- 在線時間
- 16 小時
- 最後登錄
- 15-7-20
- 國民生產力
- 13
- 附加生產力
- 34
- 貢獻生產力
- 0
- 註冊時間
- 04-5-19
- 閱讀權限
- 10
- 帖子
- 167
- 主題
- 30
- 精華
- 0
- 積分
- 214
- UID
- 23096
 
|
小一放榜日,派到或派唔到首選,可能會.....
Hello,各位準小一生的媽媽:
唔好太擔心啦!千祈唔好將D緊張情緒過左俾D細路呀!依加D細路好早熟,以下系我身邊朋友D經驗,希望有用!
朋友一之情況: 佢都系派唔到心儀小學,又無錢讀私校,唯有讀派到果間,果間小學系區內水準普通之小學,但由於佢教得個小朋友好好,小五,六成績都在全級十幾名內,所以中學都派到英中,所以就算派唔到心儀小學,只要果間學校校風好,你自己又肯KEEP住個細路成績,反而會考得好叻TIM 
朋友二之情況: 佢派到間BAND 1 小學,開心到彈起,佢小朋友讀屋村幼稚園,好淺,K3數學都只系教到3 十 6,佢又無咩心機自己教佢其它野,唸住全部指意學校教就得.
佢個細路上左一年級,初頭半年都可以考到全級一百名左右,但到下學期開始,教得深D就出事啦,因為BAND 1學校唔會淨系考書入面D野,尤其是英文科,會出D深O既題目,你無由細教個細路睇英文書,好多時根本睇唔明題目問咩?點答喎!佢又無錢請補習,個細路成績一路跌,個細路都讀得好辛苦,而且兩母子開始為左成績問題而有磨擦,關係越來越差.好在佢無再堅持要個仔系呢間學校讀,因為搬屋而轉左去一間普通O既小學度讀二年級,佢過仔去到新小學都唔知讀得幾開心,因為呢間學校系教咩考咩,晤會有好多課外D深題目,個細路讀書D自信心翻晒妮,越讀越起勁,六年級可以考到全級廿名,入到間英中.
朋友三及四情況 : 佢地都派到BAND 1 小學,兩人情況剛好相反,二人讀同一間屋村幼稚園,但朋友三一向好比心機教佢小朋友,成日同佢睇書,中英文書都有,K3巳經買定升小一習作同個女做,好落力,所以升上小學後,D考試雖然幾多課外題,佢個女都可以做到,一個學期完結,考到全級三十名!最後派到間英中.朋友四就好懶,每次只要個女有得交功課就算,平時絕對晤會睇課外書或教個細路做其它適合小學課程D習作,所以佢個女都幾懶,升上小一後,跟本跟唔上課程,考試連中文卷都唔系好識,因為平時無睇課外書,識字好少,又要考重組句子,又要考理解,鬼識咩!中文都唔掂,何況英文呢!一個學期完結,考到全級尾十幾,死末!但系因為個女成績差,無其它學校肯收,所以唯有讀到畢業,一路都系包尾,派左一間BAND 3 中學,死末!!!!!!!!!!其實佢巳經有補習,但補一個鐘,可以教到你幾多野,個補習先生都話,佢連基本野都未得,點考咁深D卷喎!!!
所以如果你系同個小朋友揀左間BAND 1 小學,你要有心理準備,各區的BAND 1 小學都系會出D深過書好多的考試題目,系好靠家長自己再教個細路好多額外野先會考得好,如果家長自己一向都無教,除非個細路真系超叻(有D細路真系會得,不過一百個得一個天才啦),否則系一間BAND1O既小學考尾尾好,定系情願佢在一間普通小學考得好D,對個細路仲好啦!
以上朋友條子是住在附近的家長及我一個教BAND 1小學O既朋友同我分享架,希望可以幫到大家,就算真系派唔到首選,只要肯努力讀,都有好大機會派到好中學架,唔好咁灰心,千萬唔好同個細路講話間學校有幾唔好,會影響個細路上小學D心情架!!! 希望各位家長睇完後開心番啦! |
|
發表於 04-5-28 23:52
