- 在線時間
- 2 小時
- 最後登錄
- 11-9-26
- 國民生產力
- 5
- 附加生產力
- 0
- 貢獻生產力
- 0
- 註冊時間
- 10-1-28
- 閱讀權限
- 10
- 帖子
- 24
- 主題
- 6
- 精華
- 0
- 積分
- 29
- UID
- 580771
|
相信現實中沒有家長想與校為敵的, 父母愛錫子女係好正常的,小一嘅學生接觸新環境新老師, 全是陌生面孔, 莫講係年幼嘅小朋友, 大人都需要時間去適應的, 我都係喺傳統學校長大的, 但都係成三十年前嘅事, 時代係不斷改變的, 相信"嚴加管教"套用喺今日千禧年代, 可能都需要調適一下, 不能永遠都一成不變, 我的兒子數年前曾就讀本校, 但因一些原因而離開了學校, 我記得兒子都曾跟我講老師好惡, 好嚴, 但因為佢知道我哋兩公婆都好鍾意St. Joesph, 所以佢內心深處縱使幾害怕,幾唔開心, 佢都唔敢違抗父母, 唔敢同我哋講太多, 直至我哥哥從外國回港探我哋一家, 有一晚, 阿仔同佢舅父外出遊玩, 之後我哥哥揍阿仔返屋企並離開我屋企, 大約一小時後, 我哥哥致電我, 並同我講阿仔同佢講咗好多心事, 佢話阿仔內心好抑鬱, 話其實返學唔太開心, 只係dad & mom一直以佢入到St. Joseph為榮, 所以只有跟父母報喜不報憂, 我聽到哥哥咁講後, 我個心真係刺痛兼乸住痛, 當堂哭成淚人, 嗰種自責感覺, 真係非筆墨形容, 之後我哋兩公婆同阿仔傾咗成晚, 最終, 我選擇咗替仔仔轉校, 唉! 現今好多父母都係生一個起, 兩個止, 所以大家都相當緊張, 更被冠以"怪獸家長"嘅惡名, 不過我哋作為父母, 都應該問問自己, 究竟係我哋愛在人前弦耀、愛面子? 定抑或真的愛自己仔女呢? 顧及佢哋內心真的感受呢?此段文章純粹個人感受紓發和分享, 沒有任何爭論之意。 |
|