Hello, hello, 姊妹們,
好耐無上嚟LA, 先報告吓近況:
好多謝May及各姊妹關心 ,亞朗而家各樣OK,但我無比佢返學(3由月頭開始已無返,當中包括停課),因医生話驚佢返學容易傷風感冒,都係睇定D先,所以諗住到佢下星期三覆診後先決定幾時再返學,而家佢都係每日用噴鼻藥(touch wood佢都好合作 ),希望用藥就OK,唔使做手術LA,至於瞓覺出汗嘅情況就好左D,而家只係剛瞓著時出一陣,大概半至一小時,所以都比先前好,不過因為佢唔使返學,攪到我無咩時間做自己嘢,加上唔知点解成曰失眠,精神都係麻麻地.
亞朗而家係屋企無所事事,成日掛住玩同睇書,但呢排開始佢掛住D同學仔同老師,就話要即刻返學,都好,等佢第日返學時識珍惜吓;
而家我係屋企同佢做訓練,有返STEP同協康,仲參加左靈實嘅言語小組(好開心可以同Rebecca嘅仔仔一班 ),亞朗而家把口仲衰,惡到死:;pppp: ,成日捉我嘅錯處,跟住就話:Mummy,你錯左,我要鬧你,我問佢做咩鬧我,佢話因為佢好惡,激死!
有一日我煑緊飯,佢係kitchen門口”印印腳”問:Mummy,你結左婚未呀?我幾乎成隻wok跌落地,笑死我!
係言語小組,人地個個見到個燒烤炉玩具就話BBQ,佢就話B&Q,連姑娘都笑佢係咪成日去街
講番Sun個BBQ,我同老公都好期待呀,我地好耐都未去過BBQ LA,但我地會自己揸車去,而且會遲少少,大概1点幾先到,我想知個詳細地址係邊呢? |