想聽下大家意見值唔值得因為班主任行為操守為小朋友轉校

manionb

小寶貝兒 發表於 20-12-20 18:50
我女小二時正正遇到一個班主任針對我女，已經影響到佢情緒同學習，我當晚就立即搵學校，即使要細女變大女 ...

你女女係12月細b? 都係東區嗎？
我女係年中

manionb

swytca 發表於 20-12-20 19:28
是不是舊基灣呀？要渣2個辮？好傳統學校，但系若轉校，其他學校學術肯定無這間好，是否甘心？還要時間適應 ...

係呀，你小朋友都係舊基灣？
正常津校就算無乜愛心都唔會刻意針對，無愛心同刻意針對心理變態係兩回事，應該都係個別班主任問題。
附近直資選擇唔多又好多人爭，都會嘗試問下。

manionb

Shellyxlk 發表於 20-12-21 15:46
讀緊小二，佢哋小一小二係同一個班主任所以要捱兩年，不過應該唔只班主任惡啃，最蜂刺係作文要寫我最愛的 ...

可以寫幼稚園班主任？

siuta

manionb 發表於 20-12-12 00:09
女女今年三年班 喺區內四小龍學校就讀
唔好彩今年遇到個班主任同女夾唔到 經常留難女女
甚至用生理需要留 ...

deleted

carinj

我反而覺得如果個小朋友日日返學好似行刑咁，其實都幾慘。

明年笑死可能又係同一個班主任。如果佢操行寫得差好影響升中或者出去搵學校。

會唔會利用另一個話題約老師面談？再同老師搞friend啲。

小寶貝兒

manionb 發表於 20-12-30 22:17
你女女係12月細b? 都係東區嗎？
我女係年中

我女係12月細B呀！所以當時對我哋來講讀小二同G1其實冇咩所謂。
你講我女小二間學校嗎？係元朗架

bananaGi

manionb 發表於 20-12-12 20:58
遇到好老師當然好 不過真係唔太多 普普通通既老師都好滿足了
只求唔好再遇到咁伏既

直接話比個女聽個老師衰架！ 反正今年都下學期，捱埋佢！ 唔需要驚！你話阿媽支持你既！

manionb

siuta 發表於 21-1-3 23:48
聽到都覺得心痛。三年班其實好細個，呢種俾大人針對嘅情況好難handle，中三都未必得啦。

我覺得首先係了解 ...

事件初發生時有打比班主任了解過件事，感覺到老師講既同小朋友講既好大出入，對小朋友都有成見，至少我喺其他老師度聽到既並唔係班主任講既咁
10月尾有喺電話同校長反映過希望可以轉班，但無耐教署就宣怖停課，校長亦以停課為由話跟進唔到。我唯有每隔一至兩星期問校長會點處理，追左幾次之後校長覆我 佢覺得係小朋友想同其他班玩所以先提出轉班。

無辦法之下我唯有寫信比校長希望可以正視問題及作出處理，幾日後收到劉副校長電話謂聖誕假期後會作出跟進，假期後副校有約我傾下，而學校社工就要求同小朋友單獨傾，似乎唔想家長在旁。而嗰次zoom會議兩位副校都只係重複一次我信內容話會跟進。

臨放新年假前見學校未有回覆再次致電副校查詢進度，原來早一個星期校長已經書面回覆左，可能郵遞服務延誤所以未收到。電話中副校向我表示就社工同小朋友傾偈時 小朋友覺得同老師關係已經緩和左亦唔再驚班主任同唔再抗拒。事後我問番女，佢好驚訝點解社工會咁同學校反映，明明佢哋傾偈嗰時佢有向社工表示想轉班唔想再比班主任針對。再諗番成件事，我一月嗰時都有收過社工電話問我如果無得轉班既話會有咩打算，佢話都擔心小朋友情緒。感覺上成件事好奇怪，如果小朋友向社工表示無事，社工又何需向我表示擔心？

最終今日終於收到學校書面回覆，謂不適宜轉班，更將所有問題轉嫁比小朋友。

manionb

carinj 發表於 21-1-6 14:00
我反而覺得如果個小朋友日日返學好似行刑咁，其實都幾慘。

明年笑死可能又係同一個班主任。如果佢操行寫得 ...

我女比較活躍唔係傳統老師鍾意既類型都明既，加上對老師又唔係絕對既服從，但無諗過一個大人會因為咁而長期同一個小朋友計較。我平時對學校都係實話實説，女確實對大人唔係絕對順從，有時喺屋企都會無禮貌駁下咀，但諗唔到學校會用呢點黎將問題全部歸咎小朋友。

manionb

小寶貝兒 發表於 21-1-7 10:21
我女係12月細B呀！所以當時對我哋來講讀小二同G1其實冇咩所謂。
你講我女小二間學校嗎？係元朗架
...

啱呀，小朋友讀得開心都重要。始終學校每日都要返，透明度同公道更加重要。

964000

manionb 發表於 20-12-13 11:22
女英文方面應該跟到 二年級何老師教時平均都有八九十分
基灣係用番同級既書 我睇過佢學校d書都係一般程度唔 ...

你女聰明，多咀，不喜歡絕對服從，又敏感，strong willed, 不易忘記。好多傳統老師要求學生絕對服從，老師話一學生不敢話二，行路正一正，才是好學生。
這次遇到雖然是個別老師，將來也有機會再遇到，一係教佢改變自己，逆境求存。否則試吓轉港同那類，應該會更適合佢。

小寶貝兒

manionb 發表於 21-2-11 17:04
啱呀，小朋友讀得開心都重要。始終學校每日都要返，透明度同公道更加重要。

...

