- 在線時間
- 552 小時
- 最後登錄
- 19-11-25
- 國民生產力
- 419
- 附加生產力
- 64
- 貢獻生產力
- 0
- 註冊時間
- 06-6-10
- 閱讀權限
- 10
- 帖子
- 572
- 主題
- 28
- 精華
- 0
- 積分
- 1055
- UID
- 86967
|
原帖由 jena2468 於 09-12-1 12:12 發表
仔仔媽咪, 你對'群育中學'有冇認識? 學校社工建議我地考慮升中入呢類學校 !
之前我朋友都有提過'群育學校',我都曾經有諗過俾我仔轉校入去讀,但係之後我老公唔贊成,又同我分析過,之前我老公公司參加咗政府一個就業計劃,就係俾呢類學校畢業既學生入黎公司試工十四日,結果嗰十四日我老公無日安寧,佢地雖則有個社工帶隊跟住,但係每日根本做唔到野,佢地响貨倉周圍追逐,又掟公司D貨,仲試過掟較剪,又依然會互相指駡話自己同學係癲係有精神病,一係呢個鬧喊嗰個同學,一係嗰個同學鬧喊呢位同學,結果我老公煩起上黎索性捉住最曳嗰位'小朋友'(都over十六歲),要求佢每日乜都唔駛做,每日全日都只需要安靜地坐响我老公隔離,唔可以離開我老公視線範圍...我老公之前鬧佢兩句,佢呢頭喊哂話知道,嗰頭又是飛較剪,,,所以點鬧點教都無作用.
我老公就引用番呢個事例同我講,話呢D真係會物以類聚,呢類學校只係將一班出面主流學校最唔想收嗰D學生group埋一齊而已,無錯係有幾個社工又有治療師加心理學家响學校駐守又有得寄宿,廿四小時睇實,教既課程又係淺過出面幾年,又係小班教學,但將同一類/問題既人group埋一齊朝夕相對去相處,佢地只會互相影响,只會越黎越嚴重囉.
到之後我依家响出面教小朋友,試過同一時間將我仔同另外幾個同我仔一樣有自閉或過度活躍問題既小朋友group埋一齊上堂,結果真係俾我睇到個事實,事實係話俾我知,我仔同其他相同問題小朋友一齊學習,佢地每個既行為情緒都會互相影响,同埋仲容易失控囉.之前我仔自己一個人做功課真係可以自行完成,仲要好快唔駛兩個鐘,做完至拎俾我check,但一同其他小朋友一齊學習時,佢係可以兩個鐘都未完成到半頁中文作業功課,原因係佢係spend咗嗰兩個鐘時間去自己傻笑,去玩,去講野話人同鬧人,走黎搞搞震,嗰D失常表現係我未曾見過,到依家又俾番佢自己一個人响屋企做功課,好似噚日咁,唔駛一個鐘就做完,仲有板有眼添.所以我會覺得呢類學校根本唔係真正幫到我地班小朋友,個人覺得,似係收留我地班小朋友一個地方,叫做有間學校肯要佢地咁解.係咪真係幫到佢地,我個人覺得未必囉.
始終佢地大個咗都要出黎呢個社會生活,呢個社會無地方可以包容到佢地,俾佢地自己自成一角,咁我地呢班媽咪咁辛苦既目的都係想個仔早日融入到呢個社會,識得照顧自己啫,既然係咁,我覺得唔係俾佢地搵個地方繼續收埋自己、我行我素,而係早日俾佢地接觸多D其他正常既人,等佢地學下點去做番個正常人囉.
正如我仔學校D老師所言,班老師都話唔太想我仔群得太多佢嗰位同為ADHD既老友記同學仔,因為老師都睇到佢地D問題係互相影响,老師都話好想我仔多D同其他正常小朋友玩,但無奈,又唔係每位父母都可以咁寬宏大量,可以接受到自己小朋友經常被傷害(我地呢類仔成日整親人同打人),所以暫時都係得個諗字,只希望個仔再大個仔D時,可以學識點去社交,呢樣真係仍然要靠爸爸媽媽同學校甚至呢個社會一齊共同努力囉. |
|