3歲學4語言　溝通力落後1年　只懂BB話需治療 - 幼教雜談

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 幼教雜談 › 3歲學4語言　溝通力落後1年　只懂BB話需治療 ...

查看: 2339\|回覆: 5	go 3歲學4語言　溝通力落後1年　只懂BB話需治療 [複製鏈接]

elbar

翡翠宮

Rank: 13


	77516

1^#

發表於 12-4-25 13:24 |只看該作者 |倒序瀏覽 |打印

本帖最後由 elbar 於 12-4-25 13:24 編輯

父母愛讓子女學外語，但忌揠苗助長。有家長要求3歲子學粵、普、英、日4種語言，反令他溝通能力落後一年，只懂講BB話，要接受治療。亦有家長為備戰小學面試或語言試，迫孩子多說話或只講英語，反令他們怕說話、亂說廣東話。

專家提醒幼兒學外語要量力而為，否則反拖低母語能力，扼殺學習動機，變成輸在起跑綫。

樂寧兒童發展中心言語治療師鄭家雯憶述，曾有中產家長因要求3歲兒子學4種語言，反令他溝通能力落後，要接受治療。

「父母安排小孩入讀以普通話和英語教學的幼稚園，又要他上日文班，爺爺嫲嫲卻說廣東話。那男孩本身語言天份弱，若只學一種語言，問題不大，但同時學幾種，每種語言都少接觸，就樣樣學不好。」她稱。

學英日普通話不懂完整句

她續指，該男童求助時，學語言進度較同齡孩子遲一年：「他還在講BB話，對着保齡球時只會用英文和廣東話講『波』字，其實3歲孩子最起碼要講完整句字，如『俾個紅色波我』。」

男童父母為教他學英文生字，說話中、英夾雜，如稱「玩car car」，亦令小孩感到很混亂：「要講牛奶10次，他才可聯想到牛奶，知道milk和牛奶都是同一種東西。」

鄭指，男童父母終按專家建議，放棄讓兒子學日文，但堅持以普通話和英語教學的幼園；結果男童接受一年治療、按父母意願集中以英語學習，開始能以句子表達，但仍未完全追上同齡學生。

有些家長則為求子女在語言考試及小學面試中表現出眾，安排他們參加大量面試班，又逼迫他們說話，鄭說：「孩子在催逼下會害怕說話，就算考試表現好，但未必學得開心。」

面試班密集孩子不敢說話

言語治療師劉家明亦指，部分家長為備戰小學面試，在孩子講廣東話時，要求改用英語：「小孩誤以為自己講廣東話時講錯了，就不敢再講，或改變次序和語法，如將『我將杯放在碟上』，說成『我將碟放在杯上』，或『我放杯上面』。」

劉提醒，師長對孩子說話，要貫徹用同一樣語言，免孩子混淆：「如遊戲班的導師只用英語，父母對就只講廣東話。」他又引述外國研究，指小孩基本上有能力學多種語言，但要視乎是否有良好語言環境，即身邊人以外語溝通。

鄭家雯補充，若孩子本身語言能力弱、連母語都未能掌握好，就不宜學習其他語言。

香港大學教育學院學習、發展及多元教育部助理教授李輝亦提醒，雖然5歲前是學語言的黃金期，但若孩子對學外語沒興趣，就勿勉強，免令他們抗拒：「那就等到小學、孩子承受力較大時才學，減少負面影響。」

2 0 0 0

解憂店

世界著名大學

返回頂部

咪臣

大宅

Rank: 5 Rank: 5


	1808

2^#

發表於 12-4-25 16:11 |只看該作者

點先知道小朋友有語言障礙??? 我阿仔現在27個月, 都係講單字多, 不過bb話仲係好多, 是否因為我用菲傭及上英普幼兒園??? 不過自從當我發現上年10月面試幼兒園時, 佢廣東話差, 好似聽唔明老師問乜, 我半年來都淨係同佢講廣東話及俾佢睇廣東話電視及卡通片, 雖然睇電視及卡通片冇益, 不過阿仔的廣東話又真係進步很多, 至少佢想睇電視時, 佢會對我用廣東話講:'開電視!' 想飲水會對我講'水', 對菲傭講'Water', 不過要佢講完整句子真係仲有排, 唔知今年10月開始要面試幼稚園, 佢掂唔掂呢??? 我依家又大緊肚, 都唔知可以點......

返回頂部

awah112

禁止訪問


	12651

3^#

發表於 12-4-28 20:43 |只看該作者

提示: 作者被禁止或刪除內容自動屏蔽

返回頂部

manmanchubb

伯爵府

Rank: 8 Rank: 8


	15534

4^#

發表於 12-4-30 22:03 |只看該作者

回復咪臣的帖子

可以引導佢講, 試下o係囝囝要任何野前, 要佢講妳要求既字
e.g. 想要某玩具,睇電視, 抱, sir 滑梯,
必先要佢講左表達左先比佢得到..
(以番佢而家講''睇電視'' 同 ''水'', 可改為[想睇電視] > 下一部 [我想睇電視] )
水 > 可先改為要佢講 [飲水] > [想飲水] > [我想飲水]...循序漸進地 > [唔該媽媽我想飲 x水]

首要係屋企成員配合,要一致, 同埋大人要堅持,唔比佢太容易得到任何野,基本要佢講左,表達左先,
個個小朋友 d 性格唔同,
唔排除初時,你囝囝可能佢會有少少唔慣,
不過試多幾次,十零次,佢知佢唔講就無論如何都得唔到想要既野,自然就會講多左...
慢慢黎丫, 講到/肯嘗試講都鼓勵佢多 d ,小朋友好快就會愈來愈鍾意表達架喇~

返回頂部

teresa_timothy

複式洋房

Rank: 3 Rank: 3


	184

5^#

發表於 12-5-1 09:53 |只看該作者

引用：點先知道小朋友有語言障礙???+我阿仔現在27

原帖由咪臣於 12-04-25 發表
點先知道小朋友有語言障礙??? 我阿仔現在27個月, 都係講單字多, 不過bb話仲係好多, 是否因為我用菲傭及上英 ...

27個月大既男仔未講到完整句子唔出奇，男仔喺語言方面比女仔慢。我屋企都係請菲傭，女女又係讀英普，不過小朋友掌握語言好好，宜家三歲，同菲傭溝通用英文，同我地講用廣東話，可以講普通話詞語，分得清三種語言，不過講到好叻，都係28個月左右，尤其番左PN. 所以樓主唔駛咁擔心，同仔仔講多啲，鼓勵佢講多啲，呢一刻佢未講到，但每一刻都接收緊你講既野，可能有一日佢可以講番晒出黎，到時你都唔記得原來你有教過呢！