本帖最後由 Papaya_L 於 21-6-27 23:27 編輯
回覆 Fishy1122 的帖子
舊生用家,已離開。Sophie 學校內部對老師唔太好,我見老師成日轉,學校雖然大啲,但老師轉得密反映行政有問題,咁樣老師唔會有心機係學校做,對小朋友一定有影響。
而且比得呢個價錢讀Sophie,點解唔去其他出名啲嘅學校讀書?起碼有保障。有心想讀國際學校嘅,點解要比咁貴學費喺度讀?呢間學校已經開咗7、8年,到現在規模都冇變過/發展唔到,學校唔係冇課室收學生,而係收唔到/留唔到佢哋(好多時學生讀讀下都會轉校),就大概知道學校運作的唔太好,校長同校監都係同一個人,咁樣嘅運作根本行唔通。
校董係PLK有地位,但唔代表佢一定會幫你,有留到K3嘅學生家長同我講,校長唔係個個肯寫推薦信,當然如果你小朋友喺學校聽聽話話,家長又識得討好主任同校長嘅,推薦信就一定到手。咁就要你睇吓你係咪呢啲人。
有家長朋講,小朋友以前係學校食飯,下晝再喺學校上堂,家長俾成千幾二千元飯錢,個小朋友係食齋嘅,點知返屋企講,喺學校只係食白飯/意粉,真係唔覺得佢哋對小朋友好。
就讀期間有老師中途離開,雖然係話身體問題(係咪就真係唔知),通告話會有一位新的中文老師、一位英文老師繼續任教,而且會有一位助教係班房。但事實係,我個仔同我講,課室根本冇助教,一直只得兩位老師喺課室上堂,而且英文老師有時會好長時間離開課室(有傳話係去咗教上午班嘅興趣班)
只可以講呢間學校表面工夫做得好好。係咪要揀間咁嘅學校,各位家長自行決定。 |