- 在線時間
- 37 小時
- 最後登錄
- 15-6-4
- 國民生產力
- 1
- 附加生產力
- 197
- 貢獻生產力
- 0
- 註冊時間
- 10-11-25
- 閱讀權限
- 10
- 帖子
- 175
- 主題
- 2
- 精華
- 0
- 積分
- 373
- UID
- 681737
|
大家係唔係都覺得寶校好神秘呢? 舊年我排, 甲乙都係 1, 一胡, 2, 蕭小, 都唔入, 最後入左信義, 等我帶大家尋幽探秘啦...
唔理想既地方係
1. 主校舍舊, 係我讀小學嗰期嗰種, 我個人就好有親切感, 但啲環境設施就無得同千禧校舍比架啦. 不過都叫做有個千禧新翼, 主要係做特別室, 好似視藝室呀, 圖書館咁啦.
2. 中學派位唔係咁理想, 具體%我唔係太清楚, 不過, 今年六年班都只係得一班, 坦白講好極有限, 不過, 情況將會改善, 因為三, 四, 五年班都有兩三班, 一, 二年班更收足四班啦. 如果入倒全級最好嗰班, 入B1中學應該無問題.
3. 融合生比較多, 比啲名小學一定多啲, 出名用愛心照顧融合生嘛, 所以佢地既家長好鐘意揀佢, 費事搏入一線學校, 比人當透明. 話多, 其實有幾多呢? 一級有幾個咁啦, 我小朋友嗰班有一個, 書都係咁教, 另外會有專責老師跟進嗰個小朋友.
好既地方係
1. 好似喜樂果子講, 由上都下都好好, 我地尤其鐘意校長同社工, 當然其他如副校長, 主任, 老師都VERY GOOD.
2. 自由啲, 聽講有啲小學, 小息唔俾落操場, 佢唔係, 可以落, 如果去籃球場重可以任跑, 我小朋友就覺得依樣最正.
3. 功課平均每日三,四樣, 個個星期都有黙書, 評估, 正式黙前都會小黙, 我覺得份量適中. 我小朋友都唔會覺得辛苦, 自動自覺做功課溫習. 重讀得唔錯添, 或者因為咁, 所以佢好鐘意返學.
|
|