入了心儀的小學卻感到不外如是或後悔 (苦與樂)

麟媽媽

jmak006,

想佢正經答咪正經問囉！
唔係一陣佢又盲毛，又垃圾咁….
正經既唔答，一味鬧人又鬼咁快回覆。
呢度最好，討論多D，多角度睇嘛！
咁鬼耐都唔覆我，梗係去左搵資料，咁唔熟架…..

JodiYang

因為我想幫我個大仔報St.joseph, 但又交咗form 去HKUGA, 如果自行收生fail 咗, 而HKUGA 又accept , 咁我應該點? 應該accept HKUGA 定等第2輪統一派位結果呢? 因為我知如果accept 咗HKUGA, 就要 give up 統一派位.....
(我仲有一個細仔, 因此也要我另一個考慮因數...)

麟媽媽

Judy,

唔…. 我知有D 龍校要原校升中，
一定要中/英/數一律合格先得，
好似真係有人因為咁要離校既。
如果係龍校，如校方「勸導」該生参加政府派位，
咁龍校個位好似唔留比佢都得架喎….
我記得睇過吓咁講過，唔敢肯定。
你知學校有時有方法「勸」D 家長，
與其升上去辛苦不如轉去第間輕鬆D 架嘛…

TWMa

judy 寫道:

不知我沒有記錯，一般學校，是不得在小六留級的，龍校可不可以，我不知道。

津校小學階段只準留級一至两次，私校不限。龍校應視為12年一貫，考得不好，就要留級，這非常合理。但如果是規定某個%之升中率，差的那些踢出校，那一定違反了龍校之規定。

對於違反規定之龍校，政府怎麽處理呢？這オ是重點所在！

Judy:
我想 HKUGA 不會明白定出某個 % 之升中率.
我以前一直認為 "一條龍" 就是中學部必須全部收回其小學部的學生. 但是參加過幾間直資學校的簡介會, 每當有家長提出是否全部得以直升中學的問題時, 答案往往不是直接了當的 "是".
以前也見過有人在 BK 說過, 直資的一龍條和官津不同, 無需 100% 收回自己的小學生, 不知真確性如何.

LLT

麟媽媽,

You have become my idol.  

Seems that she has fled already and you defeated her again today.

LLT

Oh, too early to declare a victory.  She's back to war again!    It's better for me to flee

judy

我以前一直認為 "一條龍" 就是中學部必須全部收回其小學部的學生. 但是參加過幾間直資學校的簡介會, 每當有家長提出是否全部得以直升中學的問題時, 答案往往不是直接了當的 "是".

如果將"一條龍" 視為12年一貫之教學，那麽，學生在六年級留班，升不上中學，這並不違背中學部必須全部收回其小學部的學生的規定。但一個問題必須清楚：. 一條龍學校小六可留班嗎？如果小六不能留班，理論上龍校就要讓全部小六生升班。

jmak006

麟媽媽:

你講得好鬼死好笑又貼題,搞到佢冇晒你符,鬧你都唔得
(因為佢好似幾怕人料多過佢,)佩服！佩服！對付lee d
對人講嘢粗言穢語兼夾唔尊重人嘅人就係唔好同佢
對鬧,揾啱point就問番佢轉頭,等佢唔識答你,冇人注意
佢就自然收口架la.

麟媽媽

daydream,

當然，你咁講係最理想，
千多元唔係多，有時拎唔起就拎唔起架喇。
教會百年來辦學，為多少窮家子弟創造命運，
可惜時移世逆，多少教士對現行政策搖頭嘆息。
改朝換代，現在掌舵的都向現實看，
轉直資為大勢所趨，當中挑選更為嚴峻，
拎資助既去面試？好現實既….. 只有望門輕嘆。

麟媽媽

我講錯，我講錯，sorli.....
唔係登入而係註冊日期先真！
你上星期五先註冊BK 架嘛！
咁你齋睇成年都唔出聲都幾忍得，
一註冊就咁鬼激烈...真係好鬼正。

daydream 寫道:

***
9月先登入？你會知邊個係MOF？！哈！
下次諗過先寫，唔知邊個foolish？！
***

哈哈, 乜你唔知可以只睇而唔登入既咩!!

TTJTMaMa

其實100%收番哂,學生質素更無保障,會唔會鬥lazy呀? 明知全數收番,更加不用努力.  85% 收哂已經好好,真係唔進取的自然流失,有小小競增才有進歩, 我相信我們這班mama也是這樣成長.但我又唔會choice no secondary 的Primary school, 因為壓力太大了!

Charlotte_mom

說得對, 其實大家都知, hkuga係新校, 中學都係剛"開業", 所以, 今年小六升中一既學生, 全部都係當年插班入小學既, 咩background都有, 據校方講法, 其實佢地有安排補底課程, 無奈首批約100個小六生當中, 有16人英文程度唔夠, 無法安排原校升中
所以"hkuga安排85%學生原校升中"呢個說法, 只係base on一年既figure, 唔係好公平
長遠黎講, 校方係想做到100%原校升中既(我都希望係)

TWMa 寫道:
Judy:
我想 HKUGA 不會明白定出某個 % 之升中率.
我以前一直認為 "一條龍" 就是中學部必須全部收回其小學部的學生. 但是參加過幾間直資學校的簡介會, 每當有家長提出是否全部得以直升中學的問題時, 答案往往不是直接了當的 "是".
以前也見過有人在 BK 說過, 直資的一龍條和官津不同, 無需 100% 收回自己的小學生, 不知真確性如何.

Charlotte_mom

o係家庭與學校合作事宜委員會網頁中, 有以下解釋:

9. 【『一條龍』學校】 採用「一條龍」辦學模式的官立或資助中學和小學，擁有相同的教育理想，並會致力加強中、小學教育的連貫性。「一條龍」中學有足夠的中一學位全數收取所屬小學的小六畢業生，並會預留部分學位供其他小學的學生循自行分配學位或統一派位兩種途徑申請入讀。「一條龍」學校內的小六畢業生可以毋須參加升中派位機制而直接升讀所屬中學。如學生不願意升讀所屬中學，可申請其他中學的自行分配學位。若學生決定申請其他中學的自行分配學位而結果不獲取錄，她�他只可以參加統一派位而不能保留直升所屬中學的權利。 [size=large]有關直資和私立學校所採用的「一條龍」辦學模式，家長須直接向個別有關的直資或私立學校查詢。

TWMa

據校方講法, 其實佢地有安排補底課程, 無奈首批約100個小六生當中, 有16人英文程度唔夠, 無法安排原校升中

所以, 直資龍校可以篩人?

麟媽媽

我就係講呢句喇！
只要係學生不願意升讀所屬中學(龍校)，
咁問題就唔係出係學校身上，
當然，點叫學生唔好選自己中學喇喎....
你地自己諗喇。(都有D 黑暗...呵？！)

「一條龍」學校內的小六畢業生可以毋須參加升中派位機制而直接升讀所屬中學。如學生不願意升讀所屬中學，可申請其他中學的自行分配學位。若學生決定申請其他中學的自行分配學位而結果不獲取錄，她�他只可以參加統一派位而不能保留直升所屬中學的權利。