本帖最後由 legofigure214 於 19-12-16 18:15 編輯
大家好!因轉左工,比較忙,好少上嚟睇。(其實另一個原因係阿囡已經唔俾我理,而我亦冇理佢 )
因為我疏於阿囡校務,只能盡答大家嘅"迷思",可能都唔準確,請勿盡信。另外,有數位家長PM 我的問題,我都係一次過係呢度答。我唔係好識PM慢慢覆。
1)校規傳聞 - 冇聽過阿囡講,不過我囡未飲過涼茶。手冊上校規冇咩特別,仲有啲鬆。實情應該都唔係嚴,又或包容度尚算高。因我囡仲有欠欠漏漏,但未見咩特別懲罰。
2)面試可穿校服/便服,不過面試信既然寫穿便服,咁點解唔穿?呢個問題年年有人問,好奇怪。如當日你小學有活動便另計啦。
3)second interview 上年只問我地 "有咩問題?"我覺得好似見工咁,你可以問 /不問。如果想問,梗係問啲有SENSE 問題,不用專登問嘅。而我,我冇問喎。
4)我覺得自信心係好緊要,無論你考SPCS 定其他。睇返阿囡而家啲同學,未必個個好打得,但個個都有自信心。如果你囡相對地一問一答,主動性不足,咁好大機會未能突圍。
5)first interview 點預備?我在前面已詳述。至於你地想用咩器材,我覺得應該從囡囡出發,如果你囡能有效運用IPAD /POWERPOINT,並同時講解。咁呢個便是你的方法。我只係印左一張SLIDE (其實係用POWERPOINT做),跟住阿囡做口講。呢個方法對我囡係最容易,亦都冇咩技術風險。我諗呢度可以自由發揮,重點應該落於阿囡個口才同應對能力上。
6)返左幾個月學,我覺得我囡係11月尾先叫跟到步伐。我係11月同12月問過阿囡,佢都答呢間學校合適佢。
7)我囡小學係港島區其中一間有直屬中學的女校。邊間唔講啦⋯⋯佢又唔係叻,無謂令大家有遐想。
8)學校同想像中差冇幾,不算嚴,但又不是鬆。功課不少,PROJECTS 都有。
如有答漏,大家再提我啦。
|