我係一位好普通o既小學老師

judy

問題是很多學校擔心如果TSA成績差，便會成為殺校的藉口

真正之藉口，莫過於"如果TSA成績差，便會成為殺校的藉口"呢一句。

一家學校被殺要符合下列三條件:
1. 全校只能收取一班.
2. 每班少於22人。
3. 可以申請特別視學(而特別視學包括很多範疇，成績只佔一都分，鮮鱼行可以為証)，特別視學不合格者。

上述三點，幾乎沒有一限和TSA拉上關係的。

所以，好好之教育政策，本是為了教師学子拆墻鬆綁，但就因為這些害群之馬，令香港教育蒙羞。

且狂操TSA和Attainment Test，能提升學科水平麽？

搞好香港之教育，政府、家長、教師三方面非合作不好。政府之改革，方向步伐都做得不錯，值得一讚。家長呢？除了和学校教師合作外，也要監督政府和学校，要能好好監督政府和学校，就要有正确的認知，有正确之認知，才能是其是，非其非。教師呢，當然要專業，是的，人口少了，自然不用那麼多教師，教師所受之生活壓力之大，大家都知，但教師不能因此而做出有違教育專業之舉動。

殺不殺校，和TSA成績差無關，教師為了不被殺校，而狂操TSA，既不專業，又顯得特別蠢，不太可惜麼？

bigBmama

恕我愚昧，我真不明白TSA和AT如何為學生拆牆鬆綁。TSA和AT確實不能提高學科水平，甚至是因為學校過分操練而成為絆腳石，但偏偏教統局又會在外評時把TSA成績列入學科水平參考內，而AT更是直接影響升中派位，如果AT成績不好，下一界的band1學位便會減少，怎不教人緊張？
當然我應為最好取消TSA，教師便有更多空間在課堂進行趣味性的課堂活動，提高學生的學習興趣。

judy

你說教統局會在外評時把TSA成績列入學科水平參考內，這個我不知，我只知在未有TSA之前，外評也會有一項學校水平的評論。而外評時，成team人進聚學校，學校水平如何，一目了然。所以是否取消TSA，對外評沒有影响。再者：

教統局需不需要外評？
每年有多少學校進行外評？
學校多久進行外評？
外評對學校之comments，是否等於公佈TSA成績？
市民有沒有知情權？

正如你所說，TSA確實不能提高學科水平，甚至是因為學校過分操練而成為絆腳石，咁，點解仲要操？越操成績不是越差，外評不是越難看麽？

可見，學校操TSA，是基於愚蠢之籍口。

至於AT，用平常心吧？

升中派位，是沿用之前之banding，還是要重新安排？

如果要重新安排，用那種方法更好呢？小學会考、學能試、AT，還有沒有其他建議？。那種試較少风险呢？

退一萬步，就算政府公佈TSA成績，但基於"操練TSA確實不能提高學科水平，甚至是因為學校過分操練而成為絆腳石"之原因，有良心和專業之教師就不應操練TSA。學校不能基於担心招生不足，而犧牲學生之利益。

LOOLOO

Miss_Chan_Chan, tks !!!
我會記住 !

Miss_Chan_Chan 寫道:
我覺得要從閱讀開始，只要佢唔怕睇英文圖畫書，慢慢佢就唔會怕學英文，當然真係要點教，就好複雜，但係一句講哂，唔好迫小朋友，唔好令到佢怕，唔好令到覺得學英文係向媽媽交代。

謝謝你的支持！

lamba

"""由 Miss_Chan_Chan 於 2006-08-30 23:33:23

我覺得要從閱讀開始，只要佢唔怕睇英文圖畫書，慢慢佢就唔會怕學英文，當然真係要點教，就好複雜，但係一句講哂，唔好迫小朋友，唔好令到佢怕，唔好令到覺得學英文係向媽媽交代。

謝謝你的支持！""""


Miss Chan, can you introduce some good English books for P.2 studdents ?

