關於集團
集團品牌
presslogic-logo
廣告查詢
工作機會
用戶登入
用戶名稱：
密      碼：
登記帳號忘記密碼

討論區

教育王國
教育講場
使用意見
幼兒教育
幼校討論
幼教雜談
小學教育
小一選校
小學雜談
中學教育
升中派位
中學交流
初中教育
專上教育
備戰大學
選科選校
國際教育
國際學校
海外留學
知識增值
課外活動
教材閱讀
公開考試
深造進修
特殊教育
特殊教育
資優教育
自閉寶寶
智能評估
徵求專區
二手市場
誠徵老師
組班專區
徵保母車

   聯絡管理員
搜索
教育王國 › 討論區 › 教育講場 › 尖子跳班（左丁山）
查看: 2705|回覆: 24
 go

尖子跳班（左丁山） [複製鏈接]

elbar

Rank: 13Rank: 13Rank: 13Rank: 13


77858
1#
發表於 15-7-21 09:17 |只看該作者 |倒序瀏覽 |打印
中學文憑試放榜，產生11位狀元，六男五女，全部要入讀醫科、藥劑、法律、環球商業呢啲學科，只有兩個例外，一個要讀心理學，另一位話喜歡政治加法律。去年有一位狀元選讀中大中文系，算係令人耳目一新，但香港學生、家長最識揀，搵食科目永遠最受歡迎。成為尖子而選讀其他科目，竟會被人批評「嘥分」㖭。

今年放榜，有近二萬五人考得大學入學最低資格，不過大學學位只得一萬五千一百多個，即係話九千幾人會失望，再加上non-Jupas（外國生、內地生、IB生），被拒諸8間政府資助院校之外者，點都有萬二三名DSE及格生，但話得說回來，有45%以上DSE及格生可以入大學，比起詹德隆至梁錦松年代嘅入學率已經高出好多倍。

中大醫學院收尖子，曾傳出會准許尖子跳班嘅消息，即刻受港大醫學院院長梁卓偉教授反對，港大畢業生佔大多數嘅醫學委員會又話要再研究，於是中大暫緩「跳班」之議。梁卓偉教授仲講到跳班會違反三三四之原意。此說十分牽強，昔年中大港大有學位試，未考過學位試，唔准畢業，所以天才如丘成桐，限於規矩，未能取得中大畢業證書，讀完兩年就去咗柏克萊讀博士，又係兩年就搞掂，誰人會講丘成桐違反「三三四」原意（佢讀培正三年初中、三年高中、中大四年制）？在美國，學制係四年，但優秀勤力學生隨時可以三年修滿學分就畢業，等於跳班。小YY去美國讀大學四年，就攞埋碩士學位，咪又等於跳班！既然如此，尖子生入讀醫學院，提早一年就讀晒畢業所需學分，大有可能，梁卓偉教授何必介懷？恐怕只係介懷中大醫學院搶尖子而已。回歸之後，因香港不再准許英聯邦醫科畢業生來港掛牌執業，香港有醫生難求之嘆，反而香港醫科生可出外掛牌，即係人地大方，香港有保護利益啫。久而久之，香港醫學界有塘水滾塘魚之危機，本地醫生缺乏國際角度及對外國最新醫療技術掌握不足，一個補救之法係鼓勵本地醫科生到外國大學醫學院交流（但要對方肯制至得，哈佛醫學院未必肯同港大中大醫學院交換學生），中大計劃為醫科尖子安排到劍橋大學醫學院修讀課程，再回到中大醫學院完成畢業要求，在香港掛牌行醫，可說甚具苦心，都係為學生好，為本地醫學水準不脫離世界水平而盡一分力啫。呢項計劃希望可以實行得到，心胸不廣之人，萬勿阻撓為幸！（寫完呢篇稿之後，得知男拔17歲中五生未考過DSE就獲科大理學院取錄，咪又係跳班，科大收生不拘一格，值得鼓掌。）


左丁山



   1    0    0    0
解憂店

世界著名大學

返回頂部

Yanamami

Rank: 13Rank: 13Rank: 13Rank: 13


89022
2#
發表於 15-7-21 09:38 |只看該作者

返回頂部

MC1128

Rank: 9Rank: 9Rank: 9


22515
3#
發表於 15-7-21 14:00 |只看該作者
本帖最後由 MC1128 於 15-7-21 14:04 編輯

回歸之後，因香港不再准許英聯邦醫科畢業生來港掛牌執業，香港有醫生難求之嘆，反而香港醫科生可出外掛牌，即係人地大方，香港有保護利益啫。
XXXXXXXX

左生的文章, 觀點不敢評, 事實可要搞清楚

回歸後, 是不再准許英聯邦醫科畢業生免試來港掛牌執業....所有非本港畢業醫生都要經考核才可在港執業,不要考試嗎?可以, 有僱主聘用你, 可以申請免試的有限度註冊

