- 在線時間
- 312 小時
- 最後登錄
- 26-2-13
- 國民生產力
- 3710
- 附加生產力
- 46243
- 貢獻生產力
- 0
- 註冊時間
- 07-11-25
- 閱讀權限
- 10
- 帖子
- 27905
- 主題
- 12610
- 精華
- 0
- 積分
- 77858
- UID
- 168291
 
|
眨吓眼暑假又到尾聲，仲有十零日就開學，喺一片加風之下，開學成本大增，家長諗起都頭痛，特別係基層家庭，更加叫苦連天。有人話，做香港人難，做香港家長更難，真係冇講錯。
香港近年嘅通脹率話就話唔算好高，弊在衣食住行樣樣加價，而打工仔收入又唔加得幾多，導致生活壓力愈來愈沉重。呢，喺最低工資、原材料價格上升，以及學生人數減少嘅情況下，今年開學成本又增加，最基本嘅四大範疇，書本、校巴、校服及飯盒例牌加價，平均加幅百分之五，再次遠遠跑贏通脹。
淨係校服咋，冬夏季各兩套，每套二至三百元，加上運動衫，一個學年嘅服裝費就要一千四百元；教科書更加唔少得，每套要三至四千元；飯盒每個月約四百元，一個學年就係四千元；至於校巴咯喎，更係最大筆嘅支出，一個月最少八百元，一個學年八千元，問你怕未。唔怪得有家長話要預留兩萬元作為子女開學開支，真係冇誇張o架。
即係咁，對於富有家庭嚟講，兩萬元可能唔算得係咩，但基層就唔同喇，一時之間要攞咁大筆錢出嚟，都咪話唔頭痛，如果有兩三名子女讀緊書仲大鑊，分分鐘要借貸至可以過到開學呢關。
仲有吖，今時今日學生課外活動特別多，基層兒童亦唔想「輸在起跑線」，好多家長寧願節衣縮食，都要供子女參加各種興趣班、補習班，呢類開支絕對唔少o架。正如社區組織負責人話齋，臨近開學，唔少家長反映開支大增，構成經濟壓力，建議教育局應該要求學校為有需要嘅學生提供書本，增設校服及課外活動津貼，以減輕家長負擔咁話。
講就係咁講啫，可惜港產官僚涼薄成性，又點會關心基層家庭吖。正所謂，求人不如求己，有專家教落，家長可以為子女準備飯盒，買大尺碼嘅校服，使用舊書本，以及選擇步行返學，抵銷開學開支咁話。雖然呢啲建議未必個個啱用，但基層家庭慳得一蚊係一蚊，就算止唔到咳都要試吓。講到底，鬼叫你窮咩，香港生活成本愈來愈高，家長壓力愈來愈大，咪惟有靠死慳死抵供子女讀書囉。
難為港產官僚仲不斷鼓勵生育，簡直不知民間疾苦。學李麗珊話齋，培養一個子女要四百萬元，你估好多家庭做得到咩，叮！
|
|
發表於 15-8-21 09:44
