請大家評理

little_yolky

happy_lavender 發表於 14-11-17 14:56
以我意見，問題有三：

1. 學校掉以輕心，可能張通告係廿年前的作品。(責任：學校)

我既想法則是：

1. 你第一點正確
2. 學校通告無問題既情況下, 家長唔會無情情同學校溝通, 溝通啲乜啫, 通告都話有餐廳同小食亭囉, 唔通你以為通告會同家長講, 拿, 公園有餐廳同小食亭架, 不過唔准你去買喎, 咁講嚟做乜啫。所以第二點根本唔存在溝通問題。
3. 如果家長預計小朋友會買食物, 就唔會帶好多後備食物, 最多帶零食、水。樓主小朋友都有蛋卷食下。你估你哋少年軍去露營咩, 大半日帶咁多嘢去。如果有去開大埔海濱公園, 就會知道餐廳會休息, 但小食亭阿伯年終無休, 係難食啲, 但一定有嘢食。所以忙碌 / 唔鍾意整嘢食既阿媽就會俾啲錢小朋友買算數了。


所以, 這件事重點並非小朋友捱唔捱餓, 係學校既家校合作同老師對同學既關心唔太足夠。老實講, 校長都唔覺得有問題, 請問家長除咗good一聲吞咗佢, 仲有咩可以做? 就算他日唔駛開會見, 我哋家長都要被迫留一線了。

little_yolky

torunpoland 發表於 14-11-17 15:12
我意思不是樓主大興問罪次之師。可能寫得太簡單。對不起，令你誤會。我意思是，不用大大小小的事都要找「對 ...

我想大家最想的係見到學校有改進。樓主想搵大家評理, 當然係因為感覺唔到學校有改善既態度, 因為：



1. 樓主同班主任反映, 班主任反而話：食物唔係自備咩? 根本連自己派咩通告都唔知。


2. 樓主同校長反映, 校長就將責任推給小朋友, 完全沒有表示對日後活動改善的態度。


就是因為校方同各家長都認為這是小事, 根本沒有想到要改善, 所以樓主才這麼生氣吧。

little_yolky

回覆 AMAIL 的帖子

喂, 樓主, 唔好得我一個人講啦, 你自己都表下態, 講下嘢啦。

little_yolky

eviepa 發表於 14-11-14 17:43
是學校疏忽好，是學校做得對好，整件事根本是小事一樁，完全不值得一個家長去討回甚麼公道。

一間學校每日 ...

睇你咁多帖, 學咗咁多嘢, 係呢個回答我唔同意你。


學校每日做好多事大家都知, 但係有疏忽就要承認, 要改。樓主响 #1亦表示當初只係想向學校反映, 希望日後注意, 唔係要「大興問罪之師」, 只係, 覺得學校亦認為雞毛蒜皮, 甚至唔認為學校有疏忽, 責任在學生, 樓主覺得學校唔啱, 至開帖討論而已。教學質素唔係包含品德培育嗎? 有錯要認唔係就係學校要求學生既態度嗎? 但學校師長自己卻唔認。錯無論事無大小, 有錯就要認, 這是身教！


我覺得反映唔等同投訴。家長對學校建議、反映, 唔可以下下視為等同投訴吧。下次家長日, 我就要同學校「反映」唔好要小朋友背所謂的作文model answer了, 這又等同投訴嗎?

happy_lavender

原帖由 little_yolky 於 14-11-17 發表
我既想法則是：

1. 你第一點正確

2. 溝通從來是雙方的，單方面的叫自言自語，這不是我的個人意見。唔明唔知就要問清楚，靠估唔會無辛苦，只會引致誤會。

3. 這不是露營要求，亦不是我們團隊的獨有程序，這只是危機管理計劃。什麼事情也會有意料之外…………就像小時阿媽發現轉涼就叫你著多件衫，唔想冷病。唔做的話，無事就無事，有事自己揹番就OK架嘞。No big deal。

lily1113

原帖由 AMAIL 於 14-11-14 發表
我囡通告就係有寫可自備、園內餐廳買。所以我都認同你所講既。我囡同學仔都有SHARE野食既，而我都有比定個 ...

其實嗰度所謂嘅餐廳，只係賣小食，無飯餐食㗎！

happy_lavender

原帖由 little_yolky 於 14-11-17 發表
回覆 AMAIL 的帖子

喂, 樓主, 唔好得我一個人講啦, 你自己都表下態, 講下嘢啦。

你終於發現變成你一個打10個嘞……無啦啦上咗陣打仗添。

torunpoland

唔好話「打仗」啦！大家都是陳述自己觀點，合聽的進耳，不合聽的當耳邊風之前也想想有否可取之處，那就算吧！

happy_lavender

原帖由 torunpoland 於 14-11-17 發表
唔好話「打仗」啦！大家都是陳述自己觀點，合聽的進耳，不合聽的當耳邊風之前也想想有否可取之處，那就算吧 ...

