為何入名校（左丁山） - 教育講場

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 教育講場 › 為何入名校（左丁山）

查看: 1481\|回覆: 8	go 為何入名校（左丁山） [複製鏈接]

elbar

翡翠宮

Rank: 13


	77858

1^#

發表於 15-7-6 09:23 |只看該作者 |倒序瀏覽 |打印

昨日講及在美國讀完大學，如果想到著名顧問公司、投資銀行、著名媒體工作，喺邊間大學畢業，十分重要，西北大學副教授本新書只不過係將一啲社會現實「學術化」咗，講番俾普通讀者聽啫。如果唔係來自名牌大學，靠乜嘢打入華爾街呀？答案好簡單，靠人事，例如有校友在公司內成為高層，有姨丈姑丈世叔伯在內，或者阿媽係大老闆嘅傭人。紐約時報在六月三十日報導，Facebook有一位「環球多元化主管」（Global Head of Diversity）Maxine Williams宣稱FB清楚知道公司在員工多元化方面還未達標，有好大改善空間。聽起嚟好悅耳，但記者發現，去年威廉士女士係咁講，Google在2014年亦係咁講，講來講去，FB之拉丁裔僱員佔員工總數4%，非洲裔佔2%，2013年1200名員工之中，只有七個黑人，而白人超過55%，亞洲裔超過36%。

FB未必係歧視其他族裔，可能亦有心增聘黑人，但按Riveria教授嘅講法，大公司招聘人員係早已心中有數，非名校畢業生不聘請嘅話，又假設黑人在名校佔少數嘅話，黑人加入大公司嘅機會就十分微薄。

難怪亞洲人、猶太人家庭非常注重教育，盛產老虎媽媽，係要為仔女惡補考入哈耶牛劍，日本學生拼命要入東大早慶，中國學生誓要入北大清華復旦，入到呢啲大學，脫貧機會已經超過百分之五十，甚或更高。

香港情況又如何？坦白講，咪又係一樣，大銀行請MT，好多時係睇申請人來自甚麼國際名校，投資銀行係在本地大學招聘，只限於港大中大科大，但呢三大學生與海歸學生比拼，無取勝把握，本港著名學校招聘老師，亦係只睇三大，故此如果大學聲譽低落，排名不斷下滑嘅話，廣義上會打擊該校學生搵好工脫貧嘅機會。記得1970年代初，中大嶺南商學院有MBA課程，尚未廣為人知，畢業生要加入外資大跨國公司，頗有難度，好彩有一位美國老師John Espy博士好明白呢個道理，一個星期有幾日由沙田走到中環，拍門見美資銀行，美資跨國公司高層，推銷中大MBA，點解啲高層肯見佢？Espy係哈佛DBA噃，教授陣容內又有一位哈佛商管博士馮國經，外資點都要俾個機會Espy啦，如是者經過幾年努力，中大MBA畢業生紛紛加入美資大行，當年好多畢業生十分感謝Espy，今天仍然懷念佢！

左丁山

2 0 0 0

解憂店

世界著名大學

返回頂部

Cheeselover

大宅

Rank: 5 Rank: 5


	3700

2^#

發表於 15-7-7 00:01 |只看該作者

引用：昨日講及在美國讀完大學，如果想到著名顧問

原帖由 elbar 於 15-07-06 發表
昨日講及在美國讀完大學，如果想到著名顧問公司、投資銀行、著名媒體工作，喺邊間大學畢業，十分重要，西北 ...

如同問為何努力讀書一樣。

返回頂部

goodenough

大宅

Rank: 5 Rank: 5


	4779

3^#

發表於 15-7-8 02:50 |只看該作者

elbar 發表於 15-7-6 09:23
昨日講及在美國讀完大學，如果想到著名顧問公司、投資銀行、著名媒體工作，喺邊間大學畢業，十分重要，西北 ...

嗰位乜野辣媽又話名校只會打造庸才嘅！咁啲人重爭住入名牌大學去做庸才？名牌大行又爭住聘請庸才？點解嘅？

返回頂部

ANChan59

珊瑚宮

Rank: 14


	121222

4^#

發表於 15-7-8 08:00 |只看該作者

引用：Quote:elbar+發表於+15-7-6+09:23+昨日講及

原帖由 goodenough 於 15-07-08 發表
嗰位乜野辣媽又話名校只會打造庸才嘅！咁啲人重爭住入名牌大學去做庸才？名牌大行又爭住聘請庸才？點解嘅？ ...

因為那位辣媽是庸才！

God grant me the serenity
to accept the things I cannot change;
courage to change the things I can;
and wisdom to know the difference.

返回頂部

andrew

大宅

Rank: 5 Rank: 5


	1361

5^#

發表於 15-7-10 05:42 |只看該作者

不可一概而論，有的專出庸才，有的出人才。

返回頂部

andrew

大宅

Rank: 5 Rank: 5


	1361

6^#

發表於 15-7-10 05:46 |只看該作者

我指中學，棘媽指的也是中學

返回頂部

maggiemomC

禁止訪問


	907

7^#

發表於 15-7-13 15:13 |只看該作者

提示: 作者被禁止或刪除內容自動屏蔽

返回頂部

goodenough

大宅

Rank: 5 Rank: 5


	4779

8^#

發表於 15-7-14 01:01 |只看該作者

maggiemomC 發表於 15-7-13 15:13
呢個世界咩都講名牌

古語有云：「先敬羅衣後敬人」！人的認受性，真係幾時都排包尾。人亦是最不可信的，起碼人會虛偽，又懂得用笑容遮掩奸險，又曉得無所施其技，明明自己是豬的又會扮下老虎呃人。名牌有時雖然可以令你洋相盡出，像我們熟識的那個媚娘，竟然將人家名牌的裙子前後掉轉了來穿，成為了娛樂頭條笑話，但當人剩下得還有甚麼可以令人相信的時候，唯有相信名牌，至少名牌可以給到你快慰和安樂，其餘的，都是人的問題！