- 在線時間
- 38 小時
- 最後登錄
- 16-6-28
- 國民生產力
- 10
- 附加生產力
- 200
- 貢獻生產力
- 0
- 註冊時間
- 08-5-29
- 閱讀權限
- 10
- 帖子
- 24
- 主題
- 3
- 精華
- 0
- 積分
- 234
- UID
- 193810
|
下個星期就到開課日, 相信各位媽咪已經為自己小朋友準備好各種開學用品, 本人亦唔例外.........
小兒今年9月, 對我嚟講係有幾大轉變, 幼稚園同唔同, 一方面學習會嚴緊咗, 另一方面就係功課/ 測試/考試多咗, 就我呢個在職媽咪亦需要預先安排/計劃好工餘時間, 照顧好剛升小一嘅仔仔.
唔知有無媽咪同我有相同經歷, 但我就覺得件事唔應該會咁發生囉, 本人得知於學校可以購買SPI護脊書包, 但書包上車有校章, 我覺得好似唔好睇, 所以諗住睇完就算, 後來個SALES話可以幫我訂一個無校章, 但唔可以咁大聲講, 比學校知道會鬧, 同時亦需親自到油麻地寫字樓取貨, 咁我問大約幾時可以拎到吖, 佢地答7月中至尾可以取貨, 貨返會通知各家長取貨, 但價錢會比有校章貴$30, 心諗8月取都ok, 所以就買咗, 價錢為$298/個.
7月尾, 見公司仲未打電話話拎貨, 咁我就打去查問吓, 佢地答覆係啲貨未返, 一返到就會call家長嚟拎, 咁我話好啦, 唔該晒.
8月初, 有次咁啱放工會去開旺角, 諗住打去問下有貨未, 點知佢地話間廠啲貨未到, 一返到會call家長拎, 當時我已經問知唔知大約會幾時有, 因為本人唔係成日去九龍區, 即使放工出去, 都要安排時間, 當時職員回覆係8月中應該會返貨, 聽完之後都無辦法啦, 咁唯有再等.........
26/8, 突然諗住有樣嘢未預備好, 就係仲未有書包, 咁就打去問啦, 個小姐話啲貨仲未返, 咁我問下星期已開學, 啲書包遲遲都拎唔到, 究竟發生咩事吖?跟住個小姐交咗個電話比另一個陳同事, 呢位陳同事話, 啲貨的確未返, 比唔到貨, 最快都要8月尾先返貨, 咁我問佢, 我小朋友30/8經已要返學, 你又比唔到個書包我, 咁係咪叫我小朋友唔拎書包返學先?你地公司本來應承我地家長係7月尾交貨, 期間我不段打嚟你地公司追貨, 答覆永遠只係推, 推, 推, 第一, 咁大間公司, 出面百貨公司都有counter, 點解會缺貨? 第二, 取貨日期即使遲, 都唔應該遲咁多? 第三, 到現時為止, 都仲未確實答到取貨日期?第四, 我家不是住在九龍區, 亦要返工, 唔係話出嚟拎就可以即刻出嚟拎架?????
當時那位陳同事响我一邊講, 佢就一邊答, 而家係間廠比唔到貨我地, 都唔關我地事, 我地唔係唔比貨你吖, 只係遲啲啫, 我自己都係人地媽咪, 好明白你, 但我無貨又點比你吖.......
當時我問, 點解你地一直唔去追間廠交貨, 同時, 相信購買書包嘅人大部份都係响暑假期間, 無可能响呢個黃金時間你地間公司居然會無貨, 跟本都唔合情理.......
最嬲係, 陳同事問, 咁你想點吖, 最多比你上嚟寫字樓換款囉, 我話你又要我加錢吖?陳同事話到時你換唔加你錢囉, 你咩單號碼吖?我答8xx8xx, 佢接住係勁無禮貌咁問, 仲有呢?當時我更嬲, 點解你sale我買貨時勁有禮貌, 而家係你比唔到貨我, 我追你地, 你地就覺得係我問題?????我好嬲咁話, 咩仲有吖, 個no.係8xx8xx, 你聽唔到咩?????跟住我話你地夜晚收幾點?佢答我地一至日都係收7:00, 你上嚟換囉...... 跟住我問佢地址, 吓.......佢將個電話比第二個同事聽, 跟住我响個電話度聽佢講(你講個地址比佢聽, 我費事同佢講吖.....)嘩, 咩人嚟架, 比著你係我吖, 你都會咁嬲啦............哼, 我聽晚就出去搵佢地, 7:00收工嘛, 我知點做架啦........講真, 如果佢地唔係咁無禮貌, 我都會比多次機會佢地, 但實在太無禮貌啦, 簡直激到我死.......... 因為我淨番聽日先得閒, 星期六&日我要陪小朋友及教新工人, 跟住星期一經已開始返學, 我點樣可以唔急.......!
[ 本帖最後由 媽咪pig 於 10-8-26 15:51 編輯 ] |
|