- 在線時間
- 0 小時
- 最後登錄
- 10-5-2
- 國民生產力
- 1
- 附加生產力
- 0
- 貢獻生產力
- 0
- 註冊時間
- 10-5-2
- 閱讀權限
- 10
- 帖子
- 2
- 主題
- 1
- 精華
- 0
- 積分
- 3
- UID
- 609569
|
各位, 你地好, 我個仔係1b班.
你地講開謝姑娘. 我仲慘呀. 佢同1b班班主任屈我個仔係自閉症添呀.
我個仔係啲好鬼文靜既小朋友, 可能係咁比人覺得佢怪怪呱. 開學初, 佢唔習慣新環境, 加埋我同老公鬧佢啲功課唔好, 佢一時唔開心, 係校車度打自己. 本來我係唔知e件事, 冇耐我老公因為功課既事打比班主任, 個班主任好輕描淡寫咁話我個仔同其他小朋友好唔同. 到10月左右, 謝姑娘打比我話要見我同我老公. 結果我地比佢鬧唔識教仔..夜瞓會早死..鬧咗個半鍾之後, 佢好serious咁話我個仔係自閉症, 自閉症通常有7成係輕度弱智. 佢仲話要我地帶個仔去做評估, 仲話最好搵私家嗰啲做.當時我地嚇到呆咗. 結果, 我地帶咗佢去大埔醫院做評估. 嗰度負責既教授同我個仔做初步評估, 話佢好正常. 如果係有自閉症, 根本好細個已發現, 唔可能到小一至發現, 佢質疑到底謝姑娘憑乜話佢自閉症/亞氏保加症. 咁e個教授想幫我地再做多個詳細評估, so, 要學校 (即係班主任加謝姑娘)寫個report比佢, 講吓佢地點解會睇到佢有自閉症.
我地咪叫佢地寫囉. 佢地竟然想推卸責任, 又話唔應該寫, 應該係由醫院比個表佢地剔, 總之係唔想寫. 我老公好嬲, 結果向校長投訴, 係校長出面之下, 佢地2個終於寫咗比我地啦.
以為事件可以平息啦, 點知, 最近個班主任又同我老公講話我個仔好易喊, 啱啱上個week, 謝姑娘又攞咗個小冊子, 要我個仔寫低有乜唔開心事, 仲係前日, 佢上緊堂時突擊搵佢, check佢有冇寫. 經歷咗自閉症e單野, 幾蠢既都估到佢地又想屈我個仔有情緒病啦.
小朋友喊吓之嘛, 使唔使搞成咁. 到底我個仔有乜得罪佢地呀?佢只係個7歲人仔, 就比啲咁既老師迫成咁. 我e家對主風好失望呀. 仲話係老字號小學添. |
|