有冇華仁家長比d意見..

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 番禺會所華仁小學 › 有冇華仁家長比d意見..

查看: 2726\|回覆: 6	go 有冇華仁家長比d意見.. [複製鏈接]

sammili

別墅

Rank: 4


	598

1^#

發表於 07-6-20 19:19 |只看該作者

我仔08年升小一,現就讀寶血幼稚園,正開始煩揀學校問題,華仁原本係我頭號心水,始終係名校,校風又好,諗住如果派到就發達,但早排同朋友傾開計,佢仔就係讀緊華仁,今年升小二,但佢已打算今年同佢仔轉校,佢話佢仔本身係肥仔,又係全班最高最大'份',資質又比較差,算係幾蠢幾鈍果隻,所以班裏面冇乜小朋友同佢玩,成日比排斥,成日話比同學仔蝦,但d老師都冇幫佢個仔,只係幫d叻嘅小朋友,其他比較蠢嘅學生,d老師係冇乜點理,而我朋友仲寫左張幾頁紙嘅信比班主任,大概話佢仔學野比較慢,希望老師多d注意佢個仔,若個仔上堂跟唔到,希望老師解釋多次.......,而班主任就只在手冊回覆'Noted',激到我朋友死,而我朋友的家人有一位本身亦係港島區某出名中學的主任級,佢都話華仁的老師冇理由咁回覆d家長,而我朋友日日同個仔做功課就做到人都癲咁滯,每星期都有默書測驗,所有課外活動都cut哂,每晚做功課同温書都成十一點,佢仔辛苦佢仲更加辛苦,仲叫我千其唔好報華仁,派到都唔好要咁話,但我在bk睇咁耐post,又冇人咁講過,只有讚冇彈,咁我朋友又唔會呃我架,所以希望有華仁家長可以講解吓,因正常入到華仁應該開心到死先啱架嘛!
thanks

請參觀我的拍賣場

返回頂部

pakwong

大宅

Rank: 5 Rank: 5


	2423

2^#

發表於 07-8-12 15:12 |只看該作者

原文章由 sammili 於 07-6-20 19:19 發表
我仔08年升小一,現就讀寶血幼稚園,正開始煩揀學校問題,華仁原本係我頭號心水,始終係名校,校風又好,諗住如果派到就發達,但早排同朋友傾開計,佢仔就係讀緊華仁,今年升小二,但佢已打算今年同佢仔轉校,佢話佢仔本身 ...

我都有考慮此校[男仔無乜選擇

.但又檐心佢讀得辛苦

或許揀番寶小

返回頂部

麟媽媽

王國長老

Rank: 14

王國長老


	5044

3^#

發表於 07-8-13 09:46 |只看該作者

Umm….. 老實講，個個小朋友資質都唔同，
你朋友話要做功課，溫默書，我諗間間都差不多，
但成日測驗又無喎，我地一年兩測兩考，
已經好好了，有D 學校4 測2考的。
你先要衡量吓自己個小朋友既性格同主動性，
你朋友個仔覺得辛苦，你個小朋友未必既，
論讀書壓力，而家間間都有，華仁唔算嚴重。
至於朋輩之間既相處，細蚊仔自己要學習既，
肥仔唔一定比人蝦，我仔班不知幾多肥仔，
加上佢都快變肥仔了，呵呵~~佢都同D 同學相處得好好。
同埋華仁年年轉班，佢未必同番蝦佢既人一班啫，
呢樣去到邊都可能發生，要小朋友學會解決的。
不過，老師既回覆真係唔多掂，但點解你朋友寫信呢？
有咩直接得過同老師直接對話？佢寫好長既信，
又等老師寫番封信比佢？叫你朋友唔好等了，
打電話比老師，直接講你朋友有咩憂慮問題，
咁老師一定要比個答覆，又或者講多D 校內情況佢知，
因為佢只聽個仔話佢知，同老師直接講有即時回應嘛。

返回頂部

SINDY-MOTHER

複式洋房

Rank: 3 Rank: 3


	302

4^#

發表於 07-8-13 10:28 |只看該作者

sammili,

我都好同意麟媽媽說法, 有問題應打電話與班主任了解情況，如想再清楚可上學校見班主任。

我仔仔剛上個學期係下晝班，我又要返工，有問題我就打電話比班主任，有時就星期六朝早找班主任。

小朋友相處都要睇佢自己合唔合群，又唔可以一面支持?

