南區鴨利洲小學

raccoon_dog

二零零二年聖保羅男女(堅尼地道)小學及聖保羅男女(麥當勞道)小學成功申請黃竹坑新小學校址，預計二零零七年會合而為一，每級增至五班.
在校網找到的,如果成功建成後,現在讀幼稚園的小孩未有希望!或者可以到時試吓插班.咁喜歡名校,應該啱心水.

你們講到'南官'很恐怖,問朋友又話冇,如果係真的,看來要和有關人仕反影一吓!
還有'培德'沒有精英班.

RL1488

哦~原來不是間間學校都有精英班的.

ringoivy

好似得始南同南官有咁分.

RL1488

TKS~

mable1124

[quote]
raccoon_dog 寫道:
你們講到'南官'很恐怖,問朋友又話冇,如果係真的,看來要和有關人仕反影一

ringoivy

咩心理準備呀? 即係入左庇理羅士唔係精英班被排斥得好嚴重呀?

mable1124

我朋友女兒在讀, 聽佢講F.1有5班, 分有精英班 (唔記得有2班 / 3班), 入學時考編班試, 通常未夠班的會編在一起, 非精英班的不會有任何輔導, 由你自生自滅, 成績差的會勸你退學。   

原本我都想小女試考, 但聽完後都是放棄了。      
小朋友讀書最怕被標籤化。

Martin媽咪

我囝囝今年九月就讀南官, 我聽到有d媽咪話好, 有d話唔好, 但無論如何, 我都會儘力幫囝囝, 希望讀得開心 la

mable1124

Martin媽咪 寫道:
我囝囝今年九月就讀南官, 我聽到有d媽咪話好, 有d話唔好, 但無論如何, 我都會儘力幫囝囝, 希望讀得開心 la

未必唔好, 儘力已是個好媽咪了, 最緊要小朋友開心。         

Martin媽咪

多多鼓勵!!!!!!!

ringoivy

有時我都係咁諗, 盡左自己能力教同見到小朋友有盡過力就算了, 希望亞女好彩唔會好似你咁所講咁遭人排斥啦. 被排斥好慘架 真係不知所謂, 呢d咩教育黎架, 老實講精英班又唔多, 有d學生係要好努力先可以攞到好成績架麻, 入唔到精英班就被佢地咁排斥, 咁攪法咩讀書心機都無曬啦.   

fred媽媽

香港教育永遠都係咁, 行精英制, 唔係精英嗰D就當被地底泥, 其實D老師依家飯碗都難保, 真係作育英才既老師都買少見少了, 各位唔係精英班既朋友真係要自強不息, 先可生存. 真係唔好全完靠學校.

ringoivy 寫道:
有時我都係咁諗, 盡左自己能力教同見到小朋友有盡過力就算了, 希望亞女好彩唔會好似你咁所講咁遭人排斥啦. 被排斥好慘架 真係不知所謂, 呢d咩教育黎架, 老實講精英班又唔多, 有d學生係要好努力先可以攞到好成績架麻, 入唔到精英班就被佢地咁排斥, 咁攪法咩讀書心機都無曬啦.   

moonin

其實，當初入到南官都以為好，但讀左一年之後/入唔a班之後，問題就開始發生。有時同cd班的家長傾開，個個家長都好似好冇面咁，大家都真係覺得俾人排斥過，甚至有老師都排斥過佢地(成日都話人地a班做到)。因為佢而家都成個人放棄左讀書咁，又或者佢知佢讀極都係唔得。
唉，剛才有小朋友讀b班的家長都好少少，你都唔知讀c、d班真係好慘架。唔係精英班，冇錯，課程真係好淺(真係已經淺得好緊要，我估淺出面的學校好多)，但考試卷咪又係a-d班同一份。我姪仔次次都話科科都有大半人係唔合格架，仲要個個都好似習以為常咁。以我所知，精英班一定唔會。個差距一年比一年大，叻者愈叻，差者愈差。
仲有，我真係唔覺有老師鼓勵過佢﹐鬧佢的老師多。我成日都有同佢溫習，我自己都覺得好沮喪。我地都搵老師傾過，老師不斷數佢的不是，把責任推在我地身上。但我已經盡左力，我可以怎麼辦?

fred媽媽

呢D咁的情況, 最好都係轉校, 而且越快越好  

raccoon_dog

我朋友囡囡在南官讀一年級,快讀完p.1,老師就有某些"麻麻",有一次他在轉堂做功課,係小孩唔啱,但就比老師沒收小孩的功課,第二天就話他欠交,找老師傾,老師又不繼設訴返小孩,我覺得係老師就應該打電話話返比家長知,沒收了會影響小孩的進度.
想轉校係一件困難的事,隨非留級!始終程度上有點差距,但我想不只南官,其他學校可能都有這些情況,轉校都未必可以解決問題,唯有多留意,多和小孩傾多些學校情況,自己多參預家校活動.

raccoon_dog

南官每級得4班,每班33人,精英班己經咁激,
咁某南小學未更加激,每級5班先得1班精英班而且40人一班.
真慘呢,小孩讀書真幸苦,還好我囡囡學校沒有分精英班,沒有壓力,她每天也笑住放學回家,讀得很開心.
囝囝就慘些,因為學校有精英班,而且囝囝又唔係乖,成日比老師閙.

RL1488

唉~而家讀書唔係只得小朋友有壓力...
大人也不少呢~

ringoivy

我都有同感自己讀書時都唔覺有咁既壓力, 但家陣時代真係唔同左, 家長同小朋友同樣承受好大既壓力, 我真係怕小朋友頂唔順呀 因為有時自己把口話讀唔讀得成書好睇小朋友本質, 但一到考試就同佢溫書, 小朋友覺得自己攪得掂所以到我同佢溫書時抱住玩樂態度真係比佢激死大大聲鬧佢又攪到佢喊曬口咁望實我, 有時真係好心痛, 但呢個社會真係比左好大壓力家長同小朋友, 其實活動教學真係好好, d小朋友記起野黎又方便壓力又無咁大. 所以香港教育就真係應該改一改唔再採用填鴨式咁大家都舒服好多.