一切已公平圓滿解决，就讓他們重新開始吧

so-so

發生在你身上的事真不幸，但把仇恨的種子放在心中，只會更痛苦，何不放過別人，放過自已，放過孩子???

麥高娜

大媽

so-so 太太：
我沒仇恨的種子放在心中，只有怒火.....因為剛才兒子去游泳時，拿他的記念冊出來，然後我電了多位他的同班同學，証實原來全班都知....他是我生出來的....兒子真該被人打嗎？我一定會追究到底，不惜用任宣揚途徑，一定要把這間可惡的小學老師不負責任的行為和暴力事情宣揚出來....

so-so

我一定會追究到底，不惜用任宣揚途徑，一定要把這間可惡的小學老師不負責任的行為和暴力事情宣揚出來....

你真的認為這樣做對你的孩子有好處?

大媽

莫非我兒真該被人打？老師該不負責任？打人的該不用受責備？如我不處理這事...對我兒成長又有好處嗎？

大媽

so-so ,
如你是校內老師或有關校方人員...希望你pm我！

jimmy2005

大媽是一個勇敢的媽媽,我相信公道自在人心.

so-so

我只是一個路過的媽媽，我這樣講是因為我真心希望你能用心做一個正確的決定，不要繼續的傷害自已的小孩，也許你的孩子把這件事向你傾訴後已準備忘記，可是你不斷地提起，也許是在他的傷口上撒鹽，如果我說錯了，請見諒！

大媽

so-so 太太：
這兩三天我沒跟他再提起,我上bk他也不知道的,這事不是叫他忘記就忘記........因為被人打的才是他....例如一個女仔遭人强姦，可以睡一晚就忘記一乾二淨嗎？我的决定是追究到底...讓全港人看看這校`老師`和`學生`的`質素`如何的`好`...
另誤會你是校方人員，對不起！...........

jimmy2005

so-so媽媽,我相信你說的話都是出自內心,也有著善良的動機.請諒解大媽作為一個母親的感受,有時候可能想的太多猜錯人了.
      不過我想我還是要回應一下你說的話,我持不同的意見,我認為正因為希望孩子能徹底的走出傷痛的陰霾,分清是非黑白,勇敢和理智地面對今後人生道路上的坎坷不平,擅用資源,據理力爭,敢於承擔,所以大媽才竭盡全力以各種方式追究責任的.
      當然在這個過程中,我們都要小心不要失去理智.
      

大媽

jimmy2005,
多謝你的說話..我為了兒子我會控制自己的.

大媽

搞笑咯.....今朝電教局...那個不知所謂的油尖旺分區發展主任黃太答...

我：把我兒被打情形全部講出來....
黄：我幫唔到你呢個投訴，因為自00年`校本條列`實施出 來，我地無權插入校內行政...(下删廢話一大堆).....你揾番學校啦.......
我：咁你地有セ情况係會理架？
黃：呢位媽媽，我再次重申，`校本條列`實施左，我地係唔會干涉校內事架！
我：咁如果小朋友在校比人打死，咁你地又唔理架啦？
黃：哦！咁大件事梗係要報警咯，等警方做丫麻！

各位這教局究竟o係度養咁多人做セ鬼呀？乜都唔做又叫`教育`统籌局既？

Pulmma

so-so 寫道:
我只是一個路過的媽媽，我這樣講是因為我真心希望你能用心做一個正確的決定，不要繼續的傷害自已的小孩，也許你的孩子把這件事向你傾訴後已準備忘記，可是你不斷地提起，也許是在他的傷口上撒鹽，如果我說錯了，請見諒！

soso:

請問什麼才是正確的決定呢??? 老實說, 大媽都做了很多的方法去解決這個問題, 問題是在這事件上大媽覺得得不到公平的對待.  問題不只在於大媽的case, 而是學校會有大媽所說的不負責的老師.  如大媽所說的老師實是這樣的話, 我覺得這些老師並不適合作為一位作育英才的老師law!

淡忘是一種好的方法?? 定是勇敢面對問題所在才是對呢?

