用戶登入
用戶名稱：
密      碼：
登記帳號忘記密碼

討論區

教育王國
教育講場
使用意見
幼兒教育
幼校討論
幼教雜談
小學教育
小一選校
小學雜談
中學教育
升中派位
中學交流
初中教育
專上教育
備戰大學
選科選校
國際教育
國際學校
海外留學
知識增值
課外活動
教材閱讀
公開考試
深造進修
特殊教育
特殊教育
資優教育
自閉寶寶
智能評估
徵求專區
二手市場
誠徵老師
組班專區
徵保母車

   聯絡管理員
搜索
教育王國 › 討論區 › 幼校討論 › 煩!BB打人,老師家長投訴.我們已經教他了.怎麼辦? ...
查看: 8068|回覆: 25
 go

煩!BB打人,老師家長投訴.我們已經教他了.怎麼辦? [複製鏈接]

wyzhao

Rank: 4


851
1#
發表於 07-11-20 11:17 |只看該作者 |倒序瀏覽 |打印
各位媽咪:
            我BB現在2歲9個月大,要出年才讀正式K1.宜家讀學前班,3小時. 才讀了2個月,發現他打人.(其實,他不是主動打人,如果其他小朋友搶他玩具,或是其他..)當初,我們收到投訴,已經在家教育他了,方法為(頭二次打人,口頭警告. 第三次,罰他坐凳,并沒收玩具,時間為2分鐘). 每次罰完,問他:"可唔可以打人阿,小朋友會痛阿",他都說"唔可以". 罰完之後,是有收斂.但是過一,两天又打了.
,而且多數是在幼稚園里.  
             作為他人家長,我也明白,被人打當然唔開心.但是,我們在家已經教育了. 為什麼,打人的情況多在幼稚園出現呢?我先生曾經
向校長指出,當值的老師總是抱她喜歡的一個小朋友,其他根本不理會.那對我們和其他的BB很不公平.而且,如果小朋友發生衝撞,那個老師也搞唔清什麼原因.結果,次次同被打的家長講:是我們BB打人的.很堊的!  她這樣不知原因並且不分輕重,將我BB標籤.以後怎麼同其他小朋友玩?
     今朝,有個家長一見到我就說:"你BB好堊,用玩具打我的B阿!他的性格很差,很堊阿.總整傷個臉".我一聽,即刻說"唔意思,我BB如何打你BB?",她說用"玩具".我想請問"幼稚園的玩具唔是完全的嗎?"我又說"如果真是我B打人,Sorry. 我都有教他阿"!
     我想請問,是不是學校老師也要檢討一下?為什麼總是在幼稚源才打人?是老師唔夠關注他?忽略他?
     我奶奶也是老師,她對校長說:教育下一代,不是容易的事.我們
家校儘量配合.為什麼老師的地位受尊重,就是你們能用有效的方法
教育他們,而不是到處"唱"小朋友?唔通,個個小朋友天生就"乖"碼?
    我BB是大仔,是班上最大的.其他都是2歲左右的.唔通,大點就不需要"關注"了嗎?
     真煩惱阿!

Jennifer:cry:
   0    0    0    0

返回頂部

moonychan

Rank: 5Rank: 5


4448
2#
發表於 07-11-20 11:27 |只看該作者
我仔仔都有呢 "鋪" 癮, 我都好頭痛, 佢專打 d 細過佢既小孩, 唔理係乜情況, 通常佢係 "打左你先算" 我好怕帶佢去公園. 另外, 我個仔於學校都有推人 & 打人 (搶野玩), 佢好鬼牛精, 老師都有投訴, 我既態度係, 我會不停同仔仔講 (好似洗腦咁) 有小小幫助, 但我唔會太在意, 因為老師係受過幼兒教育的, 佢應該識處理, 同埋, 佢投訴都冇用, 我地做家長既, 都係得個知字.

我等緊仔仔再大 d , 佢懂事 d, 就會慢慢唔打人. 如果去到公眾場所, 我就會金精火眼, 一見佢有動靜, 就會攬住佢先 or 抱走佢.

返回頂部

IWAT

Rank: 3Rank: 3


245
3#
發表於 07-11-20 11:46 |只看該作者
我個囡被其他bb咬手仔 (已經係第二次)...  學校話會只可以盡量分開佢同果個bb...

返回頂部

benben

Rank: 5Rank: 5


1715
4#
發表於 07-11-20 12:03 |只看該作者
我都好煩 . . .亞仔 in the opposite, 被人打, 又咬佢隻耳仔 tim!!

我都好想教會亞仔如果保護自己, 唔好成日比人 hop!!