反而香港醫科生可出外掛牌.....香港醫生攞住個牌,不經認證審核, 返大陸都唔可以執業, 去其他國家如是

左生暗示醫委會是港大幫, 不如先清楚醫委會點組成, 有委任,有選舉, 委任由各單位派人,包括醫管局、衞生署、醫學專科學院、醫學會、中大醫學院、港大醫學院, 仲有非醫學界人士

如果說梁卓偉這名非中大非港大畢業醫生能左右醫委會,未免太抬舉佢, 亦小看一班醫學界大佬

醫委會主席是劉允怡, 和聲院長, 中大教授

醫委會組成、醫生點樣可以在港執業, 全部法例有規定, 中大幫有咩不滿, 不如叫大師兄梁家騮在議會搞搞佢, 當年投他票的醫生選民肯定不止中大人

中大醫學院被港大醫學院打壓, 呢啲說法, 是早廿幾年前李國章常用

今時今日, 阿瑟王都由外科學系主任,變咗院長、校長、局長, 仲殺入埋港大做校董

時移世易, 中大醫學院人才濟濟,豈再是被欺負的小媳婦

尖子跳級, 若是氣直理壯, 自可捲土重來




返回頂部

judy

Rank: 7Rank: 7Rank: 7


11251
4#
發表於 15-7-22 09:29 |只看該作者
今時今日, 阿瑟王都由外科學系主任,變咗院長、校長、局長, 仲殺入埋港大做校董


最威水嘅係猪心换人心。猪心换人心後，阿瑟王都由外科學系主任,變咗院長、校長、局長, 仲殺入埋港大做校董。我估遲啲有份得諾貝爾獎。

點評

海倫helena    發表於 15-7-22 12:23

返回頂部

壞寶貝

Rank: 5Rank: 5


1225
5#
發表於 15-7-22 12:30 |只看該作者

引用：中學文憑試放榜，產生11位狀元，六男五女，

原帖由 elbar 於 15-07-21 發表
中學文憑試放榜，產生11位狀元，六男五女，全部要入讀醫科、藥劑、法律、環球商業呢啲學科，只有兩個例外， ...
閣下跳級理論，在下不反對，但引用在醫科生上，在下實在不敢苟同，始終人命關天; 兩大醫學院若你追我趕，再遇上沈詩鈞之才，開出一年速成課程招攬，豈不天下大亂！醫科有別於其他學科，必需按部就班，循序漸進，才可培訓出高質量之醫學專才; 再者，外地回流之醫生質素參差，必須通過考核才可放行，確保本地醫療安全水平，至於保護主意，只是未達門檻者之托詞！



人生沒有如果，只有後果和結果。

每天都微笑，生活注定充滿陽光。

返回頂部

friendlyguy

Rank: 5Rank: 5


3200
6#
發表於 15-7-22 12:39 |只看該作者
///三年修滿學分就畢業，等於跳班///

三年修滿學分=用三年修四年課程，
跳班係讀少一年課程。

完全兩回事。

返回頂部

friendlyguy

Rank: 5Rank: 5


3200
7#
發表於 15-7-22 12:46 |只看該作者
本帖最後由 friendlyguy 於 15-7-22 12:46 編輯
judy 發表於 15-7-22 09:29
最威水嘅係猪心换人心。猪心换人心後，阿瑟王都由外科學系主任,變咗院長、校長、局長, 仲殺入埋港大做校 ...

我睇會係先做港大校董會主席，跟著合併全港大學，港大改名「中國香港大學港島分校」。中大叫「中國香港大學馬料水分校」。







點評

anixon    發表於 15-7-22 17:06

返回頂部

nintendo

Rank: 7Rank: 7Rank: 7


10361
8#
發表於 15-7-22 12:56 |只看該作者
friendlyguy 發表於 15-7-22 12:39
///三年修滿學分就畢業，等於跳班///

三年修滿學分=用三年修四年課程，
跳班係讀少一年課程。

完全兩回事。


對 !


三年修四年課程 = Still complete all classes and credits, but probably take more classes each year or take summer classes.


讀少一年課程 = Totally skipped first year classes. So zero credits for Year One classes.




