咪，係唔會好似本地媽咪照顧得咁周到），令學生有個開心健康童年，培養學生看書既興趣，增進家長同孩子既感情，良好的品德態度，咁個細路先可以好好咁成長。

0 0 0 0

返回頂部

nakoagnes1

禁止訪問


	107

2^#

發表於 09-9-16 13:34 |只看該作者

提示: 作者被禁止或刪除內容自動屏蔽

簽名被屏蔽

返回頂部

ChongChong28

複式洋房

Rank: 3 Rank: 3


	397

3^#

發表於 09-9-16 13:37 |只看該作者

認同hcshiu的分享.分析,近來在這討論內充滿負能量,所以我之前開了新topic" YYSC的快樂人開心事"~~~就是希望分享又一村學校的快樂好事!!

我常說全港幼稚園中有多少間的校園可抬頭看天空.大樹.鳥語.花香...希望yysc不只有得天獨厚的好環境,還有更備完善的行政人事課程編排

希望校方網頁多設校園相簿,多/常影下各級的活動/參觀,更可讓家長download!!

yysc師生上下共一心.好讓學生幼小活在進步和樂趣中!!!