- 在線時間
- 2 小時
- 最後登錄
- 07-7-26
- 國民生產力
- 0
- 附加生產力
- 0
- 貢獻生產力
- 0
- 註冊時間
- 05-10-4
- 閱讀權限
- 10
- 帖子
- 27
- 主題
- 2
- 精華
- 0
- 積分
- 27
- UID
- 59503
|
英文教材
你講的讀卡機係邊套教材的讀卡機先﹖因為而家好多教材都有讀卡機。
我都為仔仔留意好多教 材, 最後都係揀左Disney World of English 。我的考慮點係....
- 仔仔仲細, 我想比佢聽最好的發音, 唔想佢學壞音、要改就辛苦喇。我比較過其它大品牌及市面散件教材,DWE的發音、聲線、圖畫與字句的配合係做得最好的,我仔仔好容易就明白,仲會係不同的場合講番出黎。
- 我本人唔鐘意機器聲...好似電子辭典的聲, 好刺耳。但DWE的讀卡機係MP3的質數, 就好似真人同你講嘢咁樣。
- 圖畫吸引簡潔。仔仔一看就知本書表達緊乜嘢內容。配合CD一齊, 好容易知道讀到邊、幾時掀頁。有時仔仔一看就是大半小時...我諗係家長都鍾意自己的小朋友咁安靜自己睇書架, 係咪﹖
- 內容夠日常生活化, 仔仔好容易吸收品德的內容。一個2、3歲的小朋友點可能從抽象的寓言故事明白做人應有的品德呢﹖
- 設計夠全面, 除左學英文, 數學、品德、自理、禮儀、人際關係、大自然......仲有拼音。我有D朋友買各式的書......但小朋友唔多睇、睇都係睇公仔,又或者一定要媽咪講故事先肯睇...各位媽咪又番工又家務又湊仔、仲做埋說書人....一個字....攰﹗
- 仲未講晒.....
Apple Tree我都有...但係係我自己睇多, 我想學日文, 但係冇時間出去學, 坊間的日文自學書主要係電腦+書, 但我連開電腦的時間都...1星期有時都開唔到一次....所以先買apple tree黎試下。但支筆都幾機器聲、幾刺耳, 有時聽得唔係幾清楚, cd同支筆的發音又有d唔同。再講, d品德教育書, 我竟然係深圳的書城見到、一模一樣, 當然係冇cd啦, 不過都.....。我仔仔有時見我睇apple tree佢都會話睇, 我多數會比佢邊聽cd邊睇, 因為支筆只可入一本書, 成日要換data都幾煩;又係機器聲、刺耳又唔清晰;睇到亂晒頁數, 因掀頁冇提示;而仔仔能夠聽cd而又明白內容, 我覺得都係DWE幫佢打穏左機礎。
以上都係睇到仔仔的反應而寫。一句啦, DWE係唔平, 但真係專家設計比幼兒的學習教材, 而且成效有保証。我雖然買左佢、個戶口就快乾塘, 但係諗到, 仔仔而家打穏基礎又鍾意睇書, 我同佢又可以好開心咁一齊玩DWE, 培養到的親子關係真係有錢都買唔到呀﹗總好過時下的細路, 唔鍾意睇書、只愛打機, 要補習時, 家長又要比$$$、又破壞同子女的關係, 呢個係我最唔想囉﹗
希望上述意見對你有用啦﹗ |
|