2. 家表要上課是小朋友可以獲得學位的必要條件,優才從來沒有對任何人不公。乜而家waiting list 獲得offer 的家長唔駛上堂咩? 只係遲D上都要嘈話唔公平? 至於有無家長真係唔駛上堂而有offer? 答案係"有"。係唔係又覺得唔公平呢。呢一類不用上堂的家長,不單在waiting list 裡有,在first waiting list 裡都有。無它,學校早已講過,如果該家長以前上過堂,可以有若干年豁免不用再上。成個上堂嘅安排,完全是希望家長多些明白學校,而並非"教"家長。而家D家長咁尊貴,點敢"教"佢地呀!所以,如果大家在坊間聽到某某話唔駛上堂都有offer, 就唔好大驚小怪喇。
無制度係100%完美,公平的。播道,LHT, LMC, 擺明車馬,係有2次報名時間。至於在第二次是否難考入D,我唔知呀,但斷估機會係細D,始終大部份學位已在round one 收咗,在僧多粥少下,機率理應係少D。
至於復活主動權應在校方抑或家長手上,又係講幾年都講唔清嘅。如果我無估錯,優才可能覺得first waiting list 同waiting list 已經足夠多人,再復活亦應只限於第一批有誠意報讀的學生裡甄選,亦唔想太煩。其他學校亦有可能考慮大細B,臨場表現失手等等問題...Anyway, 我唔係這些學校校長,永遠畀唔到答案,只能靠估。唯一可以肯定的,任何賽制,都有其缺點 ,無完美,亦無絕對公平。