返回頂部

gegemok

Rank: 5Rank: 5


1156
5#
發表於 07-11-20 12:17 |只看該作者
我阿仔都係...比人hop ....又咬又打.....

原文章由 benben 於 07-11-20 12:03 硐表
我都好煩 . . .亞仔 in the opposite, 被人打, 又咬佢隻耳仔 tim!!

我都好想教會亞仔如果保護自己, 唔好成日比人 hop!!

返回頂部

moonychan

Rank: 5Rank: 5


4448
6#
發表於 07-11-20 12:47 |只看該作者
有次個仔都比個女同學咬, 咬得都幾深, 要晚上才退到紅印, 但係我個仔衰先.

返回頂部

stliu

Rank: 5Rank: 5


4446
7#
發表於 07-11-20 13:11 |只看該作者
其實我覺得小朋友在學校打人或被人打, 真係好睇老師當時點處理. 因為家長通常都唔在場, 只係得小朋友同老師在場, 小朋友出於保護自己(或自己的擁有物,雖然未必真係佢的),都可能做出一D行為出來. 好似我仔咁, 有時響屋企玩, 佢想攞個玩具,係我手度, 佢自己會自己講話唔搶既. 唔搶. 咁我就諗係咪響學校老師都教小朋友唔搶玩具呢? : 老師如果處理得好, 就會教倒小朋友好行為囉.

[ 本文章最後由 stliu 於 07-11-20 13:12 編輯 ]
家觀晉卓

返回頂部

julietta

Rank: 3Rank: 3


286
8#
發表於 07-11-20 13:32 |只看該作者
原文章由 stliu 於 07-11-20 13:11 硐表
其實我覺得小朋友在學校打人或被人打, 真係好睇老師當時點處理. 因為家長通常都唔在場, 只係得小朋友同老師在場, 小朋友出於保護自己(或自己的擁有物,雖然未必真係佢的),都可能做出一D行為出來. 好似我仔咁, 有時響 ...


我自己小朋友就無此經驗, 但係我聽過以前幼稚園校長講過, 小朋友嘅行為係模仿大人, 有時大人亦無意做咗一d 行為, 小朋友學了。例如, 小朋友咬人, 可能愛錫嘅表現, 因為家長一肉緊時, 就會咬小朋友, 小朋友頑皮, 大人會輕輕地打一下以示警告, 小朋友就有樣學樣, 套用喺其他小朋友身上。校長叫我哋唔好咁介意, 小朋友必須經過時間才會長大。

返回頂部

Geni

Rank: 5Rank: 5

醒目開學勳章


4008
9#
發表於 07-11-20 14:18 |只看該作者
我就兩個情況都有出現 -- 個大仔俾人打/咬, 個細仔就打人....

我個大仔番學頭一兩個月每隔幾日就俾小朋友打/咬, 老師每次都會打電話俾我交代一下, 過o左一兩個月就冇再發生o勒! 我當時其實又冇乜唔開心, 呢d係必經o既階段, 而且知道有老師睇住都好放心.

依家到個細仔打人, 老師又係打過幾次電話俾我講佢o既情況, 面對面都傾過一次, 佢有同我分析點解有咁o既情況出現, 佢亦都有同我講佢o係學校點做同我地o係屋企可以點做. 我又唔係好擔, 不過又真係覺得好對俾佢打/蝦o既小朋友唔好意思....

其實好多時都係因為小朋友唔識點同人相處, 唔識點同人分享. o係屋企根本唔駛掙就有想要o既o野, 但一番到學校, 有咁多小朋友o係埋一齊, 另有用"最直接o既方法"去解決問題!! 只要俾多少少時間佢地就冇事o家o勒!放心啦 :p

返回頂部

wyzhao

Rank: 4


851
10#
發表於 07-11-20 14:32 |只看該作者
原文章由 julietta 於 07-11-20 13:32 硐表


我自己小朋友就無此經驗, 但係我聽過以前幼稚園校長講過, 小朋友嘅行為係模仿大人, 有時大人亦無意做咗一d 行為, 小朋友學了。例如, 小朋友咬人, 可能愛錫嘅表現, 因為家長一肉緊時, 就會咬小朋友, 小朋友頑皮, 大 ...




但是在屋企就唔會打人,一到幼稚園就開始了.那個老師也是剛畢業的,唔知是否應驗唔夠.

返回頂部

disappear

Rank: 2


56
11#
發表於 07-11-20 14:49 |只看該作者
我小朋友又係大仔, 試過大人亦試過俾人咬, 同埋我留意到阿仔欺小怕大, 先講阿仔俾人咬, 做父母既故之然心痛, 但係見只係一個牙印, 無流血都算啦, 我覺得推推撞撞係必經階段.

