同路中人,大家一起加油. - 自閉寶寶

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 自閉寶寶 › 同路中人,大家一起加油.

查看: 1033\|回覆: 12	go 同路中人,大家一起加油. [複製鏈接]

ka-sandra

別墅

Rank: 4


	811

1^#

發表於 12-9-5 14:33 |只看該作者 |倒序瀏覽 |打印

陳錦鴻為自閉症兒子停工近一年獲成效
http://dailynews.sina.com/bg/ent/hktwstar/sinacn/20120824/20363708124.html

同路中人,大家一起加油.相信我們的小朋友,他們都會成長.期待這一天的來臨.

我仔仔才剛起步,他現在快3歲排政府服務才5個月, 要等政府s位,都不知等到什麼時候,唯有自己去幫他.
相信這一年會是我最辛苦的一年. 如果我仔仔有進步,錢都花得值得.依家坐MTR, 途人睇到我仔仔的言行舉止都用奇異的眼光去睇,我倆母子變成"小醜". 因為我仔仔仲未識講野,經常會大聲叫來表達. 有時,我都唔係好識點去CONTROL 佢. 之前都有心理準備,要接受別人的奇異的眼光, 冷言冷語. 只可以講介意人地的目光只會令到自己更加辛苦. 唯有將心機放在小朋友身上. 講真,路人甲又對自閉症又有咩認識呢?佢地會體會到我們的辛酸嗎?唔係我地唔識教仔,而是佢地有呢個自閉,令到佢地接收唔到我地的指令. 如果小朋友可以選擇,佢地會選自己係自閉咩? 好想講,路人甲唔好再俾奇異的眼光同冷言冷語對我地了. 更加唔好用歧視的眼光. 自閉症的小朋友需要別人接納才可以返回我地世界.

我仔仔好好彩,上午讀私人S位, 11月份可以再返主流讀K1下午班. 因有學校有愛心,接受自閉症小朋友. 我相信唔係間間幼稚園可以接受.我曾經听過有一位媽媽講,其他人話呢間學校有愛心.到INTERVIEW時, 同校長講:小朋友有自閉.校長即刻講,一個星期唔識講野 OR 唔識坐定即踢出校. 其實,校長都冇俾機會佢. 舊年,我仔仔去INTERVIEW 4間學校,得一間基督教學校收左我仔仔讀下午班,其他3間連消息都冇.當時我唔知我仔仔係自閉.如果知,一定唔會去INTERVIEW. 做為家長,真係好希望小朋友可以係一個健康環境下成長. 希望社會俾多D資訊,讓大家認識咩叫自閉症. 俾多D包容.

0 0 0 0

返回頂部

apple~y

子爵府

Rank: 7 Rank: 7 Rank: 7


	10937

2^#

發表於 12-9-5 14:49 |只看該作者

路人眼光,又真係幾難受,同路中人大家會明白
最怕小朋友太大脾氣,比路人拍片,好似之前"小學x"單0野0甘....
放心你小朋友都算早排好快可以派到位
不過呢幾年係比較難受,你要頂住呀
到小朋友大些會佔入佳景

返回頂部

yauman76

大宅

Rank: 5 Rank: 5


	1685

3^#

發表於 12-9-5 15:28 |只看該作者

完全明白你嘅感受... 唔好話係路人甲唔明我地, 就算連屋企人/親戚/朋友都未必會明, 真係有苦自己知.

我囝囝都就快2歲, 之前做咗一排私人OT/PST訓練, 依家返咗私人S位一個月左右, 整體上係有進步, 但喺朋輩間學咗d唔好嘅嘢

, 依家要幫佢改正番... 我都諗住試下俾囝囝下學年返主流K1(另加其他訓練). 當然最終都要視乎佢嘅進度而定, 唔得就讀番S位. 依家諗住報定d有兼收嘅幼稚園, 希望佢地會包容多d.... 不過黎緊interview都唔知會點? 囝囝仲未識講嘢, 整體仲係遲緩... 愁爆

返回頂部

fandd

大宅

Rank: 5 Rank: 5


	2193

4^#

發表於 12-9-5 22:09 |只看該作者

回復 ka-sandra 的帖子

啱！唔好理旁人既眼光，最緊要自己對囝囝有信心，俾D時間佢，慢慢定會有進步。我囝囝喺三歲前都係唔識講嘢，但自三歲開始識講單字，過多半年後就已經成隻開籠雀咁。因此只要keep住訓練，就可能會有意想不到既突破。努力呀！

返回頂部

chris-BB

別墅

Rank: 4


	963

5^#

發表於 12-9-6 01:52 |只看該作者

回復 yauman76 的帖子

乜你以为有兼收位既幼稚園可以接受有自閉証既小朋友入去讀書咩？你錯啦！好似我朋友帶個仔去面試，話佢果仔有自閉証，果校長話唔收呢啲小朋友。我朋友問你間學校有兼收位喎，你地都唔收咩？果校長話我地兼收位係政府派來架，唔會額外收岀面有問題既小朋友架，你揾過第二間啦......
我個仔果間都有兼收位，我面試選擇唔話我既小朋友有問題，依嫁返咗學三日，我再同校長講返，佢話如果面試時我講，佢一定唔收喎。依嫁佢會睇我個仔既表現再決定要唔要我果仔退學。但係我講到明我果仔有S位收咗，只係間S位中心未有得入學，過多幾個月間中心有得入學我地會走，佢都堅持睇我果仔既表現再決定要唔要我果仔退學。不過跟咗三曰我都好明白，佢地一個老師對6至7個小朋友都手忙腳...，要佢地額外收我地啲有問題小朋友，佢地都應付唔到。好似我個仔咁坐坐吓mat，突然伏咗係地，佢地都應付唔到。好似我叫我果仔同老師bye-bye,我果仔要停幾秒先會講到，但係個老師見佢未講到都唔得閒招呼你，又要做第二樣嘢啦！唔知我果仔係自己上堂會唔會有人理吓佢？無辦法啦，等白田間中心等到頸都長！！！