- 在線時間
- 5 小時
- 最後登錄
- 24-9-12
- 國民生產力
- 0
- 附加生產力
- 3411
- 貢獻生產力
- 0
- 註冊時間
- 17-11-3
- 閱讀權限
- 10
- 帖子
- 403
- 主題
- 2
- 精華
- 0
- 積分
- 3814
- UID
- 2715440
|
chasedream 發表於 21-3-30 00:26
唔好意思!不太明白!可否詳細解釋下!謝謝你!
原來唔係逐個配對?
教育局從來無清楚講比家長知點樣用 pre s1 成績調整各小學校內成績,可能因為牽涉好多統計學概念,太技術性,唔容易簡單講得明白。我嘗試簡單講解吓整個流程,有錯歡迎網友指正。
1 每次呈分試後,老師會將各呈分學科原始分數輸入一個學校的網上電腦系統 WebSAMS, 呢個系統係教育局要求小學裝,各小學都有,電腦系統的資料及結果會自動交比教育局。
2 該系統會自動計算每個學生呈分成績,步驟係首先將分數標準化(即計算標準分 standard score, 統計學術語),然後按 999632 加權,得出一個總標準分。
3 電腦系統會自動用呢個標準分數計算學生的校內呈分排名,所以小學係知道每個學生的呈分排名(有別於普通校內平時排名),問題係講唔講比家長知。
4 學校老師係用呢個排名估每個學生 banding, 問題係呢個排名未經 pre s1 調整,又唔係全港排名,所以學生 banding 學校都係靠估,唔一定準,尤其是邊緣人。確實學生banding 只有教育局內升中分配組內少數人知。
5 教育局有咗學校遞交每個學生的標準分後,就可以用每間小學師兄師姐的 pre s1 成績配對。方法係從該小學抽取部分學生的pre s1 成績,計算平均分及標準差(standard deviation ), 呢個平均分及標準差就係代表該小學的水平,又係用黎調整今屆學生的分數。
6 (呢度牽涉高中統計學概念,如果無學過或唔記得就skip 咗呢部分算啦!)用某學生的標準分,師兄師姐pre s1 的平均分,標準差呢3個數字,就可以計算該學生調整後的分數。標準分的意思係距離平均分幾多個 標準差,所以如果該學生標準分係 +2,代表成績係多過平均分2個標準差。例如,某學生標準分係 1.5, 師兄師姐平均分係 80, 標準差係 6,咁調整後分數係 80+1.5×6=89.
7 89 就係呢個學生調整後分數。教育局就係用呢個分數做全港及全區排名,從而分學生 banding 。
8 呈一計一次調整分,呈二計一次,兩次調整分攞個平均數,然後全港排名,教育局就係比呢個排名(報名者的相對排名)直資學校及自行官津學校參考。
9 呈3後再計一次,攞3次平均分,教育局就用呢個分數做全港及全區排名,定全港及全區banding, 用黎做統一派位(大抽獎)。
10 所以,就算小學每年升中人數唔同都唔緊要,有學生標準分就可以計到每個學生調整後分數,從而定banding.
11 新校就以全港及該區pre s1 平均分及標準差做調整。
12 所以點解教育局抽取部分學生pre s1 成績就得,因為只要計算每間小學的平均分及標準差就得,唔駛要每個學生的分數,配對唔係搵返同名次的師兄師姐的分數配對的。
希望以上講解清楚。
|
|