沙田既朋友,你地會幫bb報邊間幼稚園呀?

Li_vivi

我之前還在想....
聖心口碑好....
又近屋企, 可以日日送囡囡返學, 考到真係唔錯喎!
但聽完bk內媽咪既留言, 又冇些兒擔心.

Li_vivi

打錯字, 係有些兒擔心.

monkeypig_mama

Hi, candytl,
我也想我仔仔讀你囡囡入讀過的那問幼稚園, 可否pm給我係邊間呢?
多謝.

NASOR

思佳媽咪 寫道:
沙田區口碑好的幼稚園很多，如真理浸信會、第一城小時候、禾輋救世軍、乙明村田家炳等。

思佳媽咪,

禾輋救世軍是不是比乙明救世軍(幼兒園)好/出名? 有幼稚園老師同我講, 禾輋救世軍教得比較好, 佢個仔都報禾輋救世軍, 但我見乙明的活動空間較大同埋呢度好多囝囝囡囡都係讀乙明, 所以唔知點選~

candytl

JoJoJo 寫道:
我見到好多媽咪所講的意見都好主觀和感性,其實每個家長的要求各有不同,有些可能要有宗教,有些可能要求有好的facility,其實有無人提供到些客觀的資料,例如邊間幼稚園派到bank1的小學有幾%。

既然小學派位是講有否宗教分(指報有宗教學校), 有否兄弟姊妹就讀, 父母是否舊生等等, 那么, 某間幼稚園學生派到bank 1 小學的%多少與學校的質素好壞有何關系呢?
某間幼稚園學生派到bank 1 小學多, 只能說明那間幼稚園學生在自選階段分數較高或中央派位好運罷了.

rubymok

"lsl":
   信義係大圍銅鑼灣山路1號,美林隔離而家整緊路個度,上少少山.

rubymok

JoJoJo :
     講到有幾多%,就真係好難講喇!其實要派到bank1的小學都要睇下你個小朋友係咪讀書好叻,而間幼稚園只不過多學生升上這些bank 1,機會率高d禁解.

rubymok

heiB :
   多謝你既提點,我巳問過了!一班k1有30人,分組形式教學,一班有2個班主任,但你話到K2時,是否一樣的比例,我就無問和無諗到,我會再問下佢地架喇!Thank you!

rubymok

CharlieBB:
    我想問下你呢點解你會擇信義呢?仲有好似無媽咪提過信義呢間幼稚園禁既???

rubymok

Li_vivi :
    其實你話聖心近你屋企,禁信義都好近因為係聖心對面馬路上小小山.so你可以考瀘下,到時我地仔囡可以一齊玩,大家又做埋朋友,你話幾好呢~~

CharlieBB

rubymok:

好似無媽咪提過信義呢間幼稚園,我估可能她們太注重口碑,
這間幼稚園又在山上難以察覺,而我在事前做了少少資料搜
集,我選擇信義原因係我唔鍾意屋

rubymok

CharlieBB:
      其實我而家都心大心細,我本來好鍾意呢間幼稚園,但我好易動搖,因聽到好多媽咪話保良局吳多泰好,我又近個度多d,所以......唉!!!最衰就係無校車到我呢度(馬場),雖然我可以車我個仔返學但我奶奶話如果有咩事佢地去會唔方便喎,叫我搵有校車或近D,我又見禁多人話保良局吳多泰好,我去過睇都幾好,但學生真係好多,環境又無信義禁好,所以又係禁諗,校長叫我7日內比電話佢話讀唔讀,其實我想問下點解D媽咪住沙田但幫bb搵九龍呢?

hoveypan

我仔仔在age未足3時讀過這間約6個月, 但本人覺得不太好, 同我開頭帶仔仔去面試時差好多.  小兒之前可能太小, 我比佢入去時同個校長和主任說了我仔仔未識去小便的, 佢地話冇問題, 但到佢上了學時經常"賴尿"和有"便便", d老師把帶有一大舊原整的"便便"褲給我. 我仔仔上學時成日cry.  成日話不上學.  

CharlieBB

rubymok:

我個人意見覺得你應考慮到若有突發事件例如：突然發燒,三號颱風訊號,黑雨……那時應該無校車接送,你或你奶奶可否用最方便快捷途徑接回家呢!如選擇1: 就近屋企步行前往; 選擇2:火車沿線; 選擇3:的士或私家車;至於最近你屋企相信是樂基(駿景園)但學費較貴或考慮沙田真理浸信會口碑也不錯,但在屋苑樓下地方較細不過你只需搭一個站火車就到,若果乘的士的話地方是否就腳遠近也一樣。至於沙田Ｄ媽咪選擇出九龍可能想他們的仔女入讀九龍私立的名校小學,若果沒有這打算可必長途跋涉呢?三年的幼稚園生活何不讓他無壓力下快快樂樂地享受讀書樂呀!每間幼稚園都有好與壞,見仁見智及與小朋友配唔配合得來,家長喜歡與否各方面。

rubymok

CharlieBB:
       禁我想問下呢地利亞又如何呀?沙田有間國際由外籍老師做班主任,唔知地利亞好唔好呢?  :idea:

rubymok

思佳媽咪:
        我想問下駿景園樂基收費如何,連雜費全部.thanks!!

1314

rubymok:

你係咪指沙田廣場既地利亞好時光?我個囡舊年讀過nursery,佢地所謂既外籍老師係印度人,真正既鬼婆只有一個,係教K3既。老師轉得好快,以阿囡個班為例,舊年就轉了3個班主任。國際班D學生有日本人、菲律賓人、混血兒等。校舍位於大廈平台,個人認為學校設施比較舊,但都頗多活動搞。

rubymok

1314 :
        禁你覺得個囡讀得好唔好呀?

1314

佢都讀得幾開心架,其實佢用既教材quality都幾好,不過我一心只係俾佢讀nursery,今年K1已經轉左第二間。

rubymok

1314 :
          禁你個女而家讀邊間呀?仲有沙田區邊間國際學校好呀?又唔好禁貴喎!我主要想佢學英文.唔該晒! :