- 在線時間
- 0 小時
- 最後登錄
- 18-9-24
- 國民生產力
- 0
- 附加生產力
- 29
- 貢獻生產力
- 0
- 註冊時間
- 12-2-7
- 閱讀權限
- 10
- 帖子
- 4
- 主題
- 1
- 精華
- 0
- 積分
- 33
- UID
- 868299
|
阿女而家19個月大,出世以黎一直都唔望人,但叫佢應該係聽到既,半歲時健康院醫生講過,佢用電筒照完話無事。到一歲打針再同健康院醫生講,佢就寫信轉介屯門眼科。排到15個月大就去睇醫生,見完醫生就去排隊等驗斜視,驗斜視個醫生話兩隻眼都有斜視,算嚴重(但佢無講幾多度),話大d一定要做手術,返屋企做眼球運動希望可以保持立體感,手術就盡量拖耐d至做,話最好緊係拖到18歲啦,之後再入番房見醫生,但呢個醫生就話未必要做手術,跟住幫佢滴放大瞳孔藥水,一個鐘後再番去檢查,話其他所有野視力都正常,四個月後覆診。返到屋企都日日同佢做眼球運動,但通常都做唔到,不過雙眼亂飛既情況少左,叫佢會望我,有時仲係好正常咁既樣。到左8月頭覆診,今次一去到就去驗斜視果間房先,因為阿女岩岩瞓醒,我望見佢都係平時最差果個樣,即係斜得幾勁下,佢通常岩岩瞓醒或者攰就係最差既樣,個驗眼醫生話同之前一樣咁差,之後就入房見醫生,醫生話佢瞳孔size比正常細,眼球壓力大,暫時未係青光眼,醫生話而家無咩可以做,之後又四個月後覆診。想問下有無人有類似情況?我應該出去搵私家專科睇睇嗎?
|
|