- 在線時間
- 29 小時
- 最後登錄
- 17-1-18
- 國民生產力
- 3
- 附加生產力
- 266
- 貢獻生產力
- 0
- 註冊時間
- 10-1-12
- 閱讀權限
- 10
- 帖子
- 69
- 主題
- 13
- 精華
- 0
- 積分
- 338
- UID
- 545745
|
小朋友今年小一, 返左兩個星期已經話好唔想返學, 我問佢點解, 佢話A老師好惡好大聲, B老師都係, 我問佢係咪鬧佢佢就話冇呀, 佢係鬧邊個邊個, 但好大聲, 攪到佢都好驚, 咁我諗間間學校都有惡既老師啦, 冇法既, 只有哄佢 "你乖老師就唔會鬧你, 唔駛驚架" 其實小朋友由幼稚園開始, 老師已話佢好乖, 新華德都有老師同我講開電話時讚過佢, 不過佢一直都而家都係成日話唔想返學, 唔想見到A老師, 咁都冇法.
點知有一日, 佢放學途中同我講 "爸爸, 我賴左屎..." 我就問佢 "你點解唔同老師講去廁所呀?" 點知佢話 "我有舉手問A老師, 不過佢話唔比去" 我聽到就好嬲, 平靜左之後我就問小朋友 "你今日第幾次問老師去廁所架?" 佢答我第一次, 我就再問 "你今日有冇做錯事比老師罰呀?" 佢都話冇, 之後我再問 "老師係咪只係唔比你一個去廁所呀? 其他同學比唔比架?" 佢就答我全班同學都唔比.... 咁我就問係咪成日都係咁架, 佢話係呀, 之後我又問有冇其他老師唔比去廁所, 係咪只係A老師? 點知佢話阿B老師都係,不過就第1次唔比, 第2次就比, C老師就有時唔比, 個答案竟然係講緊有幾位老師都咁做, 我聽到都好嬲, 如果有新華德小一家長係度, 希望你地都問問自己既小朋友有冇老師唔比佢地去廁所...
|
|