至於阿仔大人, 我同老公都好失望㗎, 會問點解阿仔咁既, 又對被打既小朋友感到抱歉, 之後我諗會唔會係阿仔當有人搶佢d玩具/佢想玩人地玩緊既玩具, 佢唔識表達, 所以才出手呢, 之後我教佢, 下次遇到呢d情況, 可以講”等一等””一齊玩”

依家情況好似好咗, 無聽到阿仔俾人打/阿仔打人

返回頂部

gegemok

Rank: 5Rank: 5


1156
12#
發表於 07-11-20 15:03 |只看該作者
自從阿仔在學校比人打過,咬過之後,最近發現佢好鍾意在家打我地....打我,打爸爸,打工人.......唔知佢係咪發洩..... so far 無聽到老師講佢有在學校打人........

每次佢打我地,我地會表現傷心,難過,希望佢唔會再做...不過情況仍未有改善.....

阿仔在家打我地,應該點處理好呢?

原文章由 disappear 於 07-11-20 14:49 硐表
我小朋友又係大仔, 試過大人亦試過俾人咬, 同埋我留意到阿仔欺小怕大, 先講阿仔俾人咬, 做父母既故之然心痛, 但係見只係一個牙印, 無流血都算啦, 我覺得推推撞撞係必經階段.

至於阿仔大人, 我同老公都好失望㗎, 會 ...

返回頂部

cpcog

Rank: 6Rank: 6


5350
13#
發表於 07-11-21 10:49 |只看該作者
I am worried that my girl will hurt the other once she goes to the kindergarten too. I don't know how I can educate her to be more polite and patience.

返回頂部

hoklam-mama

Rank: 2


51
14#
發表於 07-11-21 12:07 |只看該作者
原文章由 gegemok 於 07-11-20 15:03 硐表
自從阿仔在學校比人打過,咬過之後,最近發現佢好鍾意在家打我地....打我,打爸爸,打工人.......唔知佢係咪發洩..... so far 無聽到老師講佢有在學校打人........

每次佢打我地,我地會表現傷心,難過,希望佢唔會再做... ...


阿仔在家都會打人㗎, 有兩個星期仲特別犀利添，鬧／打／罰企都試過，無效．

直至有一次佢又發脾氣，打了我一巴，我當時係抱住佢既，我望實佢對眼，同佢講手係要嚟同人握手做朋友，攞餅餅食，玩玩具既，唔係打人，雖然你打媽媽，但係媽媽無打你，係咪？因為手唔係咁用，媽咪亦好愛ｂｂ．試多幾次佢呢個行為亦減少咗好多好多，連婆婆都察覺．

每個ｂｂ教法都要因應佢地性格調校，我個件受軟（愛聽道理）唔受硬．

返回頂部

chubby2688

Rank: 4


766
15#
發表於 07-11-21 14:40 |只看該作者
我仔兩歲班時, 都試過打同學仔數次, 當時我覺得佢仲細, 咪口頭警告吓同罰佢坐凳.

今年九月正式讀K1, 返咗學三星期, 班主任打比我講咗最少十五分鐘, 佢好唔想收線, 講到我個仔點曳點曳...當然又係打同學, 用書包同同學仔對打, 落樓梯又跳, 上堂完全唔聽先生講嘢, 自己鐘意點就點.

收線後, 做亞媽嘅一定唔開心, 人生仔我生仔, 點解我個仔得3歲就比人投訴, 再唔教, 13歲會點???

於是我就將佢嘅至愛 "玩具" 收起, 一件不留.  結果, 當佢返到屋企, 唔見哂佢d至愛, 即刻發癲豪哭, 跟住我同佢講d玩具去咗乖嘅小朋友屋企, d玩具話唔鐘意同曳嘅, 打人嘅, 唔聽先生話嘅小朋友玩, 佢仲反問我: d玩具有腳自己行?  我答係, 如果你乖d, 佢就會返哩同你玩.

結果, 佢一天比一天乖, 班主任一星期後打比我, 話佢明顯改善, 叫我每日還給他小小玩具作獎勵.

到現在, 都無接到投訴, Let's try.

返回頂部

wyzhao

Rank: 4


851
16#
發表於 07-11-21 17:25 |只看該作者
原文章由 chubby2688 於 07-11-21 14:40 硐表
我仔兩歲班時, 都試過打同學仔數次, 當時我覺得佢仲細, 咪口頭警告吓同罰佢坐凳.

