- 在線時間
- 635 小時
- 最後登錄
- 15-4-26
- 國民生產力
- 195
- 附加生產力
- 765
- 貢獻生產力
- 0
- 註冊時間
- 03-3-23
- 閱讀權限
- 10
- 帖子
- 3451
- 主題
- 8
- 精華
- 0
- 積分
- 4411
- UID
- 8202
|
bbmuimui,
問題一:
好難講話一開始做兩科會唔會好辛苦&會唔會抗拒的, 如果你怕, 不如先聽公文簡介會 (係一定要聽咗先, 家長決定報喇, centre仲要幫小朋友做評估, 再決定由邊個level開始, 如果旺既centre, 聽完簡介會, 隨時都仲要等多一頭半個月至有位畀你讀啊), 了解清楚讀公文係乜嘢一回事, 然後再決定啦!....畢竟每個小朋友既能力同性格都唔同, 亦因為咁樣, 有人好buy公文, 有人彈到公文豆零都唔值! 父母最清楚子女性格, 適唔適合, 你才是最清楚啊!
不過如果小朋友唔抗拒的話, 長期學習公文會對小朋友有一定好處的, 想知多d, 可以搵番我哋呢個topic既"part 2"睇吓!
問題二:
小學功課多寡, 都視乎你小朋友讀邊類型小學, 仲有就係好睇小朋友做功課既速度 & 專心程度....我識有d小朋友功課少又係做到十一二點, 功課多又係做到十一二點....若然要佢做埋公文, 死得了!...但好似我嗰個, 傳統學校, 但學校每星期有三日係功課堂 (星期二三四), 我女可以響功課堂完成9成或全部功課, 返到唻我淨係對功課&加少少改正就搞掂...其餘兩日無功課堂, 我女會偷用轉堂時間做功課, 雖然未至於可以全部做晒, 但做咗七八成, 返到唻都可以好快完成!...所以升咗小學後, 仲可唔可以應付公文, 都好睇學校課程點分配 (例如學校有無功課堂), 小朋友識唔識得好好哋利用時間(例如轉堂時選擇傾偈, 遊魂 or做功課)等等...
至於你嗰區邊個centre好? 嗯....呢樣我唔清楚, 但讀公文...我覺得我係buy佢d教材, 唔係buy佢d老師, 你預咗讀得公文就唔好全部靠晒老師教, 公文講求自學自習, 但當小朋友自習唔唻既時候, 家長既教導, 支持, 鼓勵係最重要!
所以你報讀之前, 最好都諗清楚係咪有時間去跟佢d公文功課! 如果你有留意彈公文嗰d家長既評語, 好多都會話老師其實教唔到d乜嘢, 幾乎都係家長自己跟自己教, 若然唔得閒跟, 小朋友唔識, 教室就重複又重複咁做同一份教材, 搞到小朋友無晒成功感, 做到悶等等...寧願自己買補充練習好過之類!....其實我想話, 好多家長都係畀咗錢出去, 就suppose d老師乜都教晒, 自己就乜都唔駛跟的....小朋友學唔到嘢, 學得慢, 係老師既問題, 唔係自己同小朋友問題; centre重複又重複畀教材, 係因為想dum波鐘 & 呃錢....但其實佢哋無諗吓, 點解人哋可以咁快, 自己嗰個咁慢呢? 點解人哋唔駛點重複? 但自己嗰個日日重複呢?
anyway, 少少分享, 希望唔好嚇怕你, 不過報讀之前, 真係要想清楚, 唔好到時學校又多功課, 公文又要做, 搞到親子關係惡劣就不好了!
原帖由 bbmuimui 於 11-5-18 22:44 發表
各位公文媽媽,
你地好, 小女現讀K3, 9月會升P.1, 我想俾女女讀公文, 但有D問題想請教你地:
1.如我想俾女女讀公文英同公文數, 一開始讀兩科會唔會好辛苦?(我怕佢會抗拒)
2.你地小朋友讀緊小學會唔會好多功課, 做公文 ... |
|