幼師天地~~

koie

cutie teacher, 係呀我間學校唔係傳統，而係勁傳統!!!而且係名校......淨係識成日操佢地做功課....

heib,的確係有d學校少野做好多既....睇下大家落幾多力啦...有d學校好進取既未多d野做囉...我以前做過一間學校又係甘架...好多人做半日...番工時間唔長....不過就好進取所以好多野做呀...不過最終都執左....我唔知你仔仔女女讀既係咩校喇...一係就比較舊式個d學校一係就係d名校...佢地唔識做d咩都收到生...所以做既野唔駛甘多囉!同埋另一個好d 既唸法就係個校長管理得好好，所以主任同老師未做得好d快d囉!

almaz, 我23佢24囉..我覺得直至28歲我玩夠架喇!唔想太遲呀...佢都係驚handle唔到...唉~~係咪搵多d錢就得呢?點先搵得多呢?唸到頭爆呀...

肥寶寶

koie 寫道:
呀係啦..肥寶寶依家讀浸大係咪好貴下呀?大概幾多?

仲有甘多位有冇聽過嶺南大學既CHILDCARE副學士呀?新開左幾年...不過就係唔知認唔認可呀!可唔可以講我知下呢?

好似要修60個學分，每學分$840。每科的學分都不一樣。
有聽過嶺南的副學士，之前有一科的導師有提及過，讀完好似係唔可以報讀其他大學的學士學位課程的。因為個導師說曾有嶺南的學生報讀浸會的學士學位課程，最後好似係要呢d學生重讀ce課程先可以報學士課程。

肥寶寶

係唔係差唔多個個未結婚的校長都會係咁？ 因為我之前果個校長都係咁架！！可能佢未結婚，所以冇家庭負擔卦？佢成日都留係學校，但我地係妹妹仔黎架嘛 緊係會成日出去玩，或約男朋友或朋友去玩下。佢冇節目唔代表人地冇！！有時屋企有事，又唔係好想你去幫手，說屋企唔止你一個，可以俾其他人去辦。佢都咁講，你仲好唔好意思去請假？

koie

今日去左interview一份partime如果25蚊一個鐘....每日由夜晚6-10...係咪好辛苦??我就覺得係....定係我懶呢??唉不過依家份half day真係好唔夠錢駛呀....成日ot...好tire
你地認為有咩freelance 可以岩我地呢d half day 老師呢?

法子

koie,
你都好勁,仲想做多份....
我真係唔駛想,因為日頭依份已經做到好累,有時仲要留堂..番到屋企仲要湊囡,
有時想出街玩下,但最後都係留係屋企訓覺!
    

puddingsharon

各位幼師~ 我想問你地如果有事請假, 校長有無試過黑面呢!?!? 我以前果間有個同事, 因為果日要註冊結婚, 其實人地大半年前已經定左日子, 點知校長就係果個學年先講果日係家長日, 人地註冊無得改啦, 咁我個同事都唯有係請假, 點之校長唔批, 佢話叫佢搵人代佢簽名喎~

結果結婚都可以搵人代, 咁就唔駛結啦~ 你地話係唔係好好笑呢~~~ 最後我同事就俾佢扣人工, 但係都要去註冊, 而校長當然係唔會做人情啦.........哈哈~

koie

puddingsharon,

好慘呀!如果我以前d學校一定會互相就下...大家會改期囉，因為結婚甘大件事甘開心...家長日遲少少又唔會死既...個校長叫人代佢都傻傻地架...話代就代咩?我唸d家長知到老師原來係請左假去註冊而所以黎唔到...我唸大家會好體諒囉!

我都有試過因為請假而對我黑面啦!其實我都知少個人會好忙!但唔係有緊要事都唔請啦....人地做office 工都可以請啦...我地一年請一次事假可能已經比人記足你成年!所以我病得好辛苦都唔敢請假架...你估我又好想亂甘將班小朋友交比人教咩?我真係當佢地係我d仔仔女女甘架嘛!琴日我發燒呀...我媽咪都叫我咪番啦....得咩?

