- 在線時間
- 672 小時
- 最後登錄
- 24-2-16
- 國民生產力
- 280
- 附加生產力
- 1428
- 貢獻生產力
- 0
- 註冊時間
- 04-7-1
- 閱讀權限
- 10
- 帖子
- 2020
- 主題
- 32
- 精華
- 0
- 積分
- 3728
- UID
- 25787
|
各位家長,
今日面試老公本來來不到的,但後來他"蛇"出來兩小時一起面試之後再返工。今日面試雖然多人(仲見到很多仔仔同班同學)但流程很流暢,仔仔去到很快就去面試,有些小朋友可能未warm-up,仍然在哭。
二十分鐘後到我們面試,面試我們的竟然是校長一人,嚇了我一跳,好在老公係度,校長不是在面試場觀看,竟然親身落場。盧校長很nice,自我介紹後就單刀直入問1.小朋友回家申訴讀小一被人欺負我們會怎樣處理。2.若我們是老師又會怎樣做。3.為何選擇播道。校長很有耐性去聽我們的說話及交換意見, 仲話播道讀完小一的學生已識一千五百個中文個字,學校一直在修改課程的。面試完大家仲握手說再見。我都幾滿意。
到我接回仔仔後,他表演得很開心,我問佢問了什麼問題懂得回答嗎,他說識答,有廣東話,英文,普通話的問題,又有lego玩。跟住今晚在家我再詳細問他,他答到我很多(希望是真的),仲用7-11的叮噹扮老師同小朋友重溫返面試情況我知:
1. 一間房有6個小朋友,有3個老師
2. 一個老師同3個小朋友玩lego,叫他們砌個人出來,之後再自由發揮,這個老師又講普通話又講英文的,砌lego開正我仔仔的長處,佢今晚砌返個人比我睇,自由發揮他就砌了架飛機。
3. 另外有兩個老師分別單獨見一個小朋友,我仔仔話兩個老師是講英文的,一個係外國人, 一個係中國人。見仔仔的係中國人老師問英文,但仔仔話有問題不識答,他不記得間尺同車梨子的英文,咁我問佢點答,他對老師說:"I remember I taught but I forgot",老師就笑了。,仲有問名字,幾多歲及住在那裡,(英文同普通話都有問,不知真定假呢,他講到真的一樣)。
4. 咁我話3個小朋友玩lego,兩個小朋友分別傾計,咁仲有一個小朋友做什麼,他說在旁休息等面試。跟住就是輪流玩lego,傾計及休息。
無論仔仔講的有幾多是真或假我都很滿意他的表現了,他很喜歡播道的環境,仲話因為有小食部 。
無論結果如何,我都給仔仔滿分了。希望其他家長都可以入讀啦!
iwff |
|