返回頂部

judy

Rank: 7Rank: 7Rank: 7


11251
9#
發表於 15-7-22 13:20 |只看該作者
我睇會係先做港大校董會主席，跟著合併全港大學，港大改名「中國香港大學港島分校」。中大叫「中國香港大學馬料水分校」。


咁比較起來，「中國香港大學港島分校」好聽過「中國香港大學馬料水分校」。馬料水三字讓人誤會是獸科大學。

點評

msj  夠鐘吃药！  發表於 15-7-22 18:25

返回頂部

judy

Rank: 7Rank: 7Rank: 7


11251
10#
發表於 15-7-22 13:59 |只看該作者
閣下跳級理論，在下不反對，但引用在醫科生上，在下實在不敢苟同，始終人命關天; 兩大醫學院若你追我趕，再遇上沈詩鈞之才，開出一年速成課程招攬，豈不天下大亂！醫科有別於其他學科，必需按部就班，循序漸進，才可培訓出高質量之醫學專才; 再者，外地回流之醫生質素參差，必須通過考核才可放行，確保本地醫療安全水平，至於保護主意，只是未達門檻者之托詞！


同意。醫科是本港第一受歡迎之學科。去年就有一個DB仔放棄環球商科重讀， 決心入醫科(佢話將來想從事基因研究，笑死我也)。侄仔幾年前升四年班，在迎新營上遇到中學舊同學，此同學當年選擇到美國升學，剛大畢業，据說全美數一數二的大學收他讀MD佢唔要。我今年遇到一位phd學生入讀中大醫學院，我問佢點解唔報港大，佢話港大要佢一年班讀起。即係話，醫科極受歡迎，基本不愁收生，不然，外地回流條水都够多了。我聽說事實上，中大收生超過政府規定數目。

種種事實，証明左丁山之思諸很奇怪，左丁山撑醫科生讀少一年幹甚麽？冇錢交多一年費？早一年出來掙錢天大的事？

作為市民，我希望有好的醫生，作為中大舊生，大概會希望中大脚踏實地，做出好成績讓校友添光吧。

"出招"大概只會受無信念貪着數之輩歡迎。

點評

msj  such as dim or dfm  發表於 15-7-23 08:38
msj  should be taught diploma course, such graduate can also claim to be alumni  發表於 15-7-23 08:37
73662710  中大有你這個校友已非常有榮光，晤知系唔系假的？  發表於 15-7-22 18:02

返回頂部

73662710

Rank: 8Rank: 8


19740
11#
發表於 15-7-22 15:25 |只看該作者
本帖最後由 73662710 於 15-7-22 20:24 編輯
judy 發表於 15-7-22 13:59
同意。醫科是本港第一受歡迎之學科。去年就有一個DB仔放棄環球商科重讀， 決心入醫科(佢話將來想從事基因 ...

我唔明你做吔咁stubborn, 首先唔知你系唔系医生，如果你是医生，应该知道医科一向五年制，三三四后，早一年上大学,中大用第一年做基础年，医科五年基本無變。advance standing or exemption 根本全世界多数大学都有。医科一向收尖子，大学認为他們某科成绩逹到一定水准所以有exemption,根本無吔大不了。而因为有exemption,所以有些学生在year one 比较得閒，現在大學比他們直上醫一，但是其他通識教育大學通識書院通識他們還要讀，基本上談唔上讀少左嘢。
而有些人認為讀少咗一些基礎課程，將來讀醫會有困難，其實完全沒有關係。

無論是AL DSE, 考成点叻都好，入医学院后，大家都是從零开始。AL, DSE只是用来做screening, 选择一些聰明的学生，除咗做screening and 做入学barrier 之外， AL 5A 和AL 5C 在医学院的起点是一样的，意思系如果大家同样聰明，大家將来孰勝孰败还是未知数。当然现实是5A 通常比较聰明所以跑出机会比較大。我的意思並不是话，高IQ 就考試零分都可以讀医，我的意思是只要pass 某个程度就可以，而事实上讀医雖然也需要理解，但是需要理解的東西並不高深，主要还是死背, 高IQ並不是讀医的必须條件，也不是足够條件，勤力最重要。医科收生最低要求只是343333，理论上如果尖子唔选择医科，医学院就算被迫也要收343333这批人，经过医学院的嚴緊把关，他们如果可以畢业，也是安全和及格的医生，但是你可以说他們並不smart!
现在中大只是比同学多一个option, 並不是强迫性。六年还是五年，是各人的选择，各有優缺点，但是如果本地六年還是本地五年 再加 Oxbridge 1 年，我会毫不犹豫选择后者！