今年九月正式讀K1, 返咗學三星期, 班主任打比我講咗最少十五分鐘, 佢好唔想收線, 講到我個仔點曳點曳...當然又係打同學, 用書包同同 ...



chubby2688 :

                等我來試一試...亞仔宜家2歲9個月,唔知受唔受這個方法?

Thanks!

Jennifer

返回頂部

小黑咪

Rank: 5Rank: 5


1231
17#
發表於 07-11-21 17:44 |只看該作者
moonychan,

我個仔同你個仔好似呀, 佢又係專蝦D細過佢同差唔多大既小朋友, 有時佢係公園會突然間好快走埋去攬個小朋友, 由於佢比較高大同肥, 通常其他小朋友都會比佢攬跌架, 我都好怕同佢去公園玩, 我而家又大住個肚, 好難先可以handle到佢. 有一次幼稚園面試, 幾個小朋友一齊坐係度玩, 佢無啦啦走去扯人頭髮, 仲死都唔放手, 搞到我都不知幾尷尬, 好彩對方既媽咪好教養冇咩點黑面咋, 唉....

有時我覺得佢係想同人地一齊玩, 但又唔識用個口黎表達, 所以做出一d惹人注意既事. 雖然我成日都同佢講如果想同小朋友玩, 同佢握手就得喇, 但係佢都prefer攬人多d. 真係冇佢辦法


原文章由 moonychan 於 07-11-20 11:27 硐表
我仔仔都有呢 "鋪" 癮, 我都好頭痛, 佢專打 d 細過佢既小孩, 唔理係乜情況, 通常佢係 "打左你先算" 我好怕帶佢去公園. 另外, 我個仔於學校都有推人 & 打人 (搶野玩), 佢好鬼牛精, 老師都有投訴, 我既態度係, 我會不 ...

返回頂部

hoklam-mama

Rank: 2


51
18#
發表於 07-11-21 17:53 |只看該作者
原文章由 小黑咪 於 07-11-21 17:44 硐表
moonychan,

我個仔同你個仔好似呀, 佢又係專蝦D細過佢同差唔多大既小朋友, 有時佢係公園會突然間好快走埋去攬個小朋友, 由於佢比較高大同肥, 通常其他小朋友都會比佢攬跌架, 我都好怕同佢去公園玩, 我而家又大住個 ...


我小朋友同你仔仔差唔多大喎, 我阿b2歲8個月, 慢慢教啦, 我阿b都時常攪d新既頑皮野俾我地嘆㗎!!

返回頂部

juliancy

Rank: 1


22
19#
發表於 07-11-22 10:39 |只看該作者
原文章由 wyzhao 於 07-11-20 11:17 硐表
各位媽咪:
            我BB現在2歲9個月大,要出年才讀正式K1.宜家讀學前班,3小時. 才讀了2個月,發現他打人.(其實,他不是主動打人,如果其他小朋友搶他玩具,或是其他..)當初,我們收到投訴,已經在家教育他了,方法為(頭 ...


單睇你第一段既所謂"教"既方法，就知無效啦！佢答你條問題都只係想免罰嗟！

細路行為有問題既父母，第一樣先要面對現實，尋求專業協助。

行為有問題既細路，ie. 有暴力傾向果d，對其他小朋友係一種 constant risk，打下手腳可能無咩大問題，但係如果整親對眼，你話點？一世架喎。點叫其他小朋友既家長唔擔心，唔緊張。

自己小朋友有咩事，做錯咩，家長先要承擔，先問自己。。。大既學識推諉，細既就會跟住學，個個學姓賴，難怪d問題青年最叻賴父母賴學校賴社會。。。。

當家長話細路好曳，一拖一帶去公園都唔敢，點expect幼稚園老師可以handle得咁多，讀幼兒心理學等於學一眼關七做到七手八腳？！wrong expectations！

知道自己小朋友有問題，唔面對，唔積極尋求專業協助，對其他小朋友構成一個constant risk，係不負責任+缺乏公德既表現！

返回頂部

juliancy

Rank: 1


22
20#
發表於 07-11-22 10:41 |只看該作者
原文章由 car132 於 07-11-21 21:24 硐表
我個仔２歲10個月,係學校打人都俾先生投訴,係公園玩,佢撩人哋人唔睬佢,佢就出手打人,搞到我整日say sorry.尼排我講左一個故事俾佢聽,話有隻熊仔整日欺負其它動物,搞到冇左朋友,爹哋媽咪都唔中意佢......幾有效,仔仔似 ...


exactly! 呢d就係"教"哪！

返回頂部

‹ 上一主題|下一主題 ›
12下一頁
返回列表
發新帖