本帖最後由 Mukchilee 於 13-6-7 02:33 編輯
回復 ANChan59 的帖子
千祈唔好話指正, 不過有時間就講下睇法咁啫.
首先要講明, 本來個topic講緊直資中學, 但係因為一條龍政策, 所以無可避免又有同直屬直資/私立小學有關.
我係好贊成有才能不過無財力嘅學生去考直資學校嘅, 原因好簡單, 因為直資學校可以收兩份錢呢樣真係好有優勢, 理論上有減免的話, 你得到嘅資源就一定多於官津同私校.
又講番直資小學收生 , 因為現實上係唔會得到小學校方收生嘅資料, 所以只能作些假設和推論(即係靠估)...
假設 :
1. 校方傾向選擇"優秀"嘅學生 (可能家長同校方唔同定義, 隨心啦!)
2. 任何人都可報考, 而校方有大量學生可供選擇, 揀完之後個學生又會入讀
面試時有可能出現嘅情況:
情況1: 校方無任何特異功能/方法選優秀學生.而面試只係儀式, 咁即係ramdom selection, 如果係咁, 因為統計學上人口分布嘅理由, 佢會攞到一大堆窮學生 (因為富人同中產遠比窮人少), 現在這情況在現實似乎沒有發生, 即係校方唔係用ramdom selection.
情 況2: 校方有特異功能, 可以在面試一小時內搵到天生(記住係天生) "優秀"嘅5歲學生. (如果真係咁, 嗰班要用3,4個小時叫人做一大堆題目測IQ, 又話年齡細結果可能會唔多準嘅心理學家就執定包袱都得), 不過, 就算係咁, 除非優生學原理發揮效用. 否則得出來嘅結果應該都會係窮人學生比較多, (又係因為人口分布)
情況3: 校方無特異功能, 除少數突出嘅天才兒童外, 校方無法知道大多數5歲
申請人是龍是虫有咩潛能, 不過佢地知道要發揮潛能就要有栽培, 因此, 父母嘅財力同見到嘅支持就成為關鍵. 而呢樣就比較容易估計,由家長職業,住址, 有幾多湊仔時間, 再睇埋父母比小朋友學緊咩, 都大約估到呢個申請人能夠發揮潛能嘅機會係比人高定係比人低. (即係要睇家長有幾多錢, 時間同心血)
情況4: 校方無特異功能, 不過收生時就有足夠數量,顯而易見又潛能盡展嘅後天優秀申請人, 所以無咩要做, 佢地亦無刻意選擇家庭背景, 而實情是: 家庭的支援已經在入選的申請人身上發揮了威力, 因為對5歲的學生來說, 有家庭的支援和無家庭的支援的小朋友表現可以相差很遠,(問題只是那些支援是用了多少家庭資源) 而呢個情況就令校方响不知不覺間收左一堆"有家底"嘅學生.
以現在所知的現實情形, 似乎情況3 和4可能是令直資小學貴族化的原因機會比較高.
事實上, 要選出5歲的優秀學生比要選出12歲嘅優秀學生難度大得多, (可能是出於無奈, 因為大部份情況根本沒辦法分辨出來) 所以直資中學收生可以比較看才, 而直資小學收生比較看財.貴族化的程度亦因而有所不同. 所以中學的家長和小學的家長感受和看法可能都唔一樣.
|