打仗只是比喻，或者咁講，明明坐喺看台睇波，搞搞吓自己落咗場，打埋前鋒。

講到尾大家都要改進。

其實如果樓主轉述無遺漏，學校通告有問題就是肯定，當然最好show埋張通告，始終轉述有可能有偏差或不自覺地加入了個人意見。問題源於下面呢句：

午餐：自備/園內有餐廳＆小食亭

我看見字面已彈出幾條問題(因為工作關係，我已慣於只看字面，不作任何估計，因經驗告訴我要估就會出誤會，要直接問)：

有乜賣架？
有餐廳/小食亭，但畀唔畀買先？
就算畀買，有乜限制？
有無流程，有多少時間食？這決定我整/帶乜嘢食物。如果好多人買，會否因不夠時間買而致小朋友無得食呢？
可否用八達通？始終小朋友不宜帶太多錢。


你能成功改變別人的機會很低，如明白這點，精力就應該放於改進自己的思維，盡量發問以降低因誤會而導致自己損失的機會。不覺得有問題不等同無問題，只是未意識到問題所在。奈何事實就是出了問題，不尤你不去想法子改進，這要踏出一步。人家不踏出此步你無法迫，惟有自己先踏出此步吧！溝通就是這樣。EK金句都講，機會只留給有準備的人。

eviepa

little_yolky 發表於 14-11-17 17:57
睇你咁多帖, 學咗咁多嘢, 係呢個回答我唔同意你。

little_yolky

不用這麼客氣，意見不同很正常。

首先，要明白現在香港學校一般面臨甚麼的問題。現在香港教員很多都變成驚弓之鳥，因為投訴太多了，多到他們很多時都畏首畏尾，很多事都不敢做，而且每天都花很多時間去和家長週旋。這些大家都知道的。

很多家長有很多意見，如果每人都踴躍發表意見的話，縱然有些會是不錯的意見，但老師怎吃得消。

學校每個星期都舉辦不同活動，如果每個活動都要準備得很充足，都想得很周詳，那麼，必然會犧牲備課時間，是否學生之福呢？

看看樓主這個個案，學校當然做得有問題，但只是小事一樁，孩子並沒有甚麼損失。

學校出的通告是怎樣，我沒看過，是否就是：

午餐:自備/園內有小食亭&餐廳

還是「午餐:自備」另外指明公園內有小食亭&餐廳？

老師和校長都認為「午餐:自備」。孩子應該自己帶午餐。

不過無論如何，都是小事。況且，孩子自己都有責任，因為老師不許到小食亭，孩子應表明沒有帶午餐。如果肯表明，那麼老師不可能不許孩子到小食亭買東西吃。這亦是一個好好學習機會：有強烈理由就可以要求特別處理。

學校不可能事事認錯，如果連芝麻綠豆的事都認錯，那麼學校、老師怎樣有威信管教學生？

另外，樓主的行動，亦不是單給校方建議那麼簡單，而是要求道歉。老師不肯道歉就向校長要求道歉。這顯然是個投訴，個案已經到了校長的層面，我相信校方已經用了不少時間和心血去研究這個芝麻綠豆的個案。

算了吧，退一步海闊天空。不如接受學校不能盡善盡美，接受無論家長怎樣善意建議，搞大型活動都會有不足之處。不要將自己的利益放得太大，不要忽視人家的難處。讓老師的時間留在教學上吧。

Yanamami

eviepa 發表於 14-11-18 13:37
little_yolky

不用這麼客氣，意見不同很正常。

就會應#90，我很同意。

學校喺有安排失當既地方。大埔海濱公園喺一個相當大既地方，一班3X人，一個老師真喺幾年睇實，一兩個向東走，兩三個向南走，又三四個向西走，難做呢~~所以校方應索性規定自備午餐就最易辦。學你話齋，事情已經發生左，小朋友餓一餐唔喺太大問題。最多向學校反影下，下次做得好d，希望有改善啦~

hadwinboy

原帖由 AMAIL 於 14-11-14 發表
我囡通告就係有寫可自備、園內餐廳買。所以我都認同你所講既。我囡同學仔都有SHARE野食既，而我都有比定個 ...

老師冇話比去，同問了唔比去，是兩回事。冇話比去，唔出奇，小三了，老師未必會事事提點住：大家可以去厠所了，大家可以去歺廳買嘢食了... 如果是問了唔比去，那麼同學有冇即時講清楚比老師知冇預備食物，因為爸媽預了在歺廳買。如果同學講左都唔比去買，要同學捱餓，我覚得是虐兒。如果冇講清楚就好難怪了，有時一個話去，個個都會跟風去，明明有帶lunch 的都想去，老師基於安全理由米叫唔好去囉，點鬼知你冇帶lunch.

galaxytab

樓主發帖叫大家評理，就要預咗道理和歪理都會飛埋嚟，總會有些參考價值吧！我個人認為學校嘅強項始終係辦教育，其他行政上嘅嘢做得一定較差，如表達了意見便問心無愧，改就最好，唔聽可能係正常（因為十個家長可能有十樣建議），不過知道自己學校嘅態度都好，起碼下次會每事再細心d。By the way,呢類事肯定陸續有嚟。係我心目中，老師都係小朋友嚟㗎咋

little_yolky

hadwinboy 發表於 14-11-19 00:08
老師冇話比去，同問了唔比去，是兩回事。冇話比去，唔出奇，小三了，老師未必會事事提點住：大家可以去厠所 ...

