培正幼稚園家長-----請進

helloruby

彥彥媽咪,

請收pm.

彥彥媽咪

Helloruby:

唔該哂．．   

彥彥媽咪

各培正家長：

嘩．．今日嘅開學禮好熱鬧好多人呀！！上下午班嘅同學都響一齊，個個著哂校服，好得意．．我好鍾意囡囡ｄ校服，前面扣個蝴蝶結，好可愛，相比下仔嘅校服就plain好多．．

聽完副校長同老師們講完話，的確令我對學校嘅了解多好多，我起初都冇諗到佢地幼兒班咁細就已有外籍老師教英文，依家我開始覺得即使培正係中中，對英文都亦好注重，咁我都好放心了，依家唯一希望孝彥會讀得開心啦．．   

係呢∼∼你地小朋友係邊班架？我家孝彥依家係上午幼愛班呀！ 有冇人同我地一班呢？？其實孝彥以前間幼兒園都有個同學仔考咗嚟培正，不過佢係下幼愛班

聽日開始返學lu．．適應期內我都會日日帶佢返學架．．睇下見唔見到大家？

eva(子堯媽媽)

Hi 彥彥媽媽

我子堯讀下幼愛班，同你的仔仔之前的同學仔同班？

彥彥媽咪

子堯媽媽  ：

Oh..真可惜，唔可以同你仔仔一班添．．係呀，孝彥之前個同學仔叫”黃澤森”，我地一入去班房就見到佢個名貼咗響我個仔個名隔離喇．．真係”橋”

今日我地離開嘅時候都有同一個囡囡同一小巴，佢媽咪都話佢囡囡係下幼愛架．．．

helloruby

我囡囡係下幼望班呀!
寶貝, 同吾到你囡囡做同學仔添

ChingMa

各位家長你們好,
我囡囡被編到上幼望班, 不知有唔同班同學在這裡? 大家可以多交流交流...

順道一提, 我留意到學校裡廁所裡是不提供衛生紙的,學生要自備"兩三張"衛生紙在上衣口袋裡,要用時自己拿出來...這對我來說是一件頗奇怪的事...三歲多的小孩可以順利地從兩三張衛生紙中自己抽到一張來嗎????

kittybuzz

Hi KK,

你地好好人呀,肯用咁多時間打咁多資料比各人睇!

我個仔7月出生,都想入04年培正K1,不過佢到而家仲講緊70%BB話呀,而且佢都幾怕陌生人,閉啦,原來12月就開始INTERVIEW潻(仲要一個人IN),你地INTERVIEW個時驚唔驚呀有無IN埋家長呀?

Today

Chingma,
You have to provide them a handkerchief and a small pack of tissue. I think they would use handkerchief to dry their hand instead of tissue.  Anyway, they teacher would teach them.  No need to worry.

My child is in the same class with your daughter.  Let's keep in touch.

sze_mark

吾好了意思阿各位家長,我想問吓,我個仔依家半歲,22-2-2003出世,我應該幾時,同點樣攞培正K1嘅報名表o家,同埋乜家長係舊生有着數o既咩,敢如果父母都係基督徒會吾會更好??

彥彥媽咪

Sze_mark：

若你想同仔仔報培正，就要響2005年嘅9月開始留意，佢地多數係10月左右派form，12月interview，來年9月（即2006年）正式返學．

一般來說，所有學校都係舊生，或有兄姊在同校就讀會有優先，同宗教當然亦會好ｄ，但始終不及有”前人”就讀過有用，不過凡事都有例外，而每年亦有好多家長係冇任何關係都可以入到嘅（好似我孝彥今年咪係囉，我地冇任何背景架），之不過，到時佢細佬（同你個仔同年，我細仔係3月出世）應會有ｄ優勢，希望佢兩兄弟都可以一齊讀到啦．．到時睇吓有冇機會同你仔仔做同學？？   

彥彥媽咪

各家長：

今日係孝彥第一日正式返學，我同佢一齊上校車時心情真係既緊張又興奮（雖然以前孝彥有返開學前班，照計之前已經經歷過呢種心情，但唔知點解今日都仍然有緊張 ）

好開心一去到校車站就發現有另外兩個小朋友都係幼兒班，其中有位囡囡仲係同我仔仔一班添呀，又同一屋村同一班，真好．． 以後大家可以亙相照應，又可亙通消息

我亦響同車上認識到另外一ｄ其他區的家長，頭先仲趁等仔仔放學個段時間一齊去食早餐傾偈添呀．．話時話，我又己經約咗ｄ同村媽咪聽日食早餐喇．．哈．．又識多幾個朋友，真好．．各位真係要多多指教呀！！     

hoiying

彥彥媽咪:
我知道培正要郵寄取 Form, 但想知道正識的信点樣寫去學校和是否要寄回郵信封.是否先到先得。

sze_mark

多謝你彦彦媽,因為我對小朋友几時返學一o的concept都無,都吾知應該幾時先殞學校!!!
睇你個細B同我個真係差吾多大,我都希望佢地將來0係培正見.

彥彥媽咪

hoiying：

係呀∼∼培正係郵寄取form，每年九月十月到就會出通知，攞form唔駛寫乜特別嘢架，只要入個回郵信封，並連埋ｂｂ出世紙副本（到時佢寄form俾你時會俾番你嘅），然後響信封面註明”索取2004幼稚園入學申請表”咁就得架喇．．冇限派表數目，手續都好簡單，不過要留意佢地交表就要親身去（不過唔一家要父母，可以派代表）佢地交表係會指明日期架，所以要預番時間噃

至於今年嘅確實派表日期你可以9月中左右打去問又或得閒就上佢網址睇，入面都會有公佈嘅  

http://www.pcps.edu.hk/frame.htm

Caseman

我仔仔立勳讀上幼光班，不能和你們同班了，沒o緊要拉，都係同學仔，而且我們可在BK保持聯絡！我坐k4校車；平日他成九點才起床，這兩天（及以後）都是一個大適應．這兩天我都要帶埋妹妹送他上學，下星期就讓爸爸送他上學了，因為帶埋妹妹比較麻醉！

sofina_w

各位培正幼稚園家長

請問培正小學可吾可以直入培正中學O架?培正中學有冇轉到直資呀?

先謝  

helloruby

sofina_w,

如學校政策不變, 培正中學會在限期前轉直資跟小學結龍.  

ChingMa

Hi, today,
It's great that our kids are in the same class. My girl is YuChing sitting at the right side.
Is your child a boy or girl?

Tomorrow we are going to have their books, I would like to understand more about their curriculum.

Maybe see you around!