一入幼園，深似海!唉~~

係呢?請問同工們你地既學校有冇講明你一年會有幾日假架? 我以前果兩間都會...而一年係有18-21日假既....i mean係唔計紅日啦!依家呢到就無啦...總之小朋友放幾多...甘我地未大概放幾多囉....雖然係多左...不過請事假就唔可以係呢到扣假而要扣錢!而且走個陣又唔可以扣番d未放既假快d走。以前講明有一年幾日假就可以請事假扣年假囉!甘好d呀!!

肥寶寶

o依？咁我依家個老細咪好好多？雖然請假係有唔高興，不過只要你有充分理由，佢都會俾我地請。好似今年三月要入院做手術，校長係2003年10月就知道我將要入院，一早請定假，等佢有預算嘛！做完之後醫生俾左兩個星期假我休息，放完病假之後就係復活節假，我足足放左一個月！校長都冇野，仲問我好番未，因為雖然我人已經返工，不過塊面仲係好青，足足瘦左十幾磅。問我仲要唔要放，我當然醒目話唔駛啦！ 費事真係激嬲佢嘛！！不過d粗重野就唔駛我做，連蹲下都不准。
老細知我地唔舒服都唔駛我地返工，因為佢怕我地頂唔順，又怕傳染俾小朋友，所以就算你返左工，佢都會叫你返屋企的！！
不過我以前果間就唔係啦！因為有個同事出水豆，大家都知水豆係極高傳染性的病，校長見我同事行得走得，打電話要佢返工，最後要醫生打電話去學校問校長：『你係唔係想全校停課？明知水豆係高度傳染架嘛！』最後校長只好俾佢放假。

koie

嘩肥寶寶，做完手術黎呀?甘真係要好好休息啦!依家無晒事? 你朋友個醫生真係好好野...幫我地出番口氣!!hehe...

lamba

各位老師您地好!

我唔係老師, 衹係一個k3 學生既家長! 學校係九龍塘區既所謂名校!

其實我都知您地辛苦( 我阿媽以前係幼兒園度做, 所以識好多幼兒園老師) ,所以我個囡讀到k3都未試過找老師, 怕麻煩到人地!

不過我都認為幼稚園老師的人工過低, 人工低既結果就係留唔到人材,而又會影嚮教學質素!

其實最關鍵既就係政府政策, 政府對整個幼兒教育都係冇承擔既, 完全依賴私立學校去做!

需知幼兒教育先係最重要的, 先進國家都投放大量資源係幼兒教育度, 打好基礎!香港就完全唔係個回事! 唉!


不過想問下各位老師, 你地覺得入讀個D名校 ( 大多都係靠催谷學生, 然後入名牌小學 ) 幼稚園對學生本身是好多定係壞多呢 ??

又想請問您地知唔知九心龍區有邊D幼稚園係真係好既, 又對學生有愛心既呢?

如唔方便係度講 (其實就無乜所謂 ), 可 pm 我!

thank you very much !

koie

有個甘體諒老師既家長真係好好!不過其實我地都好樂意同家長傾多d架，只係我地有時都好忙囉!你講得好岩，先進既國家都投放好多資源，而家長對幼兒教育都好認真甘看待，我覺得用心去做好幼兒教育，對小朋友係只有好處!我自己反而覺得讀幼稚園唔好抱住要去學好多野做個好似好聽明既小朋友，IQ高未必EQ高!我會覺得要學野一世流流長，最緊要培養佢自學既能力，只要佢覺得求知識係一件有趣既事，佢自然會培養呢個興趣啦!

我自己唔係好讚成入名牌幼稚園，名牌而又真係好既真係好少!D家長點解要讀名牌先?某程度上係佢地想藉此做搭腳石讀名校小學!

