奧海城一期羅逸雅芭蕾舞爵士舞學校

mavismama

咁請問您覺得曾雪麗又如何？我聽過有人話佢幾好,不過學費都幾貴, 一個月 HKD1080, 可能係有外藉人仕教, 所以收貴d.

我個女現在2嵗, 我其實冇話想佢學芭蕾舞, 只不過見佢鐘意跳舞, 同埋咁細個通常只有芭雷舞班, 冇其他選擇, 所以比佢當運動同玩下囉.

而且我見曾雪麗係美孚有(我住荔景), 所以唸住遲d比佢試下堂.

請問可否介紹一下好的跳舞學校? 王仁曼是否比曾雪麗好?

謝謝您寶貴的意見．

Mavis

mmdd

下!! 乜原來sdm係咁差架咩, 我上兩個星期睇到一本便利仲賣佢話佢一年開咗幾間分店, tko店仲月入百萬喎!!

原來師資咁差咩!! 係咪真架??
有無人試過?? 我幫個姨甥女搵緊跳舞學校呀....

大家比比意見, 最好真係試過的!!

ssfamily

mmdd:
如果你附近有王仁曼而又負擔得起, 我都會建議你找呢間啦, 雖然唔代表每一個老師都咁好, 但起碼整體上, 佢係一間重視課題質素既學校!

dancer

月入過百萬?
我當平均每個學生每月交$1000學費,月入一百萬要有1000個學生先得喎...我仲要已經唔計鋪租,老師,reception,清潔的人工同雜費...
好喇.我當d學生每人每個月交$2000學費,都要有500個學生...
ok,可能你覺得一間分校有500學生都唔出奇,但係我係講緊每人要交$2000一個月同埋未計所以的開支...

仲有要留意...雜誌好多稿係...哈~唔知大家明唔明呢

ssfamily

仲有呀! 呢間野(羅xx芭蕾舞爵士舞學校)都唔知咩野背景架! 佢既總辦事處竟然係設係科技大學裡面, 我唔明佢憑咩野可以用大學既地方來開設辦事處, 我本身係科大舊生, 所以特別著緊, 實在唔希望大學既資源被人濫用...我已經嘗試過向傳媒投訴, 但得唔到積極既回應, 唔知仲有冇其他途徑可查證佢有冇以不正當手法濫用大學資源呢?

０８２１媽

我都有睇便利，我都有去過將軍澳，但果到好好細喎，真會有１０００個學生？
我想問一間正常小學會有幾多個學生？

ying5829mum

心底裡的問題:
dancer：你是否羅逸雅舊員工？或是否被解僱的員工？
見到你講到好差，叫媽媽去王仁曼報名，你知不知王仁曼是怎樣的學校呢？
是否你對這間學校有血海深仇？
ssfamily：自己是科大畢業生，為什麼不知道大學內的運作？
好多大學經濟科教授上電視講股票或財經，教授賺外快，這樣是否浪費資源？

ssfamily

ying5829mum:
不知你有否睇清楚, 我指我係科大舊生, 畢業了好幾年, 莫講話現役學生, 就算係校內現役高級職員, 一間大學咁大, 怎能幹的人也不可能了解校內每一部份的運作吧, 更何況沒什麼權力的舊生!

關於第二個問題, 大學教授接受訪問, 甚至從事其他教學以外的任務, 其實很多時候都算是職務一部份, 當然這些行為大都受到一些規限約束的。我不敢說這類任務會否做成資源泿費, 但至肯定的是, 與我提及的問題根本沒有沖突, 打個簡單的比, 一個人講大話是大話, 一百講同一個大話也是大話, 唔會因為多人講了同一個大話, 大話就變成真話, 兩件事件根本沒有相沖的地方, 你明白嗎?
講回正題, 我質疑的是, 為何一所私人機構可以在大學的校舍裡設立辦事處, 雖然科大規模也不少, 但相信未至於空置率高得要向外出租吧! 大學是研究和交流學術的地方, 縱使要資源增值, 也不得無的放矢, 任意網為吧, 寶貴的資源總應用得其所! (當然, 我只是提出質疑, 我都好希望我呢個質疑係一個錯誤, 因為係香港, 公平、公義都係重要的基石, 實在唔希望見到太多這類不合常理的勾當。

