本帖最後由 小時了了 於 15-4-2 15:02 編輯
MrBeast 發表於 14-12-4 10:57
回覆 小時了了 的帖子
踏出第一步真的要很大勇氣,如結果有需要做些訓練,記得要每日做,成效才會大。 ...
小女上星期嘅評估報告出咗, 無過度活躍症, 無專注力失調, Overall 唔係資優. 心理學家當日解釋評估為資優4部份超過100,( 4部份好似係:1) 語言; 2)logic; 3 & 4 唔記了. 小女語言個部份係超過110 (呢部份就係老師成日投訴上堂傾計及成日發表意見, 擾亂班房秩序, 老爺奶奶及老公又由細到大都成日罵佢講野 "腰心腰肺" 無禮貌及唔尊敬他人等) , 其他3部份就正常. 係評估過程中, 心理學家評估到小女為人較其他小朋友衝動, 衝動呢方面直接影響小女成日會衝口而出及行為亦有影響. 心理學家建議多2次收費面談($1,200/一個鐘), 到時會教小女有咩野方法令小女停一停, 諗一諗之後先至應該講合宜說話. 而心理學家稍後亦會聯絡學校社工/班主任, 溝通一下學校(老師)可以點樣做而幫到學生---- 心理學家講例如唔係成日因為小女上堂講野而罰小女抄書就算 , 反而要俾清楚指示點解錯, 同埋更重要俾清楚指示應該點樣做.(小女呢個學年差不多每星期因為上堂講野而俾老師罰抄書, 攪到成日夜晚做晒功課+聽少少英文書+罰抄而好夜瞓,另外我留意到因為成日俾老師罰, 小女嘅自信好明顯係差咗) 另外, 4月-6月我都幫女報咗協康會一個有關情緒及社交課程, 希望阿女會學到點樣控制自己啦! |