講咗甘多，希望大家明白。

點評

annie40  got it.  tks!  發表於 15-7-23 13:00

返回頂部

friendlyguy

Rank: 5Rank: 5


3200
12#
發表於 15-7-22 15:39 |只看該作者
我提議收八歲有ＩＱ150以上，有興趣讀醫（父母有興趣？）入讀醫學院，慳返十多年。慳錢慳時問，唔使讀Ｄ無聊科。培養港產神童醫生，世界第一。

點評

20120808  不是人人都可以說說笑的 ..  發表於 15-7-22 16:42

返回頂部

ANChan59

Rank: 14Rank: 14Rank: 14Rank: 14


121222
13#
發表於 15-7-22 15:41 |只看該作者
回覆 73662710 的帖子

明就明...

唔明點講都唔明 ...

點評

73662710  有些系唔明，有些是政治考虑  發表於 15-7-22 16:01
God grant me the serenity
to accept the things I cannot change;
courage to change the things I can;
and wisdom to know the difference.

返回頂部

壞寶貝

Rank: 5Rank: 5


1225
14#
發表於 15-7-22 15:50 |只看該作者

引用：Quote:judy+發表於+15-7-22+13:59+同意。醫

原帖由 73662710 於 15-07-22 發表
我唔明你做吔咁stubborn, 首先唔知你系唔系医生，如果你是医生，应该知道医科一向五年際，三三四后，早一年 ...
如果醫科真的可少讀一年或幾年，病人亦有知情權，麻煩到時表列每位註冊醫生收畢課程時間年期，供病人選擇！



點評

73662710  而家出边啲医生全部五年制，滿意未？  發表於 15-7-22 16:09
人生沒有如果，只有後果和結果。

每天都微笑，生活注定充滿陽光。

返回頂部

73662710

Rank: 8Rank: 8


19740
15#
發表於 15-7-22 15:56 |只看該作者
friendlyguy 發表於 15-7-22 15:39
我提議收八歲有ＩＱ150以上，有興趣讀醫（父母有興趣？）入讀醫學院，慳返十多年。慳錢慳時問，唔使讀Ｄ無 ...
你認為8歲有能力讀? 这个scenario doesn't make any sense.

返回頂部

Yanamami

Rank: 13Rank: 13Rank: 13Rank: 13


89022
16#
發表於 15-7-22 16:13 |只看該作者
有d越講越離譜……

返回頂部

20120808

Rank: 5Rank: 5


2301
17#
發表於 15-7-22 16:26 |只看該作者
本帖最後由 20120808 於 15-7-22 16:43 編輯
friendlyguy 發表於 15-7-22 15:39
我提議收八歲有ＩＱ150以上，有興趣讀醫（父母有興趣？）入讀醫學院，慳返十多年。慳錢慳時問，唔使讀Ｄ無聊科。培養港產神童醫生，世界第一。

這個我極之贊成, 又是最最最最功利的目的, 強勁基礎, 誰可匹敵......[又有得笑] [又新穎]......總好過整天在黑黑白白的說理吧.
長遠及個別家庭文化及康樂策略督導關注組委員會召集人
Long-term and Individual Families Culture and Leisure Strategy Steering Concern Group Committee Convener

返回頂部

judy

Rank: 7Rank: 7Rank: 7


11251
18#
發表於 15-7-22 17:07 |只看該作者
我唔明你做吔咁stubborn, 首先唔知你系唔系医生，如果你是医生，应该知道医科一向五年際，三三四后，早一年上大学,中大用第一年做基础年，医科五年基本無變。


其他人都答咗啦(我之前都答咗)，不過好嘅嘢唔怕抄：

不如收小學尖子哎，只要5年医科就得啦。

返回頂部

judy

Rank: 7Rank: 7Rank: 7


11251
19#
發表於 15-7-22 17:14 |只看該作者
本帖最後由 judy 於 15-7-22 17:17 編輯

有樣嘢叫司馬昭之心 路人皆知

返回頂部

judy

Rank: 7Rank: 7Rank: 7


11251
20#
發表於 15-7-22 17:16 |只看該作者
有樣嘢叫 天知、地知、你知、我知。阿丙咋唔知以為冇人知。

返回頂部

‹ 上一主題|下一主題 ›
12下一頁
返回列表
發新帖

熱門主題

廣告查詢 學校搜尋 教育行事曆 教育文章 專題列表 駐站作者 使用條款 免責聲明

Copyright © 2026 Baby-Kingdom.com Limited,
All Rights Reserved. | Privacy Policy