本帖最後由 maylmm 於 14-5-15 12:11 編輯
囡囡今年十三歲，正值反叛期，經常聽人講要多讚美子女，唔好每事挑剔，要關心仔女同埋保持良好關係，我好明白，我想做得到；
但我每提一個意見，囡囡總係反對或當耳邊風。
由於我同老公都要返工，所以囡囡每日放學都會打電話俾我，我問佢學校有冇特別嘢發生或有乜想同我分享，差不多每日佢都話冇。最近學校運動會，囡囡攞咗幾個獎牌，當然要讚吓佢，然後我叫佢whatsapp d獎牌俾我睇吓，佢應承咗，跟住收咗綫就已經忘記得一乾二淨。
由於早前校際朗誦節得到獎項，囡囡曾經提過校長會响尋日早會頒獎俾佢，放學後，我又問佢有乜可以分享，佢又話冇。要我再三引導下先講出嚟。唔通真係我同佢冇嘢值得講。讚完佢，問埋佢攞獎感受後叫佢响書包攞返張獎狀出嚟唔好整”巢”，收咗綫後又已經忘記得一乾二淨。
知道佢鐘意留長頭髮，所以叫佢去淨係去偷薄，唔駛剪短，佢話唔去。搵到一個好嘅補習老師（朋友個仔補咗兩個月, 成績進步咗好多），每星期只係補一日，佢又話唔補，又話我迫佢。如果成績好我都唔想佢補啦。
而家每日放學返嚟都上手機睇動漫，直至我哋放工返嚟，鬧又鬧過，勸又勸過，因下個月要考試叫佢唔好再睇（我唔想收佢機，以免關係惡劣），但仍每日如是。我要點做好？
亞囡點解我講每樣嘢你都唔啱聽嫁？ | 
共勉之.
發表於 14-5-15 12:08
!!
!!!
)
, 俾D空間大家. 
