- 在線時間
- 875 小時
- 最後登錄
- 20-6-10
- 國民生產力
- 157
- 附加生產力
- 4246
- 貢獻生產力
- 0
- 註冊時間
- 06-2-20
- 閱讀權限
- 10
- 帖子
- 2814
- 主題
- 15
- 精華
- 0
- 積分
- 7217
- UID
- 73800
|
哎....真係唔知好嬲定好笑
噚日朝亞囡瞓厲頸,話痛到郁唔到,爹D帶咗去睇物理治療,做咗一輪電療及熱敷,條頸仲有少少硬返學。今日已經康復得七七八八。
晚飯後,亞囡記起爹D早前亦試過瞓厲頸,就用雙手扶住爹D條頸........
亞囡: 爹D,你條頸仲痛唔痛呀?
爹D: (扮嘢) 少少啦!
亞囡: 嗱...你宜家將個頭另去左邊,跟住右邊,上、下,睇下點樣 (原來噚日個物理治療師叫亞囡咁做)
爹D: 好d喇
亞囡: 跟住輪到媽咪 (如是者再repeat個動作一次)
媽咪: 我好番喇,唔該晒!
又過咗一陣.....
亞囡: 嗱...宜家我係護士,你哋有邊度唔舒服? (跟住喺雪柜攞粒圓餅磁石話要聽下心口,聽下背脊)
媽咪: 我隻手唔舒服,扭親好痛
亞囡: 唔....我幫你攞d藥捽下,好d未?
媽咪: 好d,唔該晒!
亞囡: 我宜家要同你哋打針,你哋有邊度唔舒服? (跟住喺雪柜攞支長條磁石做針)
媽咪: 冇囉喎
亞囡: 一定有
媽咪: 吓....咁腳囉
亞囡: 邊隻腳呀?
媽咪: 左腳
亞囡: 即係邊隻 (講完就走去我左邊踎底)
媽咪: 有冇搞錯,你係醫生都要問邊便係左腳?
亞囡: 你搞錯喇,我唔係醫生,係護士咋!!你除拖鞋先啦,要打針呀! (跟住喺張紙仔度自言自語寫低媽咪嘅病症"走路腳痛")
輪到爹D....
亞囡: 你有邊度唔舒服?
爹D: 護士,我想睇醫生,我個心好痛
亞囡: 醫生今日病咗,比d病菌傳染,唔睇得病人,我今日喺度幫手
爹D: 我個心好痛,因我有個好曳嘅囡囡
亞囡: (當聽唔到,跟住入廚房踎喺廚柜門前) 唔...等我睇下個X-Ray先...啊,原來係d bones難咗,所以個心痛
爹D: 吓...唔係喎,我係有個囡囡好曳,所以心痛喎,咁曳有冇得醫?
亞囡: (係咁逃避問題,但爹D不段追問) 曳係冇得醫
爹D: 吓...但係我個心仲係好痛喎,咁點算呀?
亞囡: (喺廚房攞咗d小食) 嗱....呢d比你
爹D: 呢d比我做乜嘢?我知喇,係咪我食晒我囡囡d嘢,等佢冇得食,咁佢就唔會再打人呀? (亞囡有時扭計,情急反抗之下唔覺以會打咗人一下)
亞囡: 唔係呀!!佢會繼續打你,冇得醫喇!! (然後又喺張紙仔度自言自語寫低爹D嘅病症"心痛")
到沖涼時...
爹D: 我有個囡囡咁曳,應該點懲罰佢好呢?
亞囡: 唔好應承佢d嘢囉
媽咪: 唔好應承佢d乜嘢呀? Barbie computer game?
亞囡: 係囉
爹D: 咁仲有乜嘢呢?
亞囡: 收起晒d公主,收起晒d書唔好比佢睇囉
最後亞囡如願以償,冇得玩Barbie computer game,亦冇書睇,自己亦冇聲出。
|
|