大媽

Pulmma：
多謝你的幫忙.....thx！

我阿仔今天上中一，今朝佢唔想返...話怕比人再打...唯有又`琴`又鼓勵佢返，話`呢間中學好好架...你咁辛苦英文作文作左成個鐘考到入去，英中校長又咁鐘意你...，唔會有人再打你架啦.....`足知今朝陪佢到八點早會先走，頭先放學返屋企問佢點...佢話`暫時冇人打佢，可能遲d又有人打......`各位朋友！一個本來好乖好積極的小朋友落得如此心態成長...該死麻？

麟媽媽

我講既野可能唔啱聽，但你個仔既性格是否唔多唔少你做成呢？
佢已經中一了，好多野佢要學會面對。佢應該知道新學校全都是新同學，何來搵人打佢？人地又點解要打佢先？人要學會從陰影中走出來，做媽媽的整天怒疾呼叫是最好的方法嗎？你的行徑會給兒子壓力嗎？會令他不斷覺得單親便會給人欺負嗎？諗野咁負面，你真的沒給了他一點影響？
我不是什麼學校人員，但見你過往發言都是抱怨的多，滿是負面思想，人家做不到你所想給幫助到你的，你都在怨….咁對你個仔真係唔好的。

Mimi_Ma

麟媽媽 寫道:
我講既野可能唔啱聽，但你個仔既性格是否唔多唔少你做成呢？
佢已經中一了，好多野佢要學會面對。佢應該知道新學校全都是新同學，何來搵人打佢？人地又點解要打佢先？人要學會從陰影中走出來，做媽媽的整天怒疾呼叫是最好的方法嗎？你的行徑會給兒子壓力嗎？會令他不斷覺得單親便會給人欺負嗎？諗野咁負面，你真的沒給了他一點影響？
我不是什麼學校人員，但見你過往發言都是抱怨的多，滿是負面思想，人家做不到你所想給幫助到你的，你都在怨….咁對你個仔真係唔好的。

麟媽媽 :
我好讚同你所寫.  (而且係一定唔啱聽.)
  

davidmict

麟媽媽:

We're of the same mind.

大媽

麟媽媽：
謝你意見..我亦會檢討自己！
但我肯定說我從升中結果後我對住阿仔係用一個正面的思想鼓勵佢起番身，如果唔係佢唔會憑佢自己考入英中的...我亦冇在佢面前話過學校不是，我係佢面前係好正面做我應該做的本份架！
我想再用呢一個例子，一個比人强姦的女仔，會唔會一夜之間可以忘記痛楚而正面面對番日常生活？係可以既，是用時間、側邊人鼓勵、最重要既係要捉到强姦犯繩之於法。...暴力始終對一個細路仔始終有影响架，况且佢之前比人打受咁多壓力又唔敢講出來，咁我做媽媽見到咁情况唔通唔理？我今次所做的是要話比阿仔知道唔好因為自己背景而退縮，要自己去爭取去面對，唔係逃避。如果我乜都吾做，佢就更加唔想返學，因為佢亞媽都逃避怕事，長大後更加唔敢面對現實。大家為人父母的心情希望你會明白！以上如有冒犯於你，請為體諒呀！

(watermelon)

麟媽媽 寫道:
我講既野可能唔啱聽，但你個仔既性格是否唔多唔少你做成呢？
佢已經中一了，好多野佢要學會面對。佢應該知道新學校全都是新同學，何來搵人打佢？人地又點解要打佢先？人要學會從陰影中走出來，做媽媽的整天怒疾呼叫是最好的方法嗎？你的行徑會給兒子壓力嗎？會令他不斷覺得單親便會給人欺負嗎？諗野咁負面，你真的沒給了他一點影響？
我不是什麼學校人員，但見你過往發言都是抱怨的多，滿是負面思想，人家做不到你所想給幫助到你的，你都在怨….咁對你個仔真係唔好的。

agree     

Cathyneo

我睇左所有的文章，俾我既感覺係你根本唔聽人既意見，好多媽咪都話你應該即時報警，唔好再浪費時間係度叫人回應，你有聽到嗎？

你話要去爭取去面對，唔係逃避。希望你今晚或明天一早就去差館報案，用行動去面對，而唔係係呢度浪費時間，同人爭拗，估下邊個係老師。呢度爭贏又點，幫到你囝囝嗎？你明知佢地唔會出黎同你對質，你明知教育官幫唔到你，你明知最有效係去報警，點解你仲唔去做。

希望將來你可以同你囝囝一齊勝利地步出法庭。然後忘記這件事，重新開始。

(以上係我既真心話，如有得罪，請見諒!)

cathy