Miss_Chan_Chan

'I look through the window'

'The very hungry catapillar'

'At the zoo'

呢幾本都係我近年常用係P2 o既故事書，之前我都向大家介紹o既 'The story of Ferdinand' 都係唔錯o既選手。

lamba 寫道:
"""由 Miss_Chan_Chan 於 2006-08-30 23:33:23

我覺得要從閱讀開始，只要佢唔怕睇英文圖畫書，慢慢佢就唔會怕學英文，當然真係要點教，就好複雜，但係一句講哂，唔好迫小朋友，唔好令到佢怕，唔好令到覺得學英文係向媽媽交代。

謝謝你的支持！""""


Miss Chan, can you introduce some good English books for P.2 studdents ?

Miss_Chan_Chan

開學啦，見到一班可愛o既小朋友，個個見到我就叫Miss Chan Chan !  真係好開心呀！之前為o左教擔而引起o既唔開心都一掃而空，為o左小朋友教邊科都要努力！

今日校長叫我去見佢，可能佢都sense到我唔想教音樂，佢就解釋話因為今年請唔到音樂老師，又話今年要我教兩班TSA真係辛苦我，最後又話好欣賞我o既才華。雖然明知唔講o左o既好假，不過算啦，起碼佢都有當我存在，至少冇ignore我呀。

小朋友，我地今年要繼續努力呀！

Miss_Chan_Chan

今日幫小朋友分組，之後就叫佢地決定組名，我要求佢地要改中英文組名，我就用keroro舉例，keroro可以做英文名，而中文名就係軍曹。

結果就係......我班有成隊軍曹兵團！

佢地仲為自己組設計o左個共鳴口號，以後我課室就成日會聽到kerokerokerokero...慘！

Maxmami

    
我支持你
努力

Miss_Chan_Chan

今日搭巴士果陣，見到一位老婆婆上車，可惜我自己都要企，唔係就讓個位俾佢坐。係我附近有一對母子，仔仔大約14,5歲到，媽媽叫仔仔讓位俾老婆婆坐，點知仔仔好cool咁瞟o左佢媽媽一眼，同媽媽講：要讓你就自己讓啦！然後就望出窗外。媽媽當然覺得好尷尬啦，就一直係咁細細聲'哦'個仔仔，仔仔就梗係當聽唔到啦。

我睇到呢個情景，心諗真係可惜，錯過o左一個教仔仔o既好機會。如果我係媽媽，我就會以身教自己讓個位俾老婆婆，之後我就會唔出聲。等到番屋企，我就會同佢講，點解我第一次自己唔讓位，係因為我想俾你個機會你，讓你做一件值得人欣賞o既事，可惜你冇珍惜到，唯有我自己去做。

日'哦'夜'哦'，仔仔都習慣o左你個音頻，佢當然係聽唔入耳啦！

hkchina2000

校長可能有上BK.  

Miss_Chan_Chan 寫道:
開學啦，見到一班可愛o既小朋友，個個見到我就叫Miss Chan Chan !  真係好開心呀！之前為o左教擔而引起o既唔開心都一掃而空，為o左小朋友教邊科都要努力！

今日校長叫我去見佢，可能佢都sense到我唔想教音樂，佢就解釋話因為今年請唔到音樂老師，又話今年要我教兩班TSA真係辛苦我，最後又話好欣賞我o既才華。雖然明知唔講o左o既好假，不過算啦，起碼佢都有當我存在，至少冇ignore我呀。

小朋友，我地今年要繼續努力呀！

Mami_King

Miss_Chan_Chan 寫道:
今日搭巴士果陣，見到一位老婆婆上車，可惜我自己都要企，唔係就讓個位俾佢坐。係我附近有一對母子，仔仔大約14,5歲到，媽媽叫仔仔讓位俾老婆婆坐，點知仔仔好cool咁瞟o左佢媽媽一眼，同媽媽講：要讓你就自己讓啦！然後就望出窗外。媽媽當然覺得好尷尬啦，就一直係咁細細聲'哦'個仔仔，仔仔就梗係當聽唔到啦。

我睇到呢個情景，心諗真係可惜，錯過o左一個教仔仔o既好機會。如果我係媽媽，我就會以身教自己讓個位俾老婆婆，之後我就會唔出聲。等到番屋企，我就會同佢講，點解我第一次自己唔讓位，係因為我想俾你個機會你，讓你做一件值得人欣賞o既事，可惜你冇珍惜到，唯有我自己去做。