puifun

我囡囡都係嚮青衣個間學緊，不過我都幫佢轉校，開頭貪近，之前佢係荃灣嘉麗跳，一個老師對四個小朋友，呢度一個老師對十幾個小朋友，仲要加學費，差勁！      

[quote]
kaman-wingyee 寫道:
All,

我囡囡就係嚮青衣個間學緊, 佢學得好開心, 不過聽完你

ssfamily

關於你對dancer的疑問, 我也有少少補充。

我本身也是一個舞蹈愛好者, 雖然只是一個普通的舞蹈愛好者, 但因為認識不少同是愛好跳舞和對這行較有認識的朋友, 因此, 從他們口中亦對這個行業的情況略知一二。我對羅逸雅呢間學校本來認識不多, 只是因為從雜誌得悉佢竟然可以在一年間開多了成10間學校才會特別留意一下, 從事這行業的朋友也都認為, 以這行的特性, 以這種速度開設分校實在聞所未聞, 教育這類服務性行業, 師資是最重要的考慮之一, 可是, 但亦是最難控制的部份, 一下字開那裡多所學校, 怎能不懷疑其師資的質素?  亦未有足夠有質素師資的情況下, 只顧搶佔巿場, 盡管與這所學校無仇無怨, 有良心的人也應直斥其非吧。(註: 我也不完全認同dancer的所有論點. 但他/她的確提供左一些較客觀的資料讓家長們增加對這行業的認識。

０８２１媽

其實我都有一個問題，點解個個老師都係話自己係兼職，一間分校，６日課堂有６個唔同老師教．小朋友可以接受嗎？

lemonboo

dancer:我想問你係咪係尼間到教?!
點解你會咁清楚尼間學校既制度?!
睇d老師既training??
我諗一個普通既家長都冇可能會睇d老師囉training..
你講到咁有point你係咪尼間既老師?
"full time既朋友又走,part time既又走"
點解你會咁清楚人地d老師邊d係full time,邊d係part time?
同埋點解你會知佢d老師係中國舞出身,又教jazz又教ballet?

我覺得你講d野好有問題囉...就算係做尼一行,
我諗都吾會知道尼間學校既咁多野囉?!
--------------------
各位...你地係咁話佢地係咁轉老師
我個小朋友係荃灣個間跳,佢有9月開始跳
跳到宜家,個老師仲係到..冇轉過
最多都係試過一堂個老師吾舒服所以搵個第2個尼代
但都只不過係一堂姐.我覺得佢地冇咩問題囉,
我吾係好明點解你地會講到咁衰
係你地真心覺得佢衰..定係聽完某d有心中傷尼間學校既人講完之後先至咁?!   
大家都係成年人啦..點解仲要隨波逐流
聽完某d有心中傷尼間學校既人講完就走去和義呢?

dancer 寫道:
總之一句,你問我就唔好繼續上喇...佢最近成日都整埋d咩promotion俾家長,講真...一間學校好好地會唔會搞咁多promotion?我又真係無聽過jean m wong同毛妹有d咁既野喇!(如果有,我say返sorry呀!)

佢地reception對考試制度唔熟悉,你試下問佢點解上jazz要著leg warmer?唔著藍色得唔得?入面唔著黑socks得唔得?仲夠膽死賣陳婷d野賣到咁貴!

我計過佢地果d所謂優惠,果時有人話我知,咩新校3個月送衫同鞋,點知上原來一個月都送衫,就算分開一個一個月咁報,到最後你只係平左$230...據我聽返,好多小朋友頭果一兩個星期都無鞋仔著...如果一個有system的學校會唔會咁呀?