我囡囡今年小二, 我將情況同佢講, 問佢會點做, 佢話會同老師講：老師, 媽咪同我準備咗錢, 但無準備食物, 佢想我去餐廳買, 請問可唔可以呀? 以上, 就係大家所謂既model answer了。


因為我囡囡從幼稚園到依家小學, 學校都係開放型, 老師們都會俾小朋友表達意見, 亦好有愛心, 所以小朋友唔會怕主動表達。可恨我知道大部份學校, 因為方便管理原因, 或種種理由, 根本無俾小朋友發言既機會, 或太惡, 小朋友根本唔敢講。老師旅行時唔知道小朋友無帶lunch, 就表示老師根本無注意小朋友, 無周圍同小朋友聊天, 唔係一兩個無帶喎。最終都係老師愛心唔夠。不過, 我們都只係要求老師提升小朋友學術啫, 無要求老師要關心小朋友的。

kenwong888

little_yolky 發表於 14-11-19 09:24
我囡囡今年小二, 我將情況同佢講, 問佢會點做, 佢話會同老師講：老師, 媽咪同我準備咗錢, 但無準備食物, 佢 ...

Exactly true!

longlokma

原帖由 little_yolky 於 14-11-19 發表
我囡囡今年小二, 我將情況同佢講, 問佢會點做, 佢話會同老師講：老師, 媽咪同我準備咗錢, 但無準備食物, 佢 ...

老實講，通常老師帶学生去到旅行目的地後都係老師们聚在一堆，好少会主動「关心」学生。

我唔会怪老師当时冇发現有同學仔冇午餐食，但一定会同意是校長老師之間溝通欠佳以致通告誤導家長。有網友指責学生及家長要事先问清楚，但何解不是学校应事前講解清楚？莫非由学生家長每人问一次会家校更合作？更有效率？

little_yolky

longlokma 發表於 14-11-19 10:32
老實講，通常老師帶学生去到旅行目的地後都係老師们聚在一堆，好少会主動「关心」学生。

我唔会怪老師当时 ...

.............我細個時老師惡到死, 但學校旅行, 老師們都有同我哋一齊聊天的, 無自己圍埋一堆...............我囡囡學校老師都係咁樣.........我仲以為咁樣先係正常添.....................

longlokma

原帖由 little_yolky 於 14-11-19 發表
.............我細個時老師惡到死, 但學校旅行, 老師們都有同我哋一齊聊天的, 無自己圍埋一堆............. ...

死嘞，我同你是但一个来自星星添不过冇所謂，我自己小時候同孩子現在都寕願老師坐埋一边，咁样可以周圍走自由d

happy_lavender

longlokma 發表於 14-11-19 10:32
老實講，通常老師帶学生去到旅行目的地後都係老師们聚在一堆，好少会主動「关心」学生。

我唔会怪老師当时 ...

答案在此：

你能成功改變別人的機會很低，如明白這點，精力就應該放於改進自己的思維，盡量發問以降低因誤會而導致自己損失的機會。不覺得有問題不等同無問題，只是未意識到問題所在。奈何事實就是出了問題，不尤你不去想法子改進，這要踏出一步。人家不踏出此步你無法迫，惟有自己先踏出此步吧！溝通就是這樣。

被動地溝通的結果便是自己損失。最無奈的是，若然學校唔肯講解，家長又唔肯主動問或認為問都無用，最後邊個捱餓先？我就唔會為啖氣而拒絕首先踏出一步去問多兩句，而令小朋友損失。

每人一問不會令家校更合作，但在提出意見的策略上，你一個人投訴始終不及大家一起提出相同問題。如你能令所有家長均友善地提出相同問題，這便變成民心所向，幾硬的學校管理層也不得不作出回應。單打獨鬥好難達到目的，群起相對難輸好多。就算學校小氣，都唔可能針對一大班小朋友吧。

P.S. 一早已提出證據不足，難以判斷。無通告睇，無流程睇亦唔知學校有無講解，我們如基於個人猜測討論就變成不理性。只能照字面分析，我的看法始終是大家均有責任，誰也怪不了誰。

我如對通告內容有疑問，必定寫手冊問老師，佢唔答就幾日後再寫或叫老婆直接問。

little_yolky

longlokma 發表於 14-11-19 11:10
死嘞，我同你是但一个来自星星添不过冇所謂，我自己小時候同孩子現在都寕願老師坐埋一边， ...

吓.........我細個時同學仔都好開心老師終於有一日唔惡, 會分享自己準備既食物俾老師, 所以, 老師們基本上唔需要帶嘢食, 現代既阿囡都係咁樣...............真係來自星星的你................