我女轉校後其實都有遇到嚴格既老師（唔好以為外國人就一定會寬鬆），但小朋友係睇得出個老師係針對佢個人定係針對件事！
所以我唔介意老師嚴，但我介意個老師意氣用事！
當時同老師同校長溝通過，佢哋都係覺得咁樣對小朋友冇問題既，咁唯有轉走，反正轉走最差都係遇到同樣既人，但唔轉就一定會係同一個老師（仲要捱埋下半年先知下年會唔會轉新班主任），一諗到咁樣就決定搏一搏啦！

manionb

964000 發表於 21-2-12 08:06
本帖最後由 964000 於 21-2-14 21:09 編輯

你女聰明，多咀，不喜歡絕對服從，又敏感，strong willed,  ...

佢係嗰啲要知道原因先肯絕對跟從嗰啲小朋友，如果佢覺得你有道理又友善會好肯聽，以後都照足你意思做到足，但相反如果佢有野唔明想問清楚先，而老師唔想理又責備左先，佢就會唔合作，唔太識同人相處討好老師。好似佢喜歡既中文老師就算話佢做得唔夠好鬧下佢，佢都好接受。至於音樂老師就更加欣賞佢比好多機會佢發揮。

爭扎左好耐我終於都幫女退左學，其一校長處事手法幾令人心寒，為左幫老師掩飾可以將所有問題歸咎曬喺小朋友度，老師完全無問題，學校都有搵社工扮同女傾偈了解下，但將小朋友講既說話倒轉黎講，另再加插女無講過既說話，好彩爸爸有錄音為証，唉.....開始明白點解呢間學校年年轉社工

其二，大家都提到一個關鍵，周老師長期針對，如果到時記左缺點/過，寫花左操作到時無其他學校願意收會仲煩

manionb

小寶貝兒 發表於 21-2-14 18:23
我女轉校後其實都有遇到嚴格既老師（唔好以為外國人就一定會寬鬆），但小朋友係睇得出個老師係針對佢個人 ...

小朋友心水好清，我女都係咁，有時都唔知係好定唔好，舊基灣都係行呢套，老師搞錯左鬧錯人都好，老師一定是對的，常識科老師更加係咪都鬧左先，有時都幾無奈。
我都同意嚴唔係問題，但要有理據，唔係老師想點就點。有足夠理據既體罰都可以接受，我細個讀小學都好嚴，校長週會都會打學生，當住所有人面前打，處理得公開公正

你女轉左之校之後又遇到呢啲老師，你會教佢點處理？我都想取下經學下野

另外請問大家同區有冇啲比較關愛既學校？

bananaGi

manionb 發表於 20-12-12 00:09
女女今年三年班 喺區內四小龍學校就讀
唔好彩今年遇到個班主任同女夾唔到 經常留難女女
甚至用生理需要留 ...

老師都有衰人.不過你一開始就去校長到講佢, 等於投訴佢... 佢小氣一定記仇,..

小學唔同幼稚園, 唔係隨時放你去toilet架.. 你轉校後都要調節下自己,
同埋可以直接搵左老師問下件事先.. 唔洗郁下就去校長到反映

licpd

轉校都好，新的環境從新來過。經一事長一智。
我好似聼好多類似你女的故事 不過你無得反抗，唯有轉校。我覺得同大人轉工差吾多。
下次遇到尼的老師，傢長千其唔好投訴，因為無用兼有後圍症，同老師客氣講個女“難教‘辛苦你啦！幾句說話等距吳好針對個女就算。尼個世界真正好坏的人都係好少的，好多都係一時心情唔好揾學生出氣。

manionb

bananaGi 發表於 21-3-24 12:59
老師都有衰人.不過你一開始就去校長到講佢, 等於投訴佢... 佢小氣一定記仇,..

小學唔同幼稚園, 唔係隨時放 ...

當初同校長反映件事唔係純粹為左班主任唔比小朋友去廁所咁簡單。除咗呢件事，班主任仲會喺女手冊度蓋：不守紀律印第__次而完全無寫係咩事。家長接放學見到面老師都唔會提，返到屋企簽手冊先知道，每次要打比老師問發生咩事，同老師反映過如果再有相同情況可否比家長知道，老師表面答應但之後都係繼續蓋印計次數而無提因為咩事而要寫手冊。家長一頭霧水，感覺老師只係為數夠次數記小朋友缺點，對人而唔係對件事。
過後亦有同老師了解過件事點解連小朋友生理需要都遭到拒絕，所得既答案亦頗牽強不合邏輯，家長覺得咁樣都唔係辦法所以先至向校長反映。

明白老師返工都辛苦都有壓力，間唔中向小朋友發下脾氣都情有可原，但係咪真係有需要長期咁樣搵機會去捉住一個小朋友去記缺點寫花記錄呢。

manionb

licpd 發表於 21-3-24 16:08
轉校都好，新的環境從新來過。經一事長一智。
我好似聼好多類似你女的故事 不過你無得反抗，唯有轉校。我覺 ...

唔係去到咁差嘅情況基本上家長都唔會想轉校，小朋友又要重新適應，但作為老師做到咁家長都無得揀。如果一間開明嘅學校估計都唔會處理到咁。基灣嘅賣點係成績好，不過去到下學期三月收完插班生都仲有學位嘅可能而家都唔係咁多家長願意選擇呢間學校。問過同區口啤好嘅學校好多都已經full晒無位亦無學生退學。學校呢兩年都係主力收內地人插班，唔知係鍾意大陸人既絕對服從定或是真係少左香港家長選擇入讀，今年仲收咗個超齡嘅內地生，可能學校就係鍾意呢一類學生。
學校亦每年搞家長也敬師活動驅使家長對老師都要必恭必敬以老師為尊。

tigerdad

Deleted