師資...你真係放棄依間學校啦!基本上...嚴格黎講,都唔知可唔可以用學校兩個字!如果你有機會睇過佢地d老師既training我打死你都唔會報。以前都好d,而家真係...哈一聲!咁多年喇...佢間學校果名真係...full time既朋友又走,part time既又走,點解咁多老師都走,咪就係因為老闆pk囉...好多人都知,佢間學校個名臭...仲扮晒有教學理念,如果係咁就唔會放一個唔識跳ballet既人去教ballet啦!一句我地會俾training老師嫁嘛...你真係吹佢唔脹嫁!如果sdm的ballet老師全部都有RAD的老師cert,jazz老師有ATOD的老師cert的話,我公開道歉!但係係全部!!唔係一兩個!

咁多年...門面上好似好好,但其實愈做愈衰...

兩個exam的網頁:
http://www.atod.net.au/
http://www.rad.org.uk/

其實香港跳舞學校真係好多!何必要揀一間注重個門口多過老師的學校呢?

只係個人意見,你可以唔同意...不過老實咁講點解講左咁耐都無咩人support?最多都只係話小朋友好開心...講真...著得靚靚咁去玩,有邊個小朋友唔開心?你試下係屋企同佢換跳舞衫,放音樂同佢玩,佢一樣會玩得好開心!只要你肯童真d同佢一齊玩!

apple_mother

我覺得『事出必有因』既！

如果呢間舞蹈學校真係你講得咁好，就唔會有咁多人去回應dancer！

有腦既都知道呢間學校有問題啦！一年可以開十間分校，如果唔係賺錢賺到笑，都唔會開咁多間啦！如果一年開兩、三間我都覺得可以接受，但係而家講緊係十間呀！

一間舖裝修都要最少十萬八萬啦，要整d for跳舞既地板、又要鏡又要扶把，十間舖既裝修費隨時成百萬喎！仲未計十間舖既租金、reception&導師薪金！你估佢地一個月要賺幾多先可以圍到呢個數呢？

dancer

我好認同『事出必有因』

我之前已經講左只係個人意見,你可以唔同意...

既然你係覺得間學校好,你可以繼續上,亦可以推介朋友去上
覺得唔好既就唔好去想,我之前都講左香港有咁多間學校又有得試堂,咪周圍試下先囉~無所謂嫁,就算要你俾一堂錢試左睇下鍾意邊間,再報都ok呀

ying5829mum問我知唔知道王仁曼係一間咩既學校...我只係想講,係呀,可能有人覺得王仁曼唔好,我而家只係將我自己的想法講出黎,我就係覺得王仁曼遠比羅逸雅好,你可以唔認同嫁,因為依個只係我的意見~

lemonboo:
依個行頭有幾大呀?一間好的學校同唔好的學校都傳得好快,特別係老闆好唔好。我唔怕講我識人而家係羅逸雅教緊,亦都有朋友走左,話明我識佢梗係邊個係full time邊個係part time啦,咁都有問題?依一個問題都要質疑,實在唔明白!除左羅逸雅,我亦都識人在不同dance school教,咁係咪又有問題?中國舞,芭蕾舞,爵士舞,hiphop,拉丁我都識人教,咁係咪又唔得既呢?

"係你地真心覺得佢衰..定係聽完某d有心中傷尼間學校既人講完之後先至咁?!大家都係成年人啦..點解仲要隨波逐流
聽完某d有心中傷尼間學校既人講完就走去和義呢?"

