3年用家的意見 - 聖士提反堂小學暨幼稚園

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 聖士提反堂小學暨幼稚園 › 3年用家的意見

查看: 14637\|回覆: 4	go 3年用家的意見 [複製鏈接]

fifihon

複式洋房

Rank: 3 Rank: 3


	380

1^#

發表於 18-10-18 17:43 |只看該作者 |倒序瀏覽 |打印

大家好，我小兒今年K3畢業了，亦入到理想的小學。無聊係kingdom行逛先知原來學校係早幾年俾人寫到好差，我覺得需要評下理!

我小兒係聖士提反堂由K1讀到K3, 讀足3年，我相信我絕對夠資格係度講學校的用後感! (注意: 係親身體驗，絕對唔係"「聽講」)

首先，學校有好足夠的老師同校工，去協助各班上課的需要，每班每日都會有2名正副老師去照顧一班約30人。每星期每日都會有中文堂+英文堂(由一名專業本地老師同一名外籍老師負責)，普通話就隔日一堂(由一名專業普通話老師負責)。

學校最大本錢就係地方大，有個大禮堂(冷氣)，小朋友有表演活動 / 生日會 / 畢業禮都可以係校內舉行，唔駛出外book場地。校園內的「大樹廣場」亦會用來做一些節日活動，例如夏天會有下水禮 (即係放兩個大水池俾學生著泳衣落水玩)，中秋節掛燈籠賞花燈。等等....

平時小朋友有任何特別事，例如大喊，同同學仔爭吵，老師放學後都會打俾家長同佢地講返。相反你有任何問題都可以打去校務處講底，老師落堂後好快都會覆返你。

幼園內最常見到就係小朋友怕事喊，又或者同人打交/ 被人打，但呢D 都唔係每間幼稚園可以control到，最多只能家教合作，一齊去解決問題，如果一發生事，就怪學校"單方面"無做事，我覺得咁樣好唔fair！

最後就緊係升小問題啦，其實校長幾好，佢平時已經成日企係校門同返學的小朋友say morning, 校長又會為學生爭取好多福利，例如出回條提家長 / 同好多區內的小學合作，安排大巴接家長學生去參加open day等。

每個學期亦會請不同的教育中心，來學校開係課外活動班，放學後係校內上一個鐘，有英文普通話唱遊畫畫等，咁當然要額外科水啦，不過費用合理，平均$160/堂。家長又唔駛帶小朋友走來走去，上完堂直接係學校接走就得。

我好幸運小兒有機會入到呢間學校，除左我小兒有班好好的同學之外，我都識到班好好的家長，大家都係本地人，明事理，有時都會約出來聚會。

我寫左咁多，可能大家會以為我係打手，唔信我，但你不妨搵個「真實用家」問問，我想信你會聽到差不多的好評，謝謝大家。