- 在線時間
- 4 小時
- 最後登錄
- 18-8-20
- 國民生產力
- 0
- 附加生產力
- 162
- 貢獻生產力
- 0
- 註冊時間
- 11-11-23
- 閱讀權限
- 10
- 帖子
- 21
- 主題
- 4
- 精華
- 0
- 積分
- 183
- UID
- 834422
 
|
我個仔6歲, 家中大仔, 社交弱不過近1-2年有固定朋友又識約人去玩, 不過鍾意自己一個人玩多d, 鍾意要人地跟佢果套規距去做. 語文能力同數學方面比同學強, 好鍾意睇書, 本身係全班最細, 佢跳過一次班後成績都係全班最好. 講野間中有eye contact. 響屋企有時會發好大脾氣, 大脾氣到又尖叫 dum 地敲牆緊握拳頭等等, 呢d 情況隔幾日就有一次, 健康院教用獎罰制度, 情況有少少改善. 佢諗野好主觀 / 狹窄, 覺得一樣野係A 就係A, 唔會諗果樣野有可能係B, C 或D.
健康院似乎剔除個仔有自閉症, 不過話可以去評估有冇亞氏保加症傾向同埋係咪資優. 學校淨係話佢少同同班同學玩 (不過呢一年佢好鍾意同隔離屋低佢一年級既朋友玩), 識好多野, 體能等發展同同齡無異.
健康院就話可以去評估個仔係咪有亞氏保力傾向, 或者係資優, 知道原因後就可以針對地處理佢既情緒問題.
由我個仔5歲開始, 學校有安排遊戲治療之類既小組活動去改善到社交問題, 實際都見成效. 舊年有排佢d 脾氣勁臭, 健康院話可能因為妹妹出世所以要引人注意 (但佢一向都好錫個妹, 呷細佬醋, 因為阿妹唔會同佢爭玩具又唔會撩交打), 同時老師話可能教d野唔夠深, 所以搞到脾氣差, 之後老師開始俾深d既野俾佢學, 之後阿仔既情緒好番d.
而家學校將會安排另一種遊戲治療之類既活動俾佢, 主要教佢諗野唔好過份主觀, 再加強佢社交能力.
同時我地聯絡過一個機構可以進行評估, 我地冇講健康院既建議, 第一次會面時, 負責人最後都係話可以評估亞氏保加症同埋進行IQ 測試. 果次會面, 阿仔都在場, 所以佢知道自己有乜問題, 同埋我地想評估d乜.
我地住外國, 我覺得健康院有d 求其, 佢地係會幫手又會聯絡校方我地3方人一齊開會傾, 但由頭到尾佢地未見過我個仔, 我有問題問果陣, 佢地就話未見過我個仔, so far 乜都係我地形容俾佢地, 所以好難講係咪有問題. 我再問多幾問, 醫生至話試下去評估, 又問家族中有冇人係有問題或資優.
學校算好, 有遊戲治療之類既活動去改善小朋友社交問題, 不過如果唔係我話個仔脾氣太差, 佢地似乎唔知我個仔有時脾氣差, 只係知佢成績好但又鍾意自己玩. 老師話可能響安全既地方時, 小朋友會表現自己多d, 呢點都我地都同意, 似乎個仔響學校係唔會發大脾氣.
評估機構方面, 響第一次會面時已經向我地分析個仔點樣諗野, 又話阿仔既情況未去到社交阻礙咁嚴重. 佢地亦當面俾個仔知佢可能有乜問題, 又將會評估d乜, 咁做有冇問題? 香港d 評估機構又係咪會事先俾小朋友知將會俾咩測試俾佢地做? 小朋友一早知的話, 咪可能會影響評估表現 (例如專登答錯問題)?
而家學校有遊戲治療俾阿仔, 我係咪應該同時帶個仔去評估? 定係睇下遊戲治療有冇成效先至帶佢去評估? 我知同時去做係最好, 但係評估機構果邊我仲未知佢既口碑, 佢地有生意梗係唔會唔做, 暫時我唔知佢地有幾中肯… 同埋如果最終都係用遊戲治療, 會唔會同學校果套有衝突?? 遊戲治療有冇話一個禮拜進行幾多次至叫適合?
針對亞氏保加症同埋資優而引起既情緒問題既處理方法係咪好唔同?? 我見有jm唔帶小朋友去做IQ test, 我有d 同意佢地既觀點, 但又怕我乜都唔知而用錯方法去教仔.
希望有經驗既朋友俾d 意見. 謝謝.
|
|
發表於 14-11-26 12:08