日'哦'夜'哦'，仔仔都習慣o左你個音頻，佢當然係聽唔入耳啦！

根據您的描述，我估計，就算個媽媽讓位，個仔都好可能無感覺。

Miss_Chan_Chan

可能小朋友會表現得冇feel，或者係ignore媽媽，但係至少佢唔可以否定媽媽o既做法。如果媽媽一早就肯定自己身教，小朋友係冇感覺o既話，以後再要教好佢就更難。14,5歲o既小朋友有咁o既表現，可能係因為父母係佢細個果陣冇著重身教o既重要。

好似我講個媽媽咁，佢自己都冇讓位，憑乜o野責備仔仔冇讓位呢？只有做好自己，先能令其他人服。可能好似mami_king所講，個小朋友可能冇無感覺，但係咪咁就代表乜都唔做，又或者係鬧佢呢？憑乜o野鬧佢呢？佢講一句：車，你都冇讓啦！就令媽媽無言以對，咁以後更加難令小朋友尊敬你啦。

Maxmami

絕對正確

Miss_Chan_Chan

今日同一位舊同事聚舊，佢係一位好有經驗o既輔導老師，佢話有一次佢係一班六年級上堂，佢問小朋友將來想做乜o野，點知有兩個細路舉手，一個話：我要做雞！另一個就話；我要做鴨！講完仲笑笑口咁，一聽就知呢兩隻小鬼係特登。

換著係我，我就會用一個輕鬆o的o野手法同佢地講：咁我就要做一隻狼，食哂你地兩個啦！但係我個舊同事真係好專業，佢好認真咁同兩個小朋友講：你地再認真諗下啦，諗下有冇一份值得人地尊重o既工作你地係想做呀？兩位小朋友立即收口，雖然佢地冇再答老師，但係佢地都了解老師o既苦心，亦都知道自己o既問題係邊。

舊同事話佢當然覺得兩個小朋友係玩o野啦，但係亦都唔可以排除佢地真係認為呢個係一個搵快錢o野好工，所以佢必須認真處理佢地o既問題。我聽完之後真係自愧不如，我望住眼亦呢位獻身於教育o既老師，真係好慚愧......

cacamummy

我大肚個陣, 都無人讓位俾我架. 我又成日見暈. 搭KCR諗住買頭等會有位坐啦. D人衰到知你行得慢. 仲快身搶你位TIM.

我大肚個陣, 只係俾人讓位3次. 3次都係30-50既男人. 反而佢地仲有人性.

個D呀太級同妹妹仔. 係唔會讓位架..我好記得小學係有一課書講做人要禮讓. 但係, 我唔明點解而家呢個社會變成咁囉..

有次, 我係MTR就黎暈低..好辛苦先至搵到近門個位挨住企.
都係無人讓位架

呀太級無SENSE, 我都算. 可能以前D教育唔興..不過, 而家D靚仔靚妹..都係望住你聽MP3..都不知幾ENJOY..

真係諗唔明架... 由我出黎做野開始. 我就知道, 要做好人要辛苦好多倍..不過, 我仲堅持..同埋我地個年代D人都無咁狼...

而家D靚仔靚妹真係睇到人搖晒頭....

Maxmami

你都有三次口Y, 我大肚個陣, 只係俾人讓位1次, 仲係鬼佬, D 中國人都無理我

蒙查查

Miss Chan Chan

見到你對教學嘅熱誠,
我好感動呀
支持你!努力呀!

Priscillafung

Miss Chan Chan,

可否給今年為小朋友揀0708年小一學校的家長給些你的寶貴意見？
Thanks !

catcatmom

Miss_Chan_Chan 寫道:
可能小朋友會表現得冇feel，或者係ignore媽媽，但係至少佢唔可以否定媽媽o既做法。如果媽媽一早就肯定自己身教，小朋友係冇感覺o既話，以後再要教好佢就更難。14,5歲o既小朋友有咁o既表現，可能係因為父母係佢細個果陣冇著重身教o既重要。

好似我講個媽媽咁，佢自己都冇讓位，憑乜o野責備仔仔冇讓位呢？只有做好自己，先能令其他人服。可能好似mami_king所講，個小朋友可能冇無感覺，但係咪咁就代表乜都唔做，又或者係鬧佢呢？憑乜o野鬧佢呢？佢講一句：車，你都冇讓啦！就令媽媽無言以對，咁以後更加難令小朋友尊敬你啦。