分享 - 小五才插班 - 小一選校

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 小一選校 › 分享 - 小五才插班

查看: 4471\|回覆: 12	go 分享 - 小五才插班 [複製鏈接]

WWW仔女升中

別墅

Rank: 4


	697

1^#

發表於 22-7-27 09:24 |只看該作者 |倒序瀏覽 |打印

兩年前插班
阿囡讀私小唔係咁好英文科，常識同埋數學都有影響，因為都係英文授課，小三成績表開始英文唔合格，讀到小四上學期嘗試搵下學期插班，報咗兩間考了兩間，兩間都有第二面試. （第一次筆試），最後兩間都冇收

準備升五年級再接再厲，其實知道機會好微，因為有些打去問都巳經話唔會收小五. 有些模棱兩可，話你寄咗過嚟先，最後報了十三間（政府資助學校）

最後，有三間有筆試，一間有第二面試，面試時老師反而話我個女啲英文幾好，中文弱一些. 但都係失敗咗.
反而冇第二次面試哪間收了，佢哋當時都話阿囡中英數都麻麻，學校有一個位，你要唔要，入嚟後要努力啲.

嗰年暑假同阿女溫全年五年級的中文，英文同埋數學（因為以前讀英數）阿囡當年連”和” “積” 嘅意思都唔識解

升了上去要盡快適應，第一次測驗中文，阿囡28/50，的而且確比其他同學弱，數學不差80分，但係見到佢有起碼有十幾分是唔識得解當中意思. 我記得佢圓柱體過柱字唔識寫. 但係呢啲如果到呈分嘅話就會覺得好唔抵，因此嗰年聖誕又再溫書.

英文以前係最弱嘅一科，反而佢最高分，變得好有心機讀，佢話佢識唔會好似之前咁人哋明了佢未明冇心機去讀.

經過左兩年努力，佢同我都有努力.
油尖旺區派到第一志願

4 0 0 0

返回頂部

ok3

子爵府

Rank: 7 Rank: 7 Rank: 7


	11700

2^#

發表於 22-7-27 10:19 |只看該作者

WWW仔女升中發表於 22-7-27 09:24
兩年前插班
阿囡讀私小唔係咁好英文科，常識同埋數學都有影響，因為都係英文授課，小三成績表開始英文唔合 ...

好勵志, 恭喜你同囡囡嘅努力得到回報

返回頂部

TKLC

大宅

Rank: 5 Rank: 5


	1711

3^#

發表於 22-7-27 11:17 |只看該作者

回覆 WWW仔女升中的帖子

恭喜樓主同囡囡！小朋友讀得開心才有動力，媽媽也功不可沒！

返回頂部

Sammi_Yim

複式洋房

Rank: 3 Rank: 3


	378

4^#

發表於 22-7-27 12:05 |只看該作者

本帖最後由 Sammi_Yim 於 22-7-27 12:06 編輯

回覆 WWW仔女升中的帖子

請問囡囡之前讀邊間英文小學呀？

返回頂部

WWW仔女升中

別墅

Rank: 4


	697

5^#

發表於 22-7-27 12:16 |只看該作者

回覆 Sammi_Yim 的帖子

港島區

返回頂部

azure7689

別墅

Rank: 4


	743

6^#

發表於 22-7-27 12:19 |只看該作者

恭喜努力付出得到回報! 祝小朋友上到中學一切順利!

返回頂部

JoyceNgYY

大宅

Rank: 5 Rank: 5


	1365

7^#

發表於 22-7-28 03:24 |只看該作者

WWW仔女升中發表於 22-7-27 12:16
回覆 Sammi_Yim 的帖子

港島區

港島私英小應該都應該有直屬中學？想問吓點解決定轉一間冇直屬既小學，都唔寧願加把勁在原校考好啲(我理解直屬只要唔係最尾嗰批都應該直升。。。反而去一間冇直屬既要爭做頭嗰批)？

