我覺得每個媽咪幫小朋友報學校䇿略唔同,報多報少無分對錯,我女有同學報五間一線/神校有四間收左,亦有同學報廿間得兩三間收(當中有最心儀),佢媽咪話好彩報左廿間因爲佢小朋友係慢熱型,開頭幾間面試可以幫小朋友warm up
如果小朋友學業一向好(如係名幼攞學術奬),又有靚仔cert,又對小朋友面試好有有信心,絕對可以只報幾間心儀,我自問小朋友資質平庸,無cert無奬傍身,無分入津校,小學校網又唔靚,報多幾間無可厚非,要知間間幾千人報只收百幾人,間間同一班人報,我無信心小朋友可以排頭一百;亦要預撞時間/小朋友病等預計唔到因素令到去唔到面試,再加上k2小朋友可能仲有午睡習慣,面試撞午睡時間表現亦打折,最後可能報十間有三間去唔到,三間表現唔好,得兩間有2nd in etc,最後一間都唔收