九龍區有邊間好就真係唔敢講喇!我自己就PREFER 一D大機構既學校囉!因為佢地有機構睇住，資源多D...名校得個空殼!佢地以為比好多玩具比好多野佢地玩就好似好威甘! 一句到尾啦!越活動化就越岩依家既小朋友啦!

HinMa

唔好意思,我想請問你知唔知一間幼稚園會keep小朋友既record幾多年呀?

lamba

>>>>由 koie 於 2004-11-03 22:24:53:
名校得個空殼<<<<

koie,

點解咁講?

係唔係知道內情?

>>>!越活動化就越岩依家既小朋友啦<<<

冇錯! 小孩一定喜歡活動!

不過如果活動太多, 怕唔怕小學會辛苦啊?

koie

lamba,呢d唔係咩內情唔內情! 好多呢行既老師都會知知地! 只係我自己做名校就知得更清楚d !
Lamba, 點解你覺得太多活動會影響讀小學呢?冇咩直接影響架wow! 活動化既教學唔代表冇野學架!而且活動既類形可以好多!係外國甚至乎全日都係活動冇功課做添!要做到從遊戲中學習係難d架，但如果做到既甘係好事!寫字點都要學，鬼叫hk既教育制度甘迫咩!但如果你有仔仔讀書認字寫字都好叻!但係唔識解難唔識social，唔識主動發問，唔識創作，唔識思考，唔識自學，又唔能夠培養佢地既美感，甘樣既小朋友就已經係空殼啦!當然有d名校家長都深知學校比唔到佢地，所以佢地參加好多playgroup，呢d就好似雞精班甘，盡量補不足!再講呀，我見我學校既小朋友認字都好差，好既都係因為屋企同佢溫!寫字就更加麻麻地!如果寫字做功課用全日番學既時間一半，甘樣你覺得多唔多?如果小朋友兩三歲就擔心定小學中學會唔會辛苦，我好肯定會唔自覺甘比左壓力比小朋友!
我以前教既小朋友屋企好窮，唔會出去學野，playgroup更加唔會去，但係佢地思考同創意好好，佢地做美勞等藝術活動比依家呢d 有錢仔女既小朋友仲更出色! 你放心，小朋友就學得開心架啦

koie

hinma, 唔好意思真係唔係好知會keep幾耐!我唸間間唔同，你可以問下學校校長既!

1314

koie:

睇左你地D幼師既心聲後真係了解呢一行唔少，我個囡讀既幼稚園屬於活動、啓發個類，我本人就非常贊同你既講法，而且好體會到呢類幼稚園教師所付出既一D都唔簡單。但係我最近睇到有家長喺"小學雜談"留言話，La Salle既校長對某個喺活動教學幼稚園出嚟既學生家長話"xx(幼稚園)玩咋喎，你最好裝備下個囝先入嚟讀喎"。雖然個校長可能係好心，怕個小朋友辛苦追唔上，但係試問喺咁既大趨勢下，就算D家長明知活動教學好，都唔敢俾D囝囡讀喇。

lamba

koie, thank you !

或者我既擔心係有D多餘 la!

不過我都晤係好明你話: <名校得個空殼> 係咩意思?

可否詳談? thanks!

肥寶寶

koie，
已經係今年3月的事，現在已經好番晒。
不過唔知點解依家成日肚痛，去睇醫生又話唔關手術事，但是我痛的位置就係肚裡面手術的位置。

肥寶寶

HinMa 寫道:
唔好意思,我想請問你知唔知一間幼稚園會keep小朋友既record幾多年呀?

一般來說是會keep三年，即小朋友k3畢業後開始計。

puddingsharon

嘩~~ 星期五果日我地學校去左旅行呀! 因為去沙灘, 原本以為好悶, 點知又幾好氣氛喎~ 因為d家長好合作, 又同我o係車到唱歌, 又玩得投入........感謝神........
佢地仲不停請我食野, 等我食到好飽, 自己帶去d野食都未食過~ 我諗個個老師經歷過呢d好家長, 都好開心同安慰啦, 係唔係呢~~~~