返回頂部

WWW仔女升中

別墅

Rank: 4


	697

8^#

發表於 22-7-28 08:51 |只看該作者

本帖最後由 WWW仔女升中於 22-7-28 10:23 編輯

回覆 JoyceNgYY 的帖子

小三開始見阿囡唔對路，小四更甚，找了英文老師私教（老師真係教中學的）補了一個期至考試，係英文分數高了一點，但仍不合格，之後小四下學期covid, 有時zoom又時面授.  發覺zoom 對阿囡沒有幫助，數學更要我教. 每星期六日，一天補英文，一天我教數學.  好老實成個小四差唔多星期六星期日根本冇出街.
小三升小四暑假，再三問過學校佢話收65%升中學.  我仲記得當時同老師傾偈老師都話如果阿囡英文科同其他同學接近的話你要追20分，阿囡追咗六七分⋯⋯仲要追20分

四年級下學期開始zoom, 阿女又唔捨得學校，所以只係同佢交咗兩份報名表試吓.  阿女其實千萬個不願意但係比我說服左叫佢睇吓出邊個世界，佢考完中英數之後，佢同我講除咗中文比較深之外其他真係喺比學校淺，佢只係唔夠時間完成，話俾多5分鐘我我可以做晒成分卷.

我第一篇都有講四年級下學期插班學校有second in俾佢，當其時中英數全部75分以上，英文係最高分，中文是75分，我仲好記得當時主任同我哋講，你阿囡唔差嘅，因為我哋考插班係會將啲時間縮短去考核學生.

其實呢句說話我深深記住.  後尾呢間學校冇收到，但係我就同阿女慢慢傾，不如升五年級我哋再試過

返回頂部

WWW仔女升中

別墅

Rank: 4


	697

9^#

發表於 22-7-28 09:18 |只看該作者

本帖最後由 WWW仔女升中於 22-7-28 10:30 編輯

其實小一嗰陣時我個女係中間位，小二開始弱了，小三開始更甚，小三升小四已經掙扎需要轉校，阿女千個萬個唔願意，爸爸更話我哋過海讀書就係希望佢能夠一條龍，就算唔得都要攞佢張小學畢業證書，我哋考試前個半月開始溫書（我真係一齊同佢溫，我係覺得我記熟過佢），但係好明顯你見到佢嘅自信心幾低，因為佢覺得佢努力了，但係都唔夠同學成績好.

四年級升五年級啦，我游説了爸爸，我話如果上唔到龍中，你知唔知你個女只會派去Band 3學校，扣band 2 （早兩年啲師姐去咗哪中學，我哋出嚟嘅學生，叩此中學都收晒）如果要去band 2學校要過海嘅話, 咁不如睇吓油尖旺區，睇住佢讀六年中學Band two近家好過山長水遠，哪band 2 學校往返一程要70 分鐘.

我第一同第二間交報名表，就係小四可以in 了2nd 哪兩間校，一間寄了一個星期冇聲氣，當時佢哋話寄咗過嚟先，佢哋回覆話唔收小五，其實我係知㗎如果係一個成績好好嘅人佢哋應該係可以收，因為我有個朋友個仔都係讀，嗰間學校佢話之前有同學仔冇讀.

你一間有得interview又係俾我哋去到second in，連老師主任都認得我哋，當其時喺度諗……見此學校第二次啦，係咪機會好大，佢哋話我知阿囡成績俾我知，英文79數學78但係中文唔合格…..吓吓吓，跟住我同老師說上次佢都75，佢就話因為升小五我哋分卷會再出深少少佢閱讀理解得唔夠全面攞唔足分. 當其時聽到，我喺度諗唔合格喎，你俾我哋2nd interview, 係咪比我哋入㗎. 心知唔合格好微，但係又喺度俾我哋見….第二日打電話俾我失敗咗. 好失落

其實2nd interview 之前, 已經有一間學校in 咗第一次，都係冇消息.
我見已經七月啦，我再打電話去給學校問有幾間學校話叫我直接交表格過嚟，因為佢哋個考試時間係七月中，我仲記得當時covid係提早放暑假.

在考日之前打電話問學校咁你哋學校係咪照筆試，佢哋回答係，嗰一日學校有30幾人考插班…（2-5年級）

小學嗰邊叫我交學費留位，其實我係拖到2nd 嗰間學校俾埋結果我先去俾錢留位.