- 在線時間
- 19 小時
- 最後登錄
- 13-2-2
- 國民生產力
- 9
- 附加生產力
- 2
- 貢獻生產力
- 0
- 註冊時間
- 08-3-11
- 閱讀權限
- 10
- 帖子
- 260
- 主題
- 8
- 精華
- 0
- 積分
- 271
- UID
- 184009
|
大概作者只是想抒發一下屈住多年的心結, 不過我認同, 如果佢讀唔到呢間名校, 生活都唔會見得好d, 眼界亦唔會闊d...所以應該感恩多過怨, 佢講既呢間修女學校 (我估係st paul convent或 marymount, 唔係spcc), 正正係我想我兩個女可以入到既學校喎..入到就好了!
我都係所謂名校中學出身, 但並唔係咩elite school, 係官校黎啫, 不過係同區與隔離區都好多人想入既一間, 同學中多數都唔係有錢人, 所以從來無受過白眼, 你問我, 我又絕對覺得名校有佢既優點喎:
語言培訓好: 雖然o個時讀官校, 但F.1&F.2都有兩個英文老師, 一個教文法, 一個教寫作及閱讀理解; 語言係需要由細浸大, 愈多exposure, 自然發音和運用起來的流暢程度和自信心都高好多, 大家工作都知, 能說得一口北方口音流利的普通話, 和純正的英式口音或lur晒既美式英語, 無論你是否言之有物, 其他人都即時細心聆聽; 見過一d其實好醒目既人, 但一講普通話或英文就即刻變左個人, 未必係佢地真係表達唔到, 但信心即刻少晒可能令佢地更辭不達意.
學習風氣好: 就算唔係好緊張讀書既人, 臨考試時都可能因為見到身邊個個都刨緊書, 唔讀唔得, 對自己會有點要求
考卷出得深: 好唔好見人見智, 有d人會覺得會影響學生自信, 但我自己f.5第一次做past paper時好愕然原來老師平日d卷比公開試d問題深好多同"陰濕"好多, 感覺應付公開試比較得心應手
最後, 我覺得讀名校是否會讓人自卑純粹視乎個人價值觀同想法, 我去完朋友既大宅會羨慕而唔會返到屋企覺得自卑到前所未有; 我成世都未玩過netball都好想試下係點玩; 我d中學同學唔少都o係事業上有d發展(梗係同elite schools既畢業生都有分別)但我地會大家齊齊開心慶幸現在所有; 我中學時期都會覺得英文朗誦&英文辨論隊班同學d英文真係好好聽而多d留意佢地, 中文(當時係廣東話)辨論因為係母語感覺需要少dd練習都唔奇, 普通話要練埋發音又梗係會緊張少少; 所以作者提及的不平現象並非真係好不平, 亦非名校問題而是社會現象, 最少佢間學校容許"平民"做head girl, 你睇下各大私人, 政府及半政府機構既阿頭會唔會請無background無人脈既人做? 學校只是社會的縮影, 早點開開眼界知道世界如此都未嘗不是一件好事 |
|