用戶登入
用戶名稱：
密      碼：
登記帳號忘記密碼

討論區

教育王國
教育講場
使用意見
幼兒教育
幼校討論
幼教雜談
小學教育
小一選校
小學雜談
中學教育
升中派位
中學交流
初中教育
專上教育
備戰大學
選科選校
國際教育
國際學校
海外留學
知識增值
課外活動
教材閱讀
公開考試
深造進修
特殊教育
特殊教育
資優教育
自閉寶寶
智能評估
徵求專區
二手市場
誠徵老師
組班專區
徵保母車

   聯絡管理員
搜索
教育王國 › 討論區 › 國際學校 › 請教本地小學轉國際中學家長注意事項
發新帖
查看: 7443|回覆: 7
 go

[中學] 請教本地小學轉國際中學家長注意事項 [複製鏈接]

catman

Rank: 3Rank: 3


423
1#
發表於 21-4-17 12:47 |只看該作者 |倒序瀏覽 |打印
如題，我小朋友來緊轉國際學校中學。在本地學校算比較佛系家長，冇補習冇跟功課。呈分試除了第一次有參與一齊溫書，其他兩次都放手；小朋友不算自律，貪玩，但本地小學老師嚴格要求，功課量夠足夠，所以成績勉強Band1。明顯有家長的參與成績好好多，差了一個banding.
咁的情況入國際學校，估計國際學校會較本地學校寬鬆，家長放手鬆弛有度如何拿捏，有冇咩經驗分享下？
感激！
   1    0    0    0

返回頂部

conniewktang

Rank: 6Rank: 6


7781
2#
發表於 21-4-17 13:33 |只看該作者
catman 發表於 21-4-17 12:47
如題，我小朋友來緊轉國際學校中學。在本地學校算比較佛系家長，冇補習冇跟功課。呈分試除了第一次有參與一 ...

本帖最後由 conniewktang 於 21-4-17 13:54 編輯

小兒地區一線津小，當然是中文小學，級頭，我在小學日日有跟兒子功課。讀完小五，我兒子就考入美式IS 中學部Grade Six, 即Year 7 of ESF,上了中學，開初是網課，佢未習慣，唔識也會問下我，我就跟下，另外，學校在開學初期一個月都有額外跟下主流小學上的學生的英文，但經過assessment, 我仔已不用再上額外英文堂，可能佢每班只15人，有時最多3個老師入班房，貼身教學生功課。待其他官津學校返1/6 時，我仔已隔週面授，新年後，仔已全校復課，但時間較短，返半日745-1250，我見只七個幾月，我仔已適應，我已不用點跟佢功課，我就放手。他上學期已經拿High Academic Achievement Roll, 而且朋友眾多，返學好開心，所以不用擔心，小朋友好易適應，即使主流中文小學上全英IS(中文就普教，學繁體字，其他科就北美老師教包括VA, PE, Music)。我仔這間功課不算鬆，學生也不可遲到，如欠功課（即使忘記電腦按submit但已upload),家長會收到摧功課email提醒，也要在學校補做，完成為止。學生如有咩問題，老師或學校會通知家長，透明度高，我見學術要求都高，學生普遍好純品，一樣同LS校風好，校長同老師好關顧學生。新生有Student support老師跟，跟得好貼，照顧情緒需要，家校也多溝通。
（我仔剛11歲多三個月，現在在大埔ASHK讀中學部Grade Six)。

返回頂部

heebo

Rank: 5Rank: 5


2127
3#
發表於 21-4-18 17:13 |只看該作者
本帖最後由 heebo 於 21-4-18 17:43 編輯
catman 發表於 21-4-17 12:47
如題，我小朋友來緊轉國際學校中學。在本地學校算比較佛系家長，冇補習冇跟功課。呈分試除了第一次有參與一 ...估計國際學校會較本地學校寬鬆，家長放手鬆弛有度如何拿捏，有冇咩經驗分享下？

其實就算國際小學原校升中亦可以很不同、學生和家長都可能需要從新適應，寛鬆與否，視乎學校。
有初中家長告訴我，她直至見老師時才知道兒子原來整個學期也欠交功課，老師從沒有通知家長，算是寛鬆。小女的學校初中卻很嚴謹，目的是要反叛期的學生學習自我管理，為高中做好準備。

上到中學，很多事情都要學生自己負責，最基本的準時轉班房上堂可能已不容易，遲到、欠功課...時有發生，老師會記録在grades & assessment, 家長可以從portal 見到 ，老師不會另外通知家長。初中學期開始時，「班主任」會一起舉行家長簡介會，介紹初中的運作模式、期望、學生的行為、情緒和家長的配合等等，值得參加。

個人經驗，無論是傳統轉國際，抑或國際小學升中，中學都需要適應，這段期間，家長的支持很重要，必須和子女保持溝通，但又要懂得放手，不能參與太多，對家長和學生都是一個挑戰。

返回頂部

kinder.bb

Rank: 6Rank: 6


5628
4#
發表於 21-4-18 17:55 |只看該作者
本帖最後由 kinder.bb 於 21-4-22 11:31 編輯
heebo 發表於 21-4-18 17:13
其實就算國際小學原校升中亦可以很不同、學生和家長都可能需要從新適應，寛鬆與否，視乎學校。
有初中家長 ...

非常同意, 真係睇學校,睇老師做法.


好似現時網上上課, 我個仔有時都唔留心,有試過睇YouTube.
點知早派見家長(Zoom), 班主任對住家長, 罵咗佢成5分鐘, 話佢放棄學習,哩個係佢自己選擇… 而我同老公完全唔敢出聲.離線後, 呀仔自己忍唔住都喊喊地.
我哩下都估唔到, 老師咁惡, 不過都好,等呀仔知, 唔係網上上堂就可以唔留心.


在學習上, 我仔間學校都會因應同學仔不同程度去教.  如果成績唔好,有某啲堂唔洗上, 去上workshop,   另外數學都分Level 1 & 2, , 有唔同老師唔同功課去教.  因呀仔剛由傳統小學轉入, 數學有一定基礎, 慶幸入到Level 2, 要佢自己keep 住, 都一樣係有壓力.


返回頂部

catman

Rank: 3Rank: 3


423
5#
發表於 21-4-20 19:02 |只看該作者
多謝咁多位詳盡的意見。原來國際學校也有嚴格的，還以為是全部寬鬆
我都好怕有一天見家長才知道亞仔原來有好多功課欠交甩漏
所以現在要請較如何協助到而又唔好太煩兼阻礙他成長

請問各位是用乜嘢途徑了解小朋友學習狀況的？
每日言談中傾偈了解？等學校通知？還是抽看功課？經常去煩老師了解情況？還是鼓勵之後講個信字？
平日放工返來其實冇可能貼身跟，不過我仔偷懶方面足智多謀，在網課時測試底線然後得寸進尺是他的強項，所以我都覺得唔跟唔得。

返回頂部

b3410

Rank: 11Rank: 11Rank: 11Rank: 11


43587
6#
發表於 21-4-20 20:40 |只看該作者
catman 發表於 21-4-20 19:02
多謝咁多位詳盡的意見。原來國際學校也有嚴格的，還以為是全部寬鬆
我都好怕有一天見家長才知道亞仔原來有 ...
唔知你哋學校是否用schoology ?隨時可以睇到進度，老師feedback, assessment grade. 老師的feedback好用心寫，超長，要認真睇。
有事我都係email 俾學校/老師，通常半日內reply.

返回頂部

Radiomama

Rank: 10Rank: 10Rank: 10


27535
7#
發表於 21-4-20 22:19 |只看該作者
catman 發表於 21-4-20 19:02
多謝咁多位詳盡的意見。原來國際學校也有嚴格的，還以為是全部寬鬆
我都好怕有一天見家長才知道亞仔原來有 ...

不同學校會有不同的platform俾你去了解孩子的情況；但始終應該培養每日有與子女溝通的時間。讓他講吓老師、同學的是非八卦事，都好重要。


返回頂部

heebo

Rank: 5Rank: 5


2127
8#
發表於 21-4-23 00:29 |只看該作者
本帖最後由 heebo 於 21-4-24 09:48 編輯
catman 發表於 21-4-20 19:02
多謝咁多位詳盡的意見。原來國際學校也有嚴格的，還以為是全部寬鬆
我都好怕有一天見家長才知道亞仔原來有 ...

學校把通告、功課、學生成績也放在內聯網，由家長自己查閲，有update時有電郵通知, 看grades & assessment 便可知道學生的學習情況，因一份功課可以令grade 大上大落。
除此之外，就是多和孩子溝通，認識他的朋友，參加學校的 parent forum, parent-teacher conference 和 parenting 講座。

鼓勵孩子認識同學、建立友誼，視乎興趣入球隊、入band 等等，幫助融入新環境。

還有是期望管理，給孩子時間和空間，學習自我管理，很快可以適應新環境。

我的孩子較獨立，日常功課至報大學我們都沒有插手，她需要時才給予意見，不過每天幾忙也會傾幾句。我主要靠grades & assessment知道孩子學習情況，見到欠功課、測驗不合格、遲到， 就問孩子了解她有甚麼困難，一般情況老師不會另外通知家長，除非緊急或嚴重情況，例如意外受傷，校長才會致電家長。

返回頂部

‹ 上一主題|下一主題 ›
返回列表
發新帖