- 在線時間
- 156 小時
- 最後登錄
- 24-8-27
- 國民生產力
- 79
- 附加生產力
- 1348
- 貢獻生產力
- 0
- 註冊時間
- 03-11-3
- 閱讀權限
- 10
- 帖子
- 420
- 主題
- 22
- 精華
- 0
- 積分
- 1847
- UID
- 15780
|
我囡K3, 其實維記一向都係英強中弱, 唔係咩秘密. 今年我囡去in小一, 見家長時同老師傾開, 佢話喺佢地小學眼中, 維記學生都係有樣睇的, 英文強, 多野講, outgoing, 坐唔定, 中文偏弱. 跟住仲話佢地過去幾年都有收維記學生, 不過佢地要好耐先適應到小一要坐定定上堂的模式, 同埋好辛苦先pickup到中文. 結果...我囡係收reject, waiting都無. 講真果下我真係好唔開心, 原來維記真係唔受小學歡迎. 我係第一身聽到老師同我講的, 唔係道聽途說. 當然我囡同學當中都有好定好乖的, 我諗本身性格都有關係.
維記英文真係無得彈, K3前我無比佢出去補任何英文, phonics學校教, 我囡K3可自己睇chapter book. 串字係教得慢d, 今個月先開始有串字功課, 但考小一都完左啦. 不過phonics好的小朋友串字易上手, 可以自己教. 英文pn到K3無抄寫功課(無寫過a-z), 只係得閱讀報告(K3前係畫圖only, K3開始要寫), 就係因為無功課, 家長唔知佢學左咩, 所以就覺得佢無野學. 但係唔洗做功課都學識phonics, 睇chapter book, 仲想點? 多功課唔代表英文會學得好. 我囡K2有次去ABC paxxway做評估, result 係聽講full marks, 老師仲"嘩...真係好叻喎".
至於中文, 個人覺得真係要補, 如果唔係上小一真係會辛苦, 今年K3係深左, 要作句要默書, 不過仍然唔多. 抄寫詞語同少量句子, 不過同其他幼稚園比, 我相信人地k2已經做緊了. 佢派d中文書要睇完做工作紙, 無錯內容同d字唔淺, 但係就同學校教緊的程度脫節, 本書入面唔識嘅字多過識嘅字, 有時我都唔知點教佢好. 不過我囡一向鍾意英文多d, 日日自己睇一打英文書, 有同學鍾意中文多d, 睇得多中文書中文又會好d.
維記係無書簿費的, 因為係無課本, 只係每年要買一set佢地自己印嘅普通話書+練習, 一年幾百蚊only, 有點讀筆的.
紀律方面, 學校係有要求的, 排隊舉手唔好傾計呢d一定有, 只係佢地上堂模式係activity time會有幾樣activities, 學生可以揀做邊樣先, 不過一定要做晒噤多樣的. 呢個做法有好有唔好, 因為上左小一係無得揀的, 所以維記學生會比人"無紀律"嘅錯覺. 又好難怪, 由有得揀(其實係假民主, 因為無論做邊樣先最终都要做晒), 變做唯命是從, 的確難適應.
自信同presentation skill我諗唔洗質疑, 維記學生你驚佢多野講好過唔講野.
我係用家, 由pn到而家K3, 我覺得維記有好有唔好. 我只係講出我囡的情況, 唔係代表所有維幼學生, 好似我上面講, 有d都好定好斯文, 中文唔弱的. 都係果句, 睇下家長要咩, 無一間學校係樣樣都叻, 維記係果種......如果唔係你杯茶, 你會覺得佢名過其實. 所以我明白點解今年要比$9000 levy, 因為真係要認同佢理念先好去讀, 家長要諗清楚自己想要咩, 唔好只係因為名氣 .
|
|