原文章由 sammili 於 07-6-20 19:19 發表
我仔08年升小一,現就讀寶血幼稚園,正開始煩揀學校問題,華仁原本係我頭號心水,始終係名校,校風又好,諗住如果派到就發達,但早排同朋友傾開計,佢仔就係讀緊華仁,今年升小二,但佢已打算今年同佢仔轉校,佢話佢仔本身 ...

返回頂部

jackjackma

別墅

Rank: 4


	609

5^#

發表於 07-8-14 01:04 |只看該作者

Hi sammili ,

我兩位少爺都係今郎師兄

好同意麟媽媽及SINDY-MOTHER之意見,
以下係我小小心得希望幫到妳.

我二少將升小三,成績一般以下,
我自己就不覺得學校有壓力給家長.
其實讀書壓力大部份來自家長,
如果家長抱住只要亞仔讀得開心,
計較學識,不計較成績,去任何學校都無分別.
如果家長經常跟其他同學比較,看重分數,
任何學校都會辛苦.

華小所有班都多於42人,
老師不能細心照顧所有學生,
亦不能在短短課堂時間詳盡講解課本,
我諗大多小一生都要靠家長每天重溫/預備課本,
自己都有一些親戚朋友讀其他普通津貼小學都一樣晚晚趕住溫書.

無可否認華小有小數老師比較保守,
經常大事化小,小事化無,講完好似無講,
如有問題向校長,副校長,主任等請教,
他們都會樂意協助家長的.
不過試問邊間學校個個老師都100分,
如果有請通知聲,我都會轉校.

至於朋友問題,
大部份剛升小一的同學都會投訴比同學仔蝦,
因為大家都要學習跟別人相處,
要教囝囝甚樣保護自己,甚樣跟別人相處,
比下下要老師出頭為上策,
小一生大多以自我為中心,
很難在新環境交到新朋友,
升小二時才慢慢會變得以朋友為主,
我大少到畢業時都只得二個比較好的朋友,
而二少小二就有多位好朋友,
所以好睇個人性格.

大少今年剛畢業,回顧他在華小六年,
不如意的時間比較多,
但我會看成這是對他的磿練,
在中學裹要面對的問題更大,
如果無學過一招半式又什能應付得來.
升小一無論小孩,家長都要重新學習,
只要家長能輕鬆面對,小孩才能輕易適應.

返回頂部

@Smile

複式洋房

Rank: 3 Rank: 3


	109

6^#

發表於 07-8-14 12:08 |只看該作者

我仔今年升小二。諗番亞仔小一時，佢好好彩，遇到一位肯為學生付出精神和時間，又盡責嘅班主任 :) ；亦遇到幾位對亞仔很包容和不斷找方法去教導亞仔嘅好老師。但另一方面，亞仔亦曾被某位老師講了一些負面嘅說話，令佢心理有一些影响。
所以，好似 jackjackma 咁講，「試問邊間學校個個老師都100分,如果有請通知聲,我都會轉校 … 」亦如麟媽媽咁講，「有咩直接得過同老師直接對話？……. 打電話比老師，直接講你朋友有咩憂慮問題，…… 」總括嚟講，到現在為止，我都認為當初我幫亞仔揀華仁是正碓的。講真，係香港讀書，大部份小學生都要做功課和測驗考試啦；對我嚟講，亞仔嘅品行先至係最重要。

返回頂部