請你睇下,我只係認同,同出黎講左d家長就咁睇唔到既野出黎,開post既唔係我,唔support佢既都唔係我在先!

anyway~你覺得我講得唔岩就唔好認同我,繼續去上堂,ok嫁~

人人地有發言權,我只係睇唔過眼出下聲~

認唔認同我地可以自己決定,我又無迫人既~

不過,我真係有一樣野唔係幾明...一路post開既人都係有黎開依度...點解突然間會有兩個咁support羅逸雅既人走出黎,仲要係5月13日先註冊 ~哈哈~我真係唔係好明呀~

apple_mother

係喎~ 唔只同一日註冊，仲要兩個人都係得1個post！
我都非常好奇喎！

dancer 寫道:

不過,我真係有一樣野唔係幾明...一路post開既人都係有黎開依度...點解突然間會有兩個咁support羅逸雅既人走出黎,仲要係5月13日先註冊 ~哈哈~我真係唔係好明呀~

pinkykei200

我都非常好奇喎！

apple_mother 寫道:
係喎~ 唔只同一日註冊，仲要兩個人都係得1個post！
我都非常好奇喎！

[quote]
dancer 寫道:

不過,我真係有一樣野唔係幾明...一路post開既人都係有黎開依度...點解突然間會有兩個咁support羅逸雅既人走出黎,仲要係5月13日先註冊 ~哈哈~我真係唔係好明呀~

[/quote]

886copycat

你地駛唔駛踩得咁盡呀, 有沒證據先? 無呀嘛!

點都好, 人地1年內開到10間係人地本事, 師資好唔好見人見智啦.  你話唔好? 有沒家長媽咪投訴呀? 14歲咪14歲, 補習咪又係咁.  都係玩下之麻.

我囡囡係荃灣都學左好奈, 完全無問題, 不知幾開心, 我貴都抵啦

仲有呀dancer, 你都話呢行行頭窄啦. 畀d口德好d....       

dancer

我作最後一次回應,之後唔會再回應!

講左好多次,你覺得好可以繼續,就係咁簡單~無人迫你走~

不過我真係唔明,點解support得依間學校既post都係一d岩岩註冊又得唯一一個post既支持者囉...實在唔明...

之前post的人亦不乏係依間學既家長,都唔見佢地反應咁大bor~

我呢就

算啦~我相信大家既眼睛係雪亮,你愈多d岩岩註冊既人去講說話咪愈惹人懷疑!

最後一句,好唔好都係睇自己,睇你點揀~認唔認同你都有選擇既權利!

jackie_lau2000

浪費時間

係13/5 mother day 去了參加開放日, 參加時話有1個小時試堂, 點知原來得過15分鐘, 仲要好多家長(25人), D家長就"傘"住企係後排的小朋友, 而好多小朋友跟本睇唔到節奏(又沒有音樂)...老師仲要放聲大叫....根本控制唔到場面, 我之前都去過好咁多間試堂, 都未見過咁嘅情況嫁, 每次試堂的地方, 老師都會控制人數的......當時根本看不到老師的教學模式同質數...

真係浪費我時間

AhChit

唔駛咁激動喎dancer, 我地實支持你嫁
明眼人一睇就知啦, 剛註冊又得1個post, 係咪"自己友"? 心照不宣啦, 真係當我地傻o既...

其實, 我初頭見佢荃灣店開係荷花對面, 幾grand, 都有問下, 不過d receptionist 十問九唔知, 老師又好似好細個... 之後就聽到好多佢地d bad comment.... 聽講佢地老細人面廣(所以先有tvb show), 識好多傳媒朋友, d 便利報導唔駛問一定係"鱔"稿啦!

講真, 見佢開咁急真係替佢擔心.... 每間裝修+按金閒閒地50-60萬啦....而且佢仲叫人一次交3個月學費喎, 分明財政搞唔掂啦...(媽咪們都係逐月交穩陣). 況且, 依家係教育機構喎, 開咁急邊度可以contorl 到嫁, 係人都知好老師難求啦, 又唔係開便利店, 賣o既野一式一樣.... 就算補習咁大 market, 你都唔會見 現代, 英皇開到咁o既速度....

點都好, 真金不怕洪爐火, 係好o既人地點唱都會做得好,
做得唔好咪........ anyway, 支持你呀dancer! :  :  :