本帖最後由 mimi1102 於 14-4-8 12:12 編輯
Littlepa 發表於 14-4-8 09:38
回覆 mimi1102 的帖子
Dear Mimi112,
打左一大段野, 唔見晒…激死…..
我囡依家配的普通眼鏡舖其實係我十年前已經用開的, 當年我因為過度帶隱形眼鏡, 所以整損左眼角膜, 由朋友介紹去依度檢查眼睛.當年未有P 店, 一般人都只係去高X, 眼鏡XX, 所以當時覺得佢地好專業. 到我囡四歲之後, 我囡都係每年去P店檢查. 我覺得P店的形式同我的普通舖形式差不多, 不過, 當然器材各樣都先進好多, 規模大好多.
由於P店預約需時, 而我囡有配眼鏡的迫切性, 所以我就帶佢返去普通眼鏡舖配. 九千幾蚊的PACKAGE, 包年半至兩年的服務. 包一對鏡, 教戴眼鏡同無限次返去驗眼. 有三個月試用期, 如果三個月內發覺真係戴唔到矯視鏡, 就只需要比番模錢, 好似二千蚊. 我囡由開始配到帶對鏡返屋企, 去左五次, 攞左對鏡返屋企之後, 去左兩次, 下一次再去就係一個月之後.
我囡依家每晚十點鐘帶鏡, 如果戴足八個鐘, 第二日係零度近視直至睡覺. 上星期六睌刻意唔帶, 星期日下午返去驗眼, CHECK 下反彈左幾多, 最後CHECK 到反彈左75度, 我地都好滿意.
視光師話對鏡片係美國牌子BOSTON, 市面上應該都係得一兩個牌子, 佢地係跟番POLYTECHNIC 的規格.
最初知道要幾星期先可以帶對鏡返屋企, 我有諗過配副平平地的正常眼鏡比佢返學用住先, 但視光視話冇需要, 如果KEEP 住帶矯視鏡, 白天係唔會有200度近視
我囡依家已經可以自己戴, 自己除. 不過清潔我仍然放心不下, 我幫佢洗.
** 以上絶無賣廣